DZ

上午一开始就要站20分钟军姿。

我的同室因为条皮带戴得唔够紧，

教官执左搬块砖头塞左入他前边条皮带到。

但系唔够半分钟，块砖头跌左落地。

跟住好多人都忍住笑。。。

“前后拿两米距离，左右隔30厘米”，我古又系俯卧撑。

好不幸，我古中左，“趴下！”。。。

由于寻日我地班已经给人罚左理论上50个，

只手臂腰脚已经多处酸软加痛。

于是今日嘅30个（又系理论上）俯卧撑，

以我地班所在行尤为发出鬼哭狼嚎般嘅叫声。

分班训练正步，隔离某位班长口令系“一！啊！一！啊！～”

我开头以为系自己听成甘。

一阵间之后，排长也都“赞”他的“一！啊！一！啊！”

于是就有人系他准备叫“啊”嘅时候一齐“啊”。

“啊”。。。

已经讲评完毕带走，正在准备踏步去饭堂果。

我地排又好“幸福”甘给连长话我地踏得唔好。

于是我地就系原地给他罚左踏步10分钟。

就甘就系路口睇住平时都系我地后边嘅好多排先去晒饭堂吃饭。

不过而家我先开始有军训嘅辛苦感觉。

下午收到话要13号要会操，

连长同各排长都开始紧张。

可能因为我地排长系个比较矮嘅人，

所以他比较注重高矮。

于是他唔急操练，先按高矮调整队形。

不过他的排高矮嘅方法就有的问题，

首先他按行，即话按每个班甘由高至矮甘排一次。

之后他又唔满意，又再按列甘由高到矮甘再排过。

我原来果个班除左排头都系软件4班嘅，

分到来的人都好高，

于是最后我地班系他排完后仲系系返同一班。

对于差唔多高的人，排长系分唔清嘅。

加上他矮，他排人果时要企系高嘅地方，

或者每睇一列就跳一下（或者几下）。

呢的先天嘅也，我地就唔怪他。

不过我地班排到最边，系每列最高就无可否认。

最后排好，我地见他跳得甘辛苦，

就唔好再打击他自信心。

系比较的人高低嘅时候，教官话：“你的帽子这么戴的！”。

于是今日终于知道军帽点戴，原来我以前都戴错。

原来戴嘅时候要睇到自己顶帽沿先系正确，

我原先一直都系戴到自己睇唔到。

我之前都睇过得教官戴帽，

我觉得他地的视力会给帽沿影响，于是他地的眼都系睁唔大。

又到讲评，排长感慨话：“今天早上你搞到我迟回去20分钟了，是不是？”

跟住有好少人答是，于是他再问多次是不是。

呢次多的人答是，他行到我室友隔离再问“是不是”，

我室友细声问返他“是什么啊？”。

于是听到的人都系到笑，

个教官又话“我不够你高”，

个室友答话：“不要伤心”，

又一阵笑声。。。

今日站军姿时间升到半个钟，系个唔好嘅兆头。

我地班终于因为偷懒给排长发现，

后果系给人罚左做50个俯卧撑（理论上），

系罚嘅过程中（我再偷懒）实际上做左30个到。

下午有练射击，去教官宿舍罗枪。

原来两支枪一支傍一边甘罗加埋系好重咖。

并唔系好威，真正聪明应该系罗一支果的人。

其实只系练射击嘅前戏——瞄准。

排长将个靶摆系无一百米远嘅地方，

地下放两块砖头，上边系一个好细嘅沙包。

之后就将枪放系上边，趴系地下瞄准靶嘅白点之后。

定住枪跟住就可以叫排长来睇。

呢的对于曾经考过飞行员未遂嘅我来讲系几甘容易。

只系个沙包定位唔系甘好。

不过第一次瞄准左之后，

教官笑我支枪摆斜左肯定打吾中（我话就一样打得中啦）。

检查完摆返正支枪再**次，跟住就趴旁边。

真舒服，又可以偷懒一阵。

唔系练瞄准果的人由连长训，要练站军姿，

我系几甘羡慕果的瞄唔准给排长罚要下一轮再瞄果的人。

或者其实果的人更聪明一早几瞄好，

只不过专登瞄唔准，又可以趴多次。

最搞笑系听到教官检查果时骂的人：“妈的！你瞄哪里啦？（打到哪里去！）”

晚黑先去参观“模范宿舍”，

就如我地排某位仁兄发出嘅感叹，

我得出结论系：唔系人住。

或者系太整齐连鬼都唔住，只有一格书柜系放书。

其他果的书摆落柜，甘点解的人唔全部书都收埋呢。

其实“模范宿舍”只系我地隔离第n个都系软件4班嘅宿舍，

以前系咩样，他的做过的咩我都知唔少啦。

连洗衣机都唔见埋，原来系搬左去隔离，

因为果间就唔使模范啊吗。

蚊帐唔系落左折好，而系收埋左。。。

唉，总之给人嘅感觉就系好假啦。

不过中国的形象工程甘出名，我地都应该多多学下啦。

之后又去教学楼学果首难唱嘅《老班长》，几乎晕低。

唔系我地接受能力有问题，

而系的教官唱得难听兼唔记得点唱。

仲有问题就系有的人仲唱得好enjoy。

第四日休息啊，浪费一日。。。

上午

睇来我地排长系第一次训练我地呢的学生。

他今日已经唔多想喊口令，有人奉上金嗓子一包。

不过虽然他话“喉咙出烟”，但系他训练之余依然系到吃烟。

他的口令原来就已经细声，

甘今日他操练好多时都有一半人无听到他喊咩。

以致我地跑步他系前边叫口令，

叫停之后后边的人听唔到就冲埋上来。。。

于是他用口哨来代替的口令，

包括“向前对正”、“向后转”、“齐步走”、“立正”等。

最犀利系连“一二三四”呢句口号都用哨子指挥埋。

但系他的口哨有时都会突然间变声，

会听到他话：“这口哨进水啦！”

再有的人听唔清他想吹“一二三四”嘅“一二”定“立正”，

跟住个排就会停低左一部分。

今日嘅训练依然散慢，我仲得闲到可以同coffee同狗send短讯。

我地真系令其他学校的人妒忌。

下午

今日下午超热，

可能系因为个太阳照住，

又或者系我系短讯到话自己军训幸福晒命晒得太紧要。

见到其他排有男生去领左枪，睇来系去打靶。

原来只系学瞄准同枪嘅原理。

的56式半自动步枪给我地教官话过时，

他地话他地都未用过。

原来人第已经用86式自动部枪训练啦。

原来半自动步枪系上一次膛只射一粒子弹，

而自动步枪就上一次膛就可以连发到的子弹射完。

虽然未用过，的教官仲系教左我地点样拆枪。

之后再教点样瞄准。

我地当然对前边果样更有兴趣。

不过因为系我地连3个排一齐讲，我地又吾系罗抢来嘅。

所以的枪一直系其他排到，到后来我地班先分到一支。

我地当然迫不及待甘“肢解”左它再装返。

原来支枪都几重下，上膛都要几大力。

（原来投降将支枪举系头到都吾容易，吾够力米死）

教完呢的先4点几的，离5点仲有几耐。

3个排继续坐地下挨时间，

我真正感觉到原来呢次军训系来挨时间嘅，

我地挨，教官都系到挨。

今晚同听日整日放假，听讲系因为的高年级要考试。

Oh，I’m the king of the world!。

今日军训仍然平平淡淡，

继续偷懒，用教官嘅话来讲就系继续“冒泡”。

而且而家练得最多嘅反而系“拉歌”，连休息果阵都学埋唱歌。

不过我觉得我地的教官应该系自己赖皮叫人唱歌比唱歌更加犀利。

因为大多数时间系教埋“一二三四五，我们等得好辛苦”

甘呢一类叫人唱歌嘅话。

今晚我地连唔使再露天唱歌，

系教学楼，赶左的师兄师姐出来之后，

我地“占领”左一个自修室来教唱歌。

条件当然好好多，仲可以用幻灯打的歌词出来。

对于唱歌呢家也，我地教官有句名言“只要喊出来就行”。

于是寻晚教完喊歌之后，今晚的教官已经再喊唔起的歌。

我当然都唔同他拼命喊，反正我唔喊自然有人喊。

的教官原来唔多识指挥，于是就叫左一个同学出来指挥。

结果唱完一首之后，个的教官请左呢位同学返去

跟住话呢位同学手势似拉面。

又叫左个我地排嘅一位同学出来指挥。

的人话呢位仁兄个样似赣豆，

我就觉得他似京剧的小丑多的，

化埋妆我就简直觉得他系为做小丑而来到呢个世界嘅。

所以他一出来就引起一阵笑声。

开始唱啦，在场的人又开始大笑，

呢位同学似乎真系做过拉面师傅，而且系专业级果只。

天，他仲要将“一二三，唱”讲成“一二三，上”，

跟住整场爆笑。。。

哈！哈！之后排长仲赞我地排的人识活跃气氛。

又一日，时间好快挨过姐。。。

今日（2005-1-5），我地华工开始正式军训啦。

我惊同其他同学讲我地军训几甘舒服会给人打。

不过真系唔辛苦啊吗。

因为开学唔使军训，我已经给人话我地享受在先。

而家学期尾又话军训唔辛苦，

我想传出去会鼓励多人下年考来华工，

尤其女生就更加好啦。

每个排里面的人系系同一个学院里面按宿舍混合甘分配。

1个连3个排，而我地呢次就一共有11个连

我地宿舍就好不幸甘分开左系两个排。

我系二连二排，好似院花都系到喔，望多两眼先。

我地排有72人，再分9个列，每列为一个班，都选一个班长排第一。

讲到班长，我差的做到咖啦，因为我以前军训过2次。

不过由于排长叫我系连长面前操正步果阵太紧张，

搞到左手左脚。唉。。。

甘于是我唔系班长，而且系呢到我唔算高，

按从高到矮，我排系4班排中间。

我地个教官，即系排长真系好人。

他最中意逐个班甘训练，

而且对前边的班都尤其关照，中意操多两锅。

通常他操完前边的班，轮到我地班连长就会吹哨休息。。。

休息完，甘由于时间关系唔使逐排操啦，

而系集体操，所以多数时间都系企住甘过。

仲有呢到练站军姿最多先15分钟。

再轮到我地个班长又超好人。

分开班由班长操果阵，我地班长就会面对住我地。

因为我地分别睇两边排长或者连长有无行过来。

过来先开始操，唔系就集体偷懒。

他仲会经常问想做的咩，我地梗系话练休息啦。

于是我觉得呢到军需最难挨嘅就只有时间。

通常一阵又休息10或者15分钟，

休息几次之后，又无左半日，跟住又去吃饭解散。

实在太幸福。

无错，军训会占用埋你晚黑嘅时间。

好似今晚第一晚就罗来学唱歌。

我地连7点集合，但唔见得会早解散过7点半集合果的联。

因为的教官话稳唔到课室，

系教师公寓于女生宿舍之间嘅一块小广场坐低

倚住花园路灯，我地连一二三排一齐由三排嘅排长教第一首《爱国奉献歌》。

个排长先一句句甘教再一次过甘算系唱，

总共重复左首歌有10次有多。

我地当然跟住唱，事实上应该系话跟住喊至系。

听讲后边果座女生宿舍呢边系艺术系的女生住嘅，

我想今晚曾经听过我地的歌嘅女生会有发恶梦或者失眠等症状。

而且教师公寓都应该有好多门窗嘅玻璃结构受损。

之后教《团结就是力量》，

由于果位排长仍然认为我地唔识，

也都无人敢起身讲我地已经识喊，

于是我地又跟他又重复左n次。。。

我地终于被认为识唱啦。

最后仲要逐个排喊，

我晕，我已经喊到喉咙痛啦。

喊完之后，我地排长分别问一二三排嘅副排长边个唱得好。

居然有两个话一排唱得好，

唉，姐话有一个副排长蠢到唔系话自己果排唱得好啦。

结果我地排长就认为我地系最差，

我地就再比其他排多重复左几次果2首歌先走得。

阿妈叫我带果的金嗓子第一日就有用，

等我仲可以出到声系背后骂的教官唔识欣赏我地的歌。

吾要重修，重修弹埋一边！（如果可以嘅话）

下个星期就开始考试啦，吾可以再堕落落去。

“如果一个学期下来要几科重修就很恶心了。”

至少都等到下个学期先再堕落过。

呢排吾再更新blog啦，可能要等到下年先再更新啦。

顺便祝大家Merry Christmas。。。

2004年，甘快又一年。

王月从Canada左返来，系她出去读书之后第一次返来。

记得她系系高三先出国读书，果时搞到我地班人几甘羡慕（吾好听就叫妒忌）。

意家她肥左，应该话无甘瘦好睇左。

都成熟左的啦，不过仲系甘单纯

今日王月已经返来一个星期，本来上个星期话出来聚。

不过就系王月太单纯，整日都要就人时间，

跟住又吾知去边，所以上个星期当然去吾成。

早上同小白王月去左荔湾广场，采购圣诞礼物顺便陪王月行街。

行左好耐，耐到意家只脚都软。

之后仲有去左一阵“撞人”坊，想住都帮王月买份圣诞礼物。

不过终于都系因为见到多人多到走都走吾切。

（仲有下午饮茶2点半迟到啦）

之后下午就系去饮下午茶啦。

已经系个群到讲左一个星期，

唉，她就中意就呢个就果个，星期五晚我先终于charge呢个聚会。

吾系呢个星期又吾使出来，最后先得8个人系出来咯。

Hely啦，me啦，迟熙，小白，昱哥，share，膏亮（排名不分先后），

当然仲有主角王月啦。

系南武对面仲要入条巷嘅果间东江鸿星，除左膏亮来左一阵影完相就走左，

大家倾到5点几，居然倾得最多系大家大学学科的也。

最尾连猪肉绦虫的也都讲埋。。。

。。。

原来机票between China同Canada都吾平，要8000RMB。

所以她话下次要3年之后再返，

好遥远，好多也会变，吾知到时她，我，其他人会变成点呢。