DZ

今日应该影毕业相，然后早上起身就开始落雨，唯有通知爸爸妈妈同其他人取消，唯有推迟。

但有的家长同同学之类果的已经来咗，最后的人就开始系宿舍走廊开始颠。

无带相机就开始系各个宿舍之间游走，见到熟人就叫人帮手影，见到新东方识果个女生，原来她同一个同班同学系高中同学，好巧。

最后连“千手观音”都影埋，下星期仲有得颠多次。

// 分割线

寻晚前计机会张返来请吃饭，本来唔想去，但各位“老人家”都出席而且有专登叫埋我就唔好推。

我系想住应该宽容的对呢个人，或者想改变下自己对他同果的唔高兴事嘅睇法，不过结果系令人失望嘅。

饭局气氛比较尴尬，如果同学或者friend之间吃饭会大家客气甘斟茶倒酒甘，但点解呢的都要被命令呢。

果个人要大家讲下大学搵工之类嘅经验，然后自己讲一轮，最后仲讲得好送书，搞抽奖送购物卡添。

貌似大家都听得有的无聊，同某女生偷偷发短信，话想闪。

给人话自己一直好似死人面甘，再扮笑下啦，点知后来知道人第觉得我系係到似笑非笑。。。。。

睇来我都系好难隐藏自己嘅想法，尤其对得完全无好感嘅人。

我仲系好佩服呢位前会长嘅果种居高临下嘅组织力仲有野心。

送的书系电信送给vip客户嘅书，贺卡仲系happy new year，购物卡估计都系公司派嘅姐。

虽然做电信网管，但明显你混得唔够好啦，你返来只不过系想再铺多的人际网络。

我其实来唔来都无咩所谓，只不过他做给人睇他有气量，除非我再引起其他人缺席他先会惊，但我绝对认为无下次再见你嘅必要。

尤其听完对我嘅评价，发现呢个人完全无变，仲系认为他赐予我的乜系甘理所当然。

好在跟住晚黑唱K无去，话赶论文，听讲气氛都比较尴尬，真系恶劣。。。。

// 分割线

Live Mail对space嘅RSS订阅特然间好返，未读订阅源特然间多咗40几个未读。

之前short咗唔得闲或者懒得去睇呢几个人嘅space，依家快速浏览下，唔同人，唔同嘅经历，唔同嘅态度。

思想基础又有的受到动摇，不过好快就忽略，同小力同学讲嘅甘去平视其他人嘅生活态度。

// 分割线

最后好似比较少关心周围嘅人，可能系自己忙，又可能真系忽视咗。

临近毕业实在受到好多思想嘅冲击，有时觉得无所适从，但只能做好自己至少能做好嘅事。

仍然觉得好多时候好多嘢都只可能系一个人经历，其他人只能够鼓励你，但无可能完全体会你嘅感受。

好多时候想挪电话打给人，但人第做紧乜呢，跟住电话又放返低。

// 分割线

听日继续留系学校改论文，大致写好，但结构要调整。

帮手睇论文嘅系blue通道个PM老师，发现他超吹得，叫我将项目无嘅嘢都吹埋上去，怪唔得他要整日派去同电信沟通。。。

顺便讲下blue通道已经4号上咗线，链接如下www.b channel.cn，请自行去除中间空格，但我做嘅系后台show唔到乜给人睇。。。。

9号前又有bug要改，听日又要去加下班。

听讲仲有一笔补贴，但因为下星期去四海吃饭就发少5够水，唔去冇得折现，又要听某boss讲废话。

发少的钱就算啦仲要精神折磨，好似上次甘，你猛讲我就猛吃。

今日貌似过节，不过我仍然系要“加班”。。。。

晚黑从图书馆慢慢行返来，听日个blue通道貌似就交付之类，同时我都可以专心开始写论文啦。

好累，之前去重启果部又short咗嘅数据库服务器嘅时候，等重启果阵就趴系部机前面台面瞓着咗。

已经觉得个项目好似我个仔甘，呢两日狂加班就系为咗生埋他出来，其实已经算难产咗好耐。。。。

无出现幻想中要通宵加班嘅情景，因为就算我想加都无人肯陪我，好似就得我甘赶。

其实我可以唔甘赶，只不过系因为我唔想其他人写乱自己的代码，仲有就系认为自己做得晒唔使人帮手。

当然有的睇唔惯有的人平时就少来，最后就话好多嘢咗要人帮拖，不过我唔可能做得出甘嘅嘢。

所以都系唔好太介意啦，最多就好似呢两日甘大部分都系自己系实验室“加班”。

就挨到头啦，要出力写好论文。

// 分割线

晶晶返咗来啦，等我请她吃饭，仲有个靓女初中同学都放假返咗来，得闲可以去见下，等论文搞掂完就去得啦。

首先要庆祝今晚又又又、又又又又爆咗 死亡鬼屋4，仲挪咗第1个S级。

呢次同蕉用得更加少银，睇完的S级视频果然会劲的的。。。。。严重上脑啦。

连续第4个星期去打机，实在系大压力，今晚出来放松下，打机晚黑再同人饮夜茶。

听日早上又要赶返去，听晚又要出最终版本，貌似讲咗甘多次真系最终版本啦，星期一上线。

但开唔开发得完我就唔敢保证，最多唔瞓觉，仲有的莫名其妙嘅bug加埋就非常mf。

顺带谴责上次出差开会见到果2个女嘅，果次讲好话她地公司开发接口，居然话唔识，最后仲要推到我地呢边帮她地做接口，乜世界。。。。

呢个星期连续错过咗2个重要同学嘅毕业相，coffee同关小姐，一个无乜时间去另外果个更加恶劣甘完全唔记得。

天杀嘅项目，都系你。。。

话说上周末实验室一间办公室嘅落地玻璃爆咗，我相信系学生的怨气太重。。。。

其实只係裂开晒好多好多块仲未散跌落来，同其他整快玻璃好大差别，搞到我觉得好得意日日想去摸下。

好明显已经有痕唔平啦，话唔定某日某人经过就。。。。。。

另外今日发现大型机间房的空调超劲的玻璃都起晒水汽，而我地旁边嘅实验室就空调有无开就差唔多感觉唔到。

差的唔记得咗，我地华工用嘅都系节能空调，从温度就感觉得到果只。。。。

早上8点起身想住可以搞下论文，点知起咗身好眼瞓，系张凳到又摊咗半个钟。

中午赶改嘢，个老师下午要演示，搞到吃中午饭嘅时饭堂已经得几个人。

睇完的bugList，其实只要现实的就知道旅游无咗行程表呢样嘢，的嘢边做得完，仲要写论文。

而我好想去旅行，预期话我好想去边个地方，其实系我只系想逃离呢到，呢种状态。

又可以成为我点解最近3个星期连续去打《鬼屋4》嘅借口，但毕业设计同论文无样走得甩，唔通唔毕业咩。

今晚小三话美院晚黑有他地系动画毕业展，放低做唔完嘅blue通道，都系一个人去比较好。

去到已经坐满人，要坐楼梯都唔多位，但气氛好好，的人都睇得几有兴致每个作品介绍或者播完都会鼓掌。

有动画，也都有3D，互动、游戏或者其他静态展品嘅录像都有，仲有的学生代表发下言，有带强烈“乡音”嘅家长代表发言全场爆笑（算系另外一个行为艺术节目挂）。

有的作品都几有创意，可能对美院的学生来讲会常见，但对于一个做咗半年工人嘅人来讲就几新鲜。

又令到我觉得大学生活原来应该甘有趣，但之前嘅我可能更加中意留系宿舍。

仲有一个咩动漫合作挂牌签约仪式，一睇就知无排练过，的牌同证书系的领导嘉宾同礼仪小姐之间转来转去。

仲有美院的礼仪小姐套衫好制服feel，开头以为系的来cosplay嘅。。。

然后某校长定院长讲话，虽然无我地学校甘僵化，讲多系自己专业嘅嘢，但最后由开头唔想讲变成长气，终于好似其他美院学生甘唔给面甘走咗去吃宵夜。

係南亭，隔离台系一个广工嘅鬼佬英文老师，居然主动搭讪，甘就一齐吃囖，的三脚猫英文仲算沟通到。

讲下他的经历，吹下USA同呢到嘅差别，仲有他的经历，影下相留咗Email甘。

由于宵夜挂住鬼佬倾计，唯有上美院宿舍继续倾，发现自己其实都无咩规划反而去担心人地以后点。

宿舍7楼好凉爽，听讲美院晚黑的教学楼可以通宵，真系free，最近好需要呢的感觉。

// 分割线

星期日有一对老人系外面来屋企，应该算系亲戚挂，小学嘅时候去过他地屋企玩，但已经无咩印象。

中午吃饭，个公公个样仲有的印象，但个婆婆就。。。。个公公听讲话做咗声带手术唔多讲到嘢。

他地话系专门来睇我嘅，应该客气成分居多，当然餐饭他地吃得更加客气。

的点心他地可能唔中意吃，点咗1个鱼1个鸡爸爸又话够唔使再点，他地如果唔系主动夹餸给他地，他地係唔会自己夹最多倒的鱼汁。

于是后半餐我几乎除咗自己吃就系望住睇下他地有无自己夹过餸，都系无，搞到自己都唔好意思吃。

我有的想发作，果边就好客气甘话唔使点多个菜，然后2个人用鱼汁吃咗2碗饭，屋企呢边就话够唔使再点。

最后2个老人家仲封咗封利是给我，但我宁愿封利係吃饭果时挪来点多个菜算。

我好讨厌呢的“客气”，第日我给钱嘅话，你系就吃饱，系就咪来酒楼吃啦。

早上专程将小明同学吃饭顺手係麓湖抓返来嘅一樽蝌蚪倒咗落学校个湖到，因为唔甘做估计他会唔等它地听天由命。

好少会来呢个湖边，特别系早上，系湖边教学楼到见到几个读英文嘅MM，仲见到她地证明我起身得仲算早。

可能睇得电影太多，总系觉得会睇住的蝌蚪慢慢甘係的湖水到游走。

而事实上我已经係离湖面好近嘅地方倒的蝌蚪落去，但一倒落去的水流就卷走埋的蝌蚪，而且湖水好深色，倒完几乎就乜到睇唔多。。。。。

我可以做嘅只有甘多，然后给鱼吃咗定变青蛙它地自己执生啦。

在兜返去图书馆，因为连续几日落雨，发现学校原来甘多绿色，原来干咗个湖变返湿地。

当然今日嘅任务同的学校的绿色一样甘精彩，要由原来个单角色变支持成多角色，一个字只差就要改好多嘢，而且涉及好多地方。

虽然我觉得个系统无可能避得开SQL攻击，因为管唔到其他人写嘅代码，但自从知道有呢样问题之后就一直会改好返之前会出问题嘅代码，起码问题唔出系自己的模块到先。

本来话有师弟*2再加师妹*1来帮拖，但他地都2个星期后考试，我都唔忍心再叫他地过来。

个老师话要每人至少1个星期来1个钟，但甘搞法心都系到啦，虽然我知道约早来他地会越无甘忙，但好难会令的师弟体会呢样嘢。

费事做坏人啦，何况的师弟师妹都远水救唔到近火，等他地熟手我都已经走得。

我想老师话一定要叫他地来嘅意思就系将皮球踢给我，甘样他理论上已经派咗人来支援我，但我唔忍心叫就变系咗我自己问题啦。

我依家已经算係一个顶三个啦，原来一开始唔系我开发嘅嘢，的人走咗之后同我有少少关系就变咗我接手。

之前某人话边个边个可以1个顶2个，依家我一个顶3个添啦，不过同补贴无关。。。。。

29或者30好影毕业相，就算29定30，再加上周末都甩唔到身，下个星期去武汉嘅计划只可能系计划啦。

今晚终于开始写论文，因为迟写整日给妈妈“哦”，前几日收到“授意”——只要毕业设计做到答辩，论文可以“随便”写。

呢到“随便”2个字可以自行理解，总之意思就系——你地保证摆多的时间落个项目到了，唔好晒甘多时间系论文到。

半年。。。。做咗真系半年啦，呢两日仲有的下届嘅师弟师妹扑埋来实习，等近你地嘅就係1年啦。。。。

必经又痛苦嘅阶段，依家变到DZ *= 3了。

听讲今日报纸挪起身好容易搞到只手黑色，因为哀悼的黑色印咗好大版面。

今后三日要睇同一个电视台，虽然有的强制性但都可以理解，因为好多人都好似我甘唔自觉。

呢次赈灾都见到好多事，今日听关小姐讲有的自发组织嘅志愿者去嘅时候係6个人，第二日就变咗4个。

我甚至要思考单个生命到底系咪等价甘值得去做的唔对等嘅交换，当然我已经显得好卑微。

当然我都讲多两句，捐钱捐几多大家自由，但如果某班人的确捐得太少我绝对会忍唔住係背后讲坏话，当然可能我都属于其中之一。

我希望如果的人冷漠就最好咩都唔好讲，讲一套做一套更加恶劣，唔系係面前发生嘅事系无法改变到的人嘅想法嘅。

另外的人嘅理性好重要，系群见到n次内容相同但唔只係改咗个名嘅转发，我好难认同甘多个版本仲有咩转发嘅意义。

当然仲有脑残唔知死发埋晒的无知嘅言论给人声讨，除咗第一反应激动，的人有冇去考究背后嘅真实性。

当然我甘写可能只不过又系一个自以为是嘅人，但我唔希望尤其系的大学生嘅群里面有甘多无咩实际意义嘅转发，未知真相嘅激动。

仲有n多活动，比较反感就係响应的活动等的公司就捐多的钱，当然活动系好嘅，但有几多人系已经捐得够多想住锦上添花，定觉得甘可以顺手唔使钱做件好事好爽。

最后祈祷所有嘅爱心都可以到达需要嘅人果到。

寻日终于返咗来，继续给人和谐。

另外一个人去搵亲戚，得自己一个人，原来从退房、打的、再到上火车都比预想中简单。

本来呢次想住拜访一个爸爸嘅同学，点知之前讲好咗，但人地特然又要出差，最弊就係准备送嘅一大盒茶叶又挪翻返来。。。。

星期四其实都无咩做，开始试添加的新功能，申请好校园网直通车公网版係公司内网都连唔上实验室，虽然开口应该可以要到一个拨号ad，但因为要扮开发人员唔知搵咩借口。

晚黑就做开上瘾，係酒店到也都编咗整晚。

星期五电信的人搬办公室，其实就係同一层的办公室调来调去，连的大小植物都要搬埋，我地差的无位坐。

搞到最后都就落班，搬咗去隔离嘅增殖业务到，我最后一日过得唔多舒服。

中午同个工程师吃饭，居然某老总过来一边吃一边讲要发展的咩产品，不过我得个听，费事讲完嘢给人知道係学生。

中午饭后去厕所又撞到个某总，只能够笑下囖，给人问负责边部分，“系统管理”，好在我係做嘢嘅姐，唔系就好容易穿煲。

顺便好似另外一个人甘吹下：因为“我间公司”点重视所以派埋我来跟住个项目啊。。。。

晚黑同另外果个人嘅表妹一齐去睇咗的公寓，因为他有长期出差嘅可能，隔两个路口一个月3000几嘅两房一厅好舒服，全套齐添。

如果下个星期可以再来我肯定再来，不过甘好嘅机会已经安排咗给另外一个同学，我都要返学校赶写论文啦。

然后cocopark吃韩国嘅石锅饭，原来唔贵，早知前几日唔使返去酒店果边吃，呢到吃完仲有得逛下添。

晚黑係酒店周围逛咗下，顺便去咗间蛋挞卖晒嘅蛋挞茶餐厅吃咗的点心。

倾计知道原来另外果个人做有5年IT，仲有2年项目管理经验添，我之前仲以为他只係做咗开发一两年。

人工应该都几高下，怪唔得日日同他上落班他一出门就打的。。。。。。。

虽然觉得深圳呢个星期过得几好，但好似我甘毕业生出来又点可以有个甘嘅生活水平，但算係咩都见识过啦。

早上起身各自刷牙洗面着衫，然后落楼下吃7日嘅早餐，新一日就好似7日嘅早餐甘简单甘开始。

貌似的士司机每日都会有唔同嘅路去公司到，不过甘反而可以睇下酒店同公司周围有的咩有趣嘅地方。

上午比较无聊，连上实验室嘅机太慢搞到我无兴趣改bug，寻日一日就吃晒的M&M今日净得猛扫益达。

下午老师同MS嘅pm都来咗开会，仲有另一家公司一齐因为要连通的系统。

我就係旁边睇热闹，因为几乎唔涉及我做嘅系统管理模块，所以唔使讲嘢，电信也无咩体验bug提出我可以好冷静。

电信的非技术部人员的问题讨论起身有时听落好搞笑，我无聊之余係项目群到事实播报下的脑残会议内容。

老师话其实大家係到互踢紧皮球，貌似最后我地以慢打快获得咗胜利。

就落班，点解老师同MS个PM唔请埋我吃饭先走呢，而且走过时仲话坚持下去，其实“出差”到家阵都仲几舒服啊。。。。

落班顺便行咗去公司隔离中心城，不过无入去逛，顺便影咗几张相，唔係部机真係白带。

仲顺便搭地铁返酒店，好平，3个站先2蚊，而且地铁站里面几阔大气过广州果的。

係地铁到真係发现好似女嘅多过男嘅，考虑听日都坐地铁落班啦，哈哈。。。。。。

“上班”嘅地方

公司楼下隔离就中心城，不过未入入面逛过

听的士司机话深圳最靓嘅五星级酒店喔

“上班”都系甘傻下傻下个样

深圳嘅地铁站

今晚嘅晚饭

// --------- 分割线 ---------

今日各个地方都开始捐钱啦，办公室里面都有讨论，一般都系两三百，有人话要睇领导，有人话四川果边的人要捐多的。。。。

反正感觉他地唔系好积极，他地关心的新闻多的而已。

至于学校晚黑就叫人帮手捐咗，个班再加埋班费先一千出头，果的思想觉悟高的嘅人一人一百都唔止呢个数，无边几个等开饭挂，我唔评论其他人啦。

至于我就学下电信囖，当捐咗自己12号一日嘅补贴，感觉少咗的，考虑返去再捐多次或者捐血。

一个人係酒店房间对住电脑，另外一个人出咗去买嘢，熄咗电视唔挪手机播歌之前会有的孤独感。

可能只係空调吹住有的冻嘅关系，出差唔系离屋企好远已经觉得唔习惯。

其他人唔知我做紧咩，好似我唔知其他人做紧咩一样，大概以后做嘢之后就误会好似大学甘每日有另外3个人每日知道你做紧咩。

今日早上7点手机响之前已经醒咗几次，张床仲算舒服，有的担心扯埋人地张被过来，不过张被好宽我白担心。

仍然係打的去上班，地铁有的远，公共汽车更加唔知边到有站，所以继续係来出游嘅感觉。

感觉上深圳的的士司机唔多识路之余开车都比较狼，整日强位，可能系呢个竞争激烈城市嘅侧面反映。

但返到公司感觉就会相反，寻日接待嘅人搞错咗我个姓，係公司门口继续有的麻烦先上到去，每日都要将打印嘅访客证贴係心口先给入。

百士通个办公室里面的人几乎过一段时间就係到话又睇到新闻有地震新消息，好得闲甘研究咗点解地震会係7.8级，的地方有几惨。。。。

 而我今日就努力研究点连上实验室不电脑，直通车居然联通游戏优化快过电信。

虽然睇到桌面，但仲系比较晚，最后都係傍晚时候叫人帮手签入的新文件。

下午研究一个方法因为漏咗的嘢搞到内存泄漏咗好多镬，调试一执行到果断代码内存就好快无晒，如果摆上线就过瘾啦。

最后问题好快解决，只要抛开之前考虑嘅内外循环效率问题就好快解决咗，调转内外循环就悭返下午嘅一堆无用工。

同时今日下午都见识咗电信需求果边的脑残，下面係技术部同非技术部对话：

非技术部：MS的页面一直没有做好

技术部：但你们定了（需求）吗？

非技术部：。。。。。（没有），但他答应说做好的

技术部：。。。。 。。

我係旁边做嘢好再无听晒果两位仁兄嘅对话，唔係我想会过去搵果位非技术部“出去商量问题”。

仲有值得庆祝，今日中午吃饭时候我终于好有自信甘同电信嘅人讲咗的我识嘅嘢，页面权限係可以好容易扩展到其他新页面嘅。

之前其实我都一直系係旁边做自己嘅嘢，其他都嘢係另外一个人同电信的人商量。

我觉得自己应该好容易给人睇穿係学生，逢亲讨论都几乎唔使参与（因为好少设计我个管理模块），上班狂嚼益达仲吃M&M唔束衬衫，总之同另外果个从公司来嘅人差好远。

如果我听日在趴係窗台大话的景好靓，再影下相甘添肯定就穿煲，因为甘会仲离谱过实习生，其实都好好像做呢的嘢，可惜我要扮正式开发人员。。。。。

仲有今日发现原来电信饭堂的饭票唔平，要15蚊张，但印住6蚊，大家知咩事啦。

仲有仲有，今日见到传说中嘅靓女，之前个测试讲过，的确靓女，不过又唔係负责我地个项目，如果系话唔定仲脑残。。。。

下星期都仲可以出差，我想紧係咪为咗挪多的补贴，甘之后去旅行就唔使问屋企挪钱而继续来呢。。。。