DZ

今日上午商务礼仪稍微有兴趣，跟住瞌眼瞓。

然后下午继续瞌眼瞓，比较兴奋系知道自己要落站，三元里，仲要听日开始。。。。。

晚黑排练节目，听完其他组的合唱之后发现我地组合张唔系最烂嘅，仲有更烂嘅，而且唔止一个添。。。。

晚黑同同组嘅几个人去咗饮夜茶，有个同组女仔生日当请人地啦。

唔知点解甘多人争给钱，连生日果个都争住给，最后都系我给咗，不过点得少咗的自己无点吃。。。。。

补返写日志，上午瞌眼瞓就唔讲。

下午去咗海珠广场落隧道睇，由于安全帽数量原因最后一组先落去睇。

听前面的组讲排头先有得入去睇盾构机，其他就行到一半要返出去，于是係摆低书包嘅时候跑返去霸得比较前。

落咗好多段楼梯，有的仲好斜，最后落到地下35米嘅隧道到，未落到底已经开始觉得的空气湿同埋热。

行咗100米到就入盾构机，感觉就好似一个圆形嘅塞塞住隧道嘅尽头，系旁边一个人宽嘅巷道钻如去。

不过无睇视频甘去到盾构刀盘果到，然后就要翻返转头，听讲个盾构机无全速开，如果唔系条隧道会更加湿热而其充满油气味。

绝对要向挖隧道的工人致敬，从个坑到沿住好斜嘅楼梯继续行返上地面，返到上去同组有个女生已经有的想抽筋啦，难为的工人日日行。

时间关系，迟的先上图。。。。待续

今日全日系室内上课好无聊，企业文化瞌眼瞓，然后睇会议方法视频。

中午继续惊喜发现饭堂的菜分量又多咗，貌似公司对我地都算好，起码得我地先有水果。

下午先睇地铁参加春运的视频，仲可以。

跟住人力某经理来讲课，又瞌眼瞓，ppt内容同宣讲会嘅无乜区别，的文字员工手册又有。

但呢为经理明显无好上午果课会议方法，讲得high就开始吹水，猛拖堂到6点半先落课，完全唔觉下面饿声一片。

他返屋企有饭吃，可怜我地仲要排练，饿住返到屋企已经9点。

话说排练今日仲搞到我带埋手提给他地睇点跳para para，结果又无点用到电脑。。。。。

貌似副组长完全唔听人意见嘅，ok大家都无问题，早排练完早的走。

早上总经理终于来见我地，之前睇年报同报纸上的图认为他会着西装出现，原来着一般衫来显得比较平和。

话早我地25年毕业，先40几岁真係比较年轻，讲咗他的经历仲有给咗的建议我地，仲讲咗最关键momey嘅问题。

貌似他把声比较有磁性，居然有的瞌眼瞓，好在仲保持到坐嘅姿势。。。。

然后廉政课，继续无聊，继续有的想瞌眼瞓。

中午，呢个星期由于会议室位置关系系坑口饭堂吃饭，今日中午首次出现菜多过饭，终于唔使搵汤送剩返的饭，貌似饭堂阿姨的菜分量分配比较随机。

下午先系上安全课，gzmtr大事故唔多但零星都来的小事故，唔知点解个老师讲到的事故比较好笑。。。。。“这也说明工人的安全意识不够高，跑得不够快”。

然后又有得去参观西朗车辆段，原来地铁每一列分ABC车，1号线车身旁边5种颜色信号灯都有唔功能。

呢到的1号线车身同车架都拆开晒，总之同66一样复杂，一列1号线有6节车厢，一个车厢有两边一共10道门。

每个车厢有2个车架，每个车架4个车轮组8个轮，即係一个车厢如果系牵引车厢的话有16个牵引电机。。。。。

总之无相机带，今日系一大损失，可以影的拆解咗嘅地铁同车间。

然后去火灾疏散演习，专门系个车棚到搵咗部1线来给我地玩，实在太正啦。

灭火桶系4、5好凳底，要练习拧开凳底个盖，最爽系可以系部1线到随便搵道门拉个紧急停车挚。

只要拉低之后，就可以用手拉开个车门，如果推返上去道门会自动关返。

如果平时系车到无端白事拉一下就罚2000蚊，今日我累计都拉咗成万几蚊啦，超爽啊。

当然仲有介绍咗可以入去同司机叔叔或者阿姨影相嘅果个紧急开驾驶室，仲有从车头打开紧急门果到落车。

解散得，但要排练合唱，真係吃得不讨好嘅事，不过既然无人提出新嘅节目就唯有听组长同副组长讲囖。。。。

5点正，吃饭嘅吃饭，收工嘅收工，寻日返屋企地铁上给副组长炒咗唔使跳舞，其实我几高兴嘅，所以可以返得屋企。

上午有人介绍咗下公司情况同发展之类，同国内其他公司比较下，总之我地的管理同架构算比较先进啦，不过架构仲有的蒙查查。

总经理要开会来唔到，睇咗总工程师嘅事件，可以比较完整甘诠释gzmtr嘅精神。

下午参观夏滘车辆段同大石嘅3号线调度中心，绝对系大开眼界。

第一站，下滘车辆段

每个月地铁绿化同保洁支出都n多，全世界最干净嘅地铁连厂房都甘样

连厂房屋顶都整甘靓绿化，原来要为广州绿化面积率做贡献。。。。。

游完屋顶花园落地下睇啦

呢到影铁路超正啦

地铁工程车，拖地铁用嘅

3块专业名词嘅牌

貌似系维修3号线嘅空调

车棚

第二站，大石

调度中心楼下展板

3号线调度中心，可惜影完呢张相机就无电。。。。。。

送多2张人地手机影嘅，好先进嘅调度室，不过睇设计都系预咗给人参观嘅。。。。

//分割线-------------

今日实验证明，公元前到客村站无论坐2线或者1、3线时间系完全一样嘅。

今日开始收集华工的人联系方式，点都要有人组织一下嘅。

补返第5日的流水帐。

上午学员教官都无乜心机，操几步又休息，预演走下入场，至于的动作的教官有的睇唔过眼。

下午唔知乜领导来睇，总之等11个班操晒都几耐下，操果时的人认真咗无乜丑出。

晚黑返到屋企，简直感觉脚都软埋。

小组演出果到话要出跳舞节目，点解拣我负责仲要跳埋一份，星期四晚黑去搵跳舞老师都系想打击下等你地放弃，点知甘就揽咗上身。。。。。

今日发现耳仔都甩皮添，好在下星期开始都系理论课，听日下午有得去参观工地。。。。。

今朝又迟咗5分钟出门，今日无甘好彩，落楼起码等咗5分钟先有公共汽车来，结果仲系无迟到。。。。

地铁准备坐到终点站见到对面有个一齐培训嘅，因为他个透明塑料袋里面都有地铁发嘅帽，望住他嘅时候他都望返我，因为我地今日都着咗华工嘅运动服。

出咗站就校友相认，记得寻日定前日早上都系地铁到撞到他，因为唔知他乜水无理他。。。。

上午继续晒，竖起华工运动服条领包晒条颈，发果的帽就遮眼，耳仔上面都晒到比较痛。

早上的1、2号线系旁边洗白白，操紧或者休息都可以望到，唔系今日先发现啦。

今日中午带咗飞行棋去玩，自己果组的人原来想住讨论培训结束出乜节目，搞到他地整个中午都系到玩飞行棋。。。。。

下午无落雨，但都唔使操到6点，抽咗的同学出来同公司某部门打篮球，全部人做晒观众，但地铁的人真系好强，听讲系因为日日练嘅。

今晚返来抹面时候发现自己原来眼下面的面都晒黑埋，阴功囖，好在听日系最后一日啦。

早上又迟咗5分钟出门，不过到今日我都好好彩一落楼下车站就有车来，跑咗几步就追得上。

寻晚发现自己条颈晒到超红，今日专登着咗件有领衫，日日着住好宽松开运动装赶上班唔知会唔好得意。

上午站军姿时候，nice嘅教官拣咗个树荫下面企，我地班真系仲幸福过的女生。

仲系来来去去的动作，休息基本上都超过10分钟，睇怕的教官其实都唔多想甘快又系太阳下面晒。

貌似的人去同教官吹下水再吃下烟灰严重拖长休息时间。

中午饭今日居然有所改善，起码个碟里面的肉要2只手的手指先数得晒，其中1块鱼肉大块咗好多，多咗几块鸭肉。

外加1条鱿鱼须同2块薄猪肝，不过呢两样睇来系的厨房阿姨装菜个勺之前果勺剩返嘅意外，因为听讲其他人都无。。。。。

中午小组开会商量准备培训最后的节目，每个小组要出3个节目，个个理科男生都拗晒头。

今日第一次知道有三句半的甘样嘅节目，某北方女生提出嘅，不过既然无其他节目就当系1个节目囖反正唔系我上，感觉到时冷场会变“冷笑话”。。。。

下午继续训练，教官可能寻日中午饮酒关系唔多出到声，一道系隔离班无甘nice嘅教官代操，居然将我地的衣领拉返落来实在太可恶啦。

接近放工终于落雨，整日个天周围都系云唔知点解就我地果到猛甘晒，总结大家心情就係“盼星星盼月亮，终于下雨了”。

由于落雨关系，今日都提早解散，上咗地铁就居然见到出返太阳，好在走得快。

不过听晚唔落雨的话要补返的时间到6点，祈祷听日下午继续落雨，希望在明天啊。

早上迟咗10分钟出门，落公共汽车行去地铁站果段走都走唔切。

其实自己吓自己，上地铁果时都仲有整个钟时间，结果去到见到个一齐到嘅同事人第仲有时间吃埋个早餐添。

今日全日嘅节目就系军训，所以专登着咗件印住落雨嘅tee去希望落雨可以偷懒。

结果一的都唔灵，整日就见到的云系周围个天到，但西朗上边就留返个窿晒到我颈都红埋，下午临收工果丁雨就根本唔使避。

整日就甘晒，好在教官都唔严，只要做好的动作就可以休息，加上来来去去的动作的人基本都以前军训学过无乜好教。

由于我地休息得太多抹得太多汗，连影相果个哥哥都唔来影我地，因为显得唔辛苦。。。。。。

下午时间的教官同他地保卫部的人仲show咗下的军训基本动作同军体拳，都唔系好齐姐，不过多咗个几钟头偷懒。

今晚要继续早瞓，唔知点解自己站军姿时候甘晒都好想合埋眼瞓觉。。。。。

今日去地铁第一日培训，早上提早1个钟以上就出门，我实在恨8点半就要开始。

去到n多人排队签到，仲有留言，由于字太难睇签咗个名就算啦，见到返2个同部门同事就坐埋一齐。

其他嘢留意唔到，见到一个培训老师之类行路唔带眼撼咗落玻璃门到，不过两样嘢都无烂，另外个讲师就一边讲一边唔带眼倒转行路踩歪咗路中间个相机三角架。。。。。

然后大体介绍，宣誓，简单互动果的气氛都几好下。

分组时候居然分分到女生最多果组，不过都系6、7个而已，20几个人一个个名我都记唔住。。。。。

上午时间又去得差唔多，军训舞咗几下就吃中午饭，居然免费，但的肉就只可以系挑出来嘅。

下午点半就开始，一边企同练一边仲睇到旁边西朗站的地铁出出入入。

终于落雨，不过教官无即刻话解散估计好多人失望紧。

后来终于撤咗去饭堂，应教官要求拉歌，气氛就麻麻。

的男生唱到连 两只老虎 都唱埋，最好听都系全部女生系到唱 后来。

拖下拖下又够钟落班啦。

好眼瞓，今晚要早的瞓。