DZ

今日早上去地铁报到，我个部门先3个人报到，又见到个nice部门HR姐姐。

跟住个HR姐姐同我地填下表，介绍下各个方面的嘢甘，中午仲系果到饭堂吃埋饭。

最幸福就系即刻有临时员工卡，以后点搭都唔使钱啦。

貌似地铁的待遇都唔算差啦，我对呢间国企都有唔少期待。

跟住落来就系3星期嘅培训啦，要识多的新同事新朋友啦。

今晚会到珠海，然后听日就可以去澳门玩，毕业之前终于可以去旅行啦。

上面果句只系幻觉，因为我已经病倒五颜六色，返工之前就剩返几次医院半日游。。。。

喉咙沙岛唔想讲嘢，之前毕业差唔多日日聚餐积埋埋积埋的嘢终于要还。

无得去玩有的唔甘心，不过自己唔争气无办法啦。

寻日未报到又毕咗页嘅我做第1日自由人。

本来唔知有乜区别，买白云山门票嘅时候记得自己无带学生证，就是记得上面也都给人盖咗个以毕业嘅印。

只可以买大人票啦，想起以后去睇电影，吃pizza之类之类都无优惠觉得以前甘少用呢的优惠真系唔抵。

系麓湖饮下午茶，然后系湖边坐下吹下风，当然我上班之后就唔甘想象呢的，我想系我的人生目标从物质享受升华之前，甘就系我追求嘅生活目标。

当然唔系话唔上进，但至少唔应该会忙到连呢的嘢都享受唔到。

宿舍搬空之后，屋企就变成一堆堆，可能仲引进埋宿舍的甴曱同隔离床上面的虱，一大堆嘢要又要执又有排头痛。

发现自己并行处理好多事嘅能力要提高，好似最近除咗做好人之外也做咗下坏人。

实习带我嘅人居然发短信来问我去咗边，我有的惊讶人地仲记得我，因为过年时候拖住祝人第嘅短信都无条想住无得再联系。

都系人地有心，不过貌似最后讲错话。。。。无事嘅。

今晚彻底离开华工，宿舍锁匙也都交咗，的士开出华工嘅时候奇怪嘅感觉应该就系唔舍得。

其实我应该再早的离开，留系学校拖住呢几日其实好唔积极。

每日见到书从楼上飞落楼给人一堆堆甘卖，唔同人请唔同嘅饭局或者快餐，周围呢个果个系到转来转去影相。

本来应该第二个走，点知变成最后一个走，清走晒地下要卖嘅书之后我台面同柜仲系甘乱，点都唔想执，结果拖到今日终于有决心执。

原来真系有好多也，一个红白蓝装晒的书结果搬唔起身，仲要带走埋其他人唔要嘅桶席衣架去扶贫。。。。

最后结果系差唔多塞满一部的士，准备走返去同人道别嘅时候特然记返起宝贝66漏咗系宿舍门口，差的就永别。

桶装水同饮水机送咗给小王子——一个要读多年嘅奇怪同学，洗衣机系最后一刻卖咗个隔离班2个男生。

临走宿舍就空空甘好似刚刚来果时甘，只不过地下多咗的废纸垃圾，台底同床边嘅墙邋遢咗。。。。

回忆都打包走埋返屋企啦。

按实际时间讲，散学礼同授予仪式系前日嘅事，而前晚4班就去咗唱K，当散伙聚会。

散学礼

散学礼系体育馆开，感觉就系一堆人讲一堆话，后搞得比较隆重，但比较闷。

感觉系做给人睇多，可能4年来班主任都唔多个无乜归属感，如果可以走可能好多人都会走。

授予仪式

晚黑系授予仪式，同样系体育馆开。

虽然觉得系抄中大上年开始嘅握手，但气氛绝对好过散学礼，起码感觉大家会其他上台。

上到去大概就系给校长拨穗，由右面拨到左边，从他手到接证书，然后再摆个pose影相。

听讲之前白天已经开完2场，今场都3个学院都好似成千人，校长毅力真系坚强，不断重复鞠躬、双手送证书、转身影相。

不过开始无耐就觉得校长好机械，至于笑容僵硬都放过你啦，估计我地自己重复做100下都想颠。

不过开始睇完100几个人就开始无聊，于是下面的人开始期待的意外。

有人影完相从校长前面走过，都唔算乜啦。

有人低头果时帽跌咗落地下，校长亲手帮手执返大家都给他掌声。

不过估计跌多几个校长就会腰痛，但真系唔知一个系甘，每次见到有人跌帽下面骚动完都有唔少人再去戴稳自己顶帽。

当然证书一样可以跌落地，校长继续执，我地继续鼓掌。

仲有的得意的就影相表情超怪，有几个摆yeah手势，最恶劣都系挪完证书唔记得影响果的，给校长扯返住。

感觉就难为校长啦，可能体力原因，他只主动同全场唯一嘅2件博士握咗手，其他除非有个别人主动啦，不过都见到有人给他推返只手返来。

仲有难为后面坐足3个钟嘅领导们，你地有得做算好咖啦，难为校长散场果时走路已经明显好似个机械人甘。

散伙活动

授予仪式完都11点，按计划去唱K通宵，要多谢的积极嘅班委组织活动。

唔齐人就肯定，不过有过半数人来就好好啦，开头有的冷场，酒同骰子上来就热闹好多。

居然有人可以系到抓五子棋的甘平静嘅游戏，不过好过旁边闷到瞓咗果的。

后来大部分人都high来，仲有咪霸添。

最后差唔多走，大家好大声甘唱《朋友》，估计大家都比较有feel啦。

再轮流讲下大家感受讲咗成大半个钟，有女仔喊，男生都有讲讲下变声。

我当然唔喊埋一份，反而冷静得有的过甘去想几多嘢系可以信或者以后实现到，事实上并唔会因为今晚的人会更加团结几多。

“以后得闲吃下饭就够”，希望大家可以达到呢个最低嘅条件啦，其实以后大部分人都系省内根本唔远得去边，关键都系睇大家有无心啦。

都应该过去来，要为新嘅开始做准备啦。

话说22号星期日系我影毕业相，除咗屋企人，关小姐也都好给面来捧场。

由于下午先开始影，唔系好够时间，反而同其他班的人影得多。

虽然仲未离校，但其实已经毕业啦。

下午最后一次来图书馆实验室，整理实验室电脑里面的资料。

除咗留低里面的游戏，其他所有都删晒，顺便再get一个最新嘅版本来留念下。

唔知系咪给我折磨得耐咗，硬盘效率好慢的项目备份有排删，甘等我祟去图书馆顶到影下相先。

正门

好似叫流诗湖，最近落雨装满水变得好靓，其他音译自行理解。。。。。

准备影另外一边嘅时候，给物管姐姐撞到话楼顶唔给学生上而且图书馆里面唔给影相喔，乜规定。

我话我影图书馆外面咋嘛。。。。 为咗唔搞甘多事就甘溜咗。

要系图书馆欣赏日落都只可以系的又长又窄嘅窗到“装”啦，反正以后都无乜机会再睇，除非我做领导啦。

同各个研究生讲byebye，同某人道别实在寒暄唔起而且他貌似只关心我部实验室电脑个位可以空出来，算唔应该对他抱幻想。

ok，离开呢个令我又爱又恨嘅地方。

今日终于搞掂埋缩写500字嘅优秀论文，缩写果时居然发现自己篇正式都仲有几多错。。。。

如果优秀论文无乜奖励就真系唔抵，白写多5000字。

补充一下，由于我呢半年系某人面前表现良好（只系背后讲他坏话）甘就有个优秀论文。

blue通道寻日嘢都给个PM话“可以功成身退啦”，搞掂晒呢的甘最近嘅繁忙状态似乎可以结束一下。

听日影毕业相，前日赶过3场知道辛苦，所以唔麻烦甘多人啦。

今晚宿舍执嘢超乱，下个星期明同学就走先去深圳啦，好快大家就会各奔东西。

宿舍台面延伸到周边嘅凳都好乱，书同好多嘢唔知从边到执起，本来想住执下嘢点知堆得更加大规模。

其他同样堆咗好多嘢，邮箱里面堆咗的未睇嘅邮件，重要blogbus漏咗上星期一堆嘢无邪。

想一次过清返晒，但越堆越多。

原来自己买咗2次同一种护发素来洗头，上星期同学借我支“洗头水”来用先发现，怪唔得支嘢平的又稀的。。。。

过去一个星期n多嘢发生，不过先讲咗今晚先。

今晚吃完饭妈妈话去睇下隔离屋个公公，话已经入咗医院几耐下，平时人地过年都会封利市给我，应该去睇下。

出门，由于临时想住去，又揾唔到个婆婆问住边间房，行咗好多层住院部，准备放弃嘅时候，终于系某个照顾过公公嘅护工口中知道咗位置。

上到病房，个公公系到瞓紧觉，本来唔想叫醒他嘅，不过妈妈想住给的钱他，最后都系个护工叫醒咗他。

听讲他头脑仲清醒，只不过身体唔系甘好，一开头仲唔系好认得我系边个，最后知道我系隔离屋。

几乎全程都系妈妈系到讲话点，我就企系旁边睇住他，个护工就因为他刚刚醒喂的水给他。

他讲咗几次嘢，一次问我去咗边到做，一次系话的灯光得济，仲有就话自己老无用。

知道我去咗边做嘢之后，他从被到伸只手出来伸手指公做一个叻嘅手势。

讲到话我下个月正式做嘢要请他去饮茶之类之类，他开始激动开始喊。

甘样比较唔好，于是同妈妈尽快离开啦，临走同他讲话等我做嘢就请他饮茶，好好休息之类之类。

真系要珍惜眼前人。