DZ

今日一早起身扑去东站，原来屋企去坐公共汽车方便过地铁，而且早上无咩人。

赶到去7点四，以为迟咗1个字，点知原来寻晚听错人地话45分，人地先刚刚出门，係K到等咗几个字。

终于有机会给人和谐啦，时速最快真係上200公里，1个钟多的就到深圳。

如果唔使日日坐，我会觉得呢的火车靓得来都坐得几舒服，如果中国的火车都係甘几好呢。。。。

由于我拖住箱好似去绝对似去旅行，同通行果个就背1个背包形成强烈，所以先放低咗的嘢。

10点就去到电信果到，出入管得几严，我嘅到来貌似唔係计划中如去就有的麻烦。

终于上咗楼，係一个号码百事通嘅办公室，坐低，可惜窗口位都有人唔甘行埋窗旁边，但离远望到外面可以见到晒周围的景。

到中午终于见识到国企饭堂几甘正，7蚊就n多餸，同一条队嘅餸你可以从头要到落尾，挪多的的话两个人吃够，而且第一餐接待嘅人请添。

貌似连话务果的都係到吃饭，当然有养眼嘅mm啦，听日可以继续发掘。

中午得一张凳，瞓觉果时超想将摆只脚上台，果到的人就有折床睡袋，对比太强了了。。。。

下午其实仍然无嘢做，只係自己慢慢研究下的bug，旁边有人係到倾的需求讲到天花乱坠，就算同我地个项目有关都唔係我果部分。

无人问我都唔多想话自己係负责系统管理开发，费事的人心血来潮特然n多需求变更我就甘啦。

5点半落班，好似周围唔係好多人，但睇到马路对面车站的人就纠正咗我嘅想法。

打的返酒店摆低手提吃饭，然后闲逛咗下赛格广场附近，感觉深圳有的地方靓过广州，有的地方又广州靓的。

普通话係主流，但都听到唔少广州话，但见到外省人多，果然係一个移民城市。

七日连锁虽然得大床，不过有上网之类的嘢几方便。

PS：呢到福利超好，斜对面张台到有袋米，似係分剩嘅，地下有粟米油嘅箱，知咩事啦。。。。

今日虽然感觉唔到地震，听闻广州都有feel，希望果边唔好挂甘多人。。。。

係海报栏“学习打机两不误”果张贴子寻日仲于给人水产咗，总之就唔见咗，仲密谋话贴张广告位招租上去添。

今日来咗3个师弟师妹，上午来2件，下午来1件，就甘介绍咗我整日，讲到喉咙都痛，居然讲到页面权限代码给个师弟问到答唔到。。。。。

反正他地以后都系接我手啦，好似个研究生话斋“他们接手得越快你就可以越早撤”，睇你地啦。

咦，个师妹唔错喔，不过写代码就唔多熟手，我对你写的代码感兴趣的。

然后我下个星期有得去深圳“出差”，做毕业设计做到“出差”啊，我嘅身份係某公司开发人员，最麻烦係要好似实习甘着正装。

当然有n多好处先去“出差”啦，可以去增长下见识睇下电信里面係点样、最紧要係有补贴、可以去深圳睇下玩下、又可以坐“和谐号”。。。。。

不过其实因为无人去啦，其他的本科生已经经常唔来，得闲果的测试又唔係开发人员，的研究生有课，某公司如果派正式员工去可能仲无我甘廉价，得我最听话仲日日“加班”，而且仲改bug超积极。

到时大概就係系电信一个会议室坐下，紧急嘅bug改下，唔紧急可以全部交晒给师弟师妹。

有时间的话可以开始写论文，千奇唔好日日抓我去开会，我瞌眼瞓给你睇。。。

最重要，果到係市中心来咖，深圳中轴线，地铁交汇点，CBD，周围好似好多商场啊。。。。

反正我係准备好去玩啦，哈哈。。。。。

今日早上10点就从屋企返到图书馆，一做就12点，再唔吃饭就要同的师弟师妹争饭吃。

本来仲想住今日去搞掂个讲澳通行证准备大乡里出下，点知个老师寻晚就预约话叫我今日早的，第1次办要15个工作日又唔知要等到几时。

下午想住又有嘢改好自动自觉（犯贱），1点就返咗去，做到8点。

总係好多嘢等住做，新来果位同学，虽然以前玩得几高兴，但呢次叫他改嘢就搞到我就快人都颠。

最多半日做完嘅嘢居然拖咗4日，最后我投降帮他收尾，睇的代码就火滚，点解我地学院有的可以代码写得甘差嘅人，风格注释唔讲，照抄仲要抄埋的唔拉更嘅。

以后我的bug我自己改会留返多的心血，就快有3个师弟师妹来支援啦。

原来听讲有3个师弟来帮我手嘅，但寻日给人抢咗个，于是其中1个师弟就变咗师妹。

本来想晚黑就叫过来，但係同人地着想下，于是继续通知他地睇代码，星期六先来帮手，我都要准备下唔可以浪费的师弟师妹嘅时间。

晚黑8点几先吃完饭堂嘅粥，买咗杯奶昔，一路吃一路行返宿舍觉得好幸福，虽然得自己一个人行，可能係做晒自己的嘢所以轻松。

张“学习打机两不误”居然仲係张海报到，恶念紧加多沟女两个字落去，唔可以再给的师弟耽误时间啦。

听晚不如静静鸡写张本广告位招租落去，再留某人电话係上面，哈哈。。。。

今日有幸圣火经过屋企楼下，寻晚就搞掂的嘢返来来。

唔知点解无电视直播搞到我整个早上都好郁闷，得收音机先有的现状直播。

下午开始准备封路，将寻日係学校买嘅一大面国旗挂咗出窗门外面，甘贵就係为咗挂呢一下。

听讲北京路果的地方人山人海，屋企楼下就无甘多人。

见到楼下有个红底白字嘅牌158喔，莫非第158个火炬手。

估中咗，火炬来之前就摆低咗个挪住火炬嘅火炬手，中年男子啦，个样有的得意。

下面气氛即刻开始高涨，各个方向的人都係到喊，跟住果条友就各个方向行前的再挥下手，摆下pose甘，火炬未来就好high啦。

头上有直升机来啦，果条友都企返定，火炬终于来啦，跑得几甘慢。

楼下的人群猛甘叫加油啦，我都附和下。

157係个女仔来，交接完之后158开始好似行甘嘅速度跑起身啦，当然呢边挥下果边挥下，又再high多次。

1分钟倒就见唔到啦，下面的人好似有的未high够，好在后面来咗的赞助商嘅宣传车。

好多ppmm啊，而且好似因为我地屋企挂咗国旗而且我仲专登着咗件红衫吸引到她地的注意，仲向楼上招手，甘就再扬下手high下啦，哈哈。。。

今次睇圣火真係仲热闹过过年，所有车过晒之后的人仲想去涌过去跟住，当然的police叔叔处于好心挡住的人潮。

都几多人，可以想象其他地方更加嘘撼啦，今次大家都好爱国啊。

今日我地班某女同学上紧班赶返来，原来就係辅导员同他倾咗十几分钟。

因为有两三个人投反对票呢，她无可能最后一轮做预备，至少要半年之后先可以再有机会啦。

跟住都唔知点解要入“档”嘅她决定唔入啦，我呢的写完申请书唔去上课甘无诚实嘅人当然係无动于衷。

但问题係投反对票嘅果的人居然係自己班嘅，我绝对唔觉得果的有权反对，当年他地唔係一样唯心甘抄甘多自传同思想报告。

4年同学反对自己班嘅女生，就甘几个人嘅成见就变咗组织嘅决定。

可以话係个女生唔识讨好得罪人先搞到甘，但我觉得与其个女生甘唯心甘讨好你地，她做返自己嘅绝对会比你地投反对票嘅时候觉悟高好多。

实在睇唔过眼，就好似好唔容易逼上咗共工汽车嘅人好轻易甘同后面未逼上来嘅人讲“等下部啦”，当他刚刚未逼上果时又死叫“搭埋我啦”。

// 分割线

今晚同某女生行过海报栏见到自己学院话写低自己对师弟师妹嘅忠告，有好多人话唔好浪费甘多时间打机。

鉴于前排好唔妥CCAV2个专题特例係地学校打机成风，实在觉得呢的忠告有的做作。

旁边居然仲有贴纸同笔可以自己写添，某女生大笔一挥帮我写低——“学习打机两不误”，哈哈哈哈。。。。

我想张贴纸听日就会给人水产咗。。。。。。

本来个PM话五一放我假，点知30号就又从客户果边发咗一个体验buglist过来。

睇落有的问题根本就唔係问题，相当火滚，再睇要求话4号做完，甘咪即係要过“劳动”节。

虽然无咩节目，但未使无聊到要加班甘充实挂，30号晚开始加咗先啦。

打电话问PM唔係话放假嘅咩，他话只要4号前做完就得啦，好似话我挪刀捅你你唔流血咪得囖。。。

加完班有节目啦，同计协班人去唱通宵颠，我真係好精力，虽然有的累不过有得玩就好。

呢次饮得多咗的，想瞓觉一合埋眼就觉得头超晕。

我都係唔识饮酒，玩大话骰无论输赢都自己中意就饮。

1号早上瞓咗半日，下午继续去图书馆加班，虽然图书馆闭馆，不过7楼个“手工作坊”全年无休咖。

为咗唔使3日过晒“劳动”节，唯有早的加班快的做完啦，终于剩返2条bug啦。

收工赶下半场啦，晚黑同蕉去中华打机，我居然之前唔知呢到有得打，而且唔贵添。

打死亡鬼屋4，用咗40只银就打爆机啦，终于打爆机啦。。。。

而且过程相当坎坷，係人第后面企咗个半钟先有得打，仲要打打下整袋银滑晒落地下，我等蕉慢慢打我就猛甘执。。。。。

再次强调我地用咗40只银咋，因为她上次用阿lo打听讲用咗60只仲最后无银爆唔到，哈哈哈。。。。

虽然我知道高手係入一次银就得，不过等我睇多的视频，记多的挪血嘅地方迟的就会变高手啦。

呢家仍然记得最搞笑果幕係我地飞炸鸡想住炸开的野打道具挪分，不过两件粉肠同时飞都时间错浪费咗的炸鸡。。。。Orz

同蕉返屋企顺便挪咗 银魂，貌似几搞笑可以解决我做项目时候嘅郁闷，唔使整日睇MTV甘斋啦。

至于今日就屋企发毛啦，晚黑同实习识嘅女生饮野，又係做外贸嘅，间公司刚刚参加完广交会，可以了解下果其他人做嘅野都係一件得意嘅事。

送人返屋企时候去行到新河浦发现运来环境係甘好，好耐无去过果到变到自己好似乡下出来甘，原来整得甘靓，长见识啦。。。。

听日踢波取消咗，想紧係咪返学校，放假之余都仲想紧4号要做完剩返果2条bug，虽然唔係好多，但要做的完美的需要的时间，真係犯贱。。。

寻黑早咗瞓觉，不过早上闹钟都係叫唔醒，又来电话“喂，睡醒啦，睡醒了就来实验室吧”。。。。

上午吃饭时候仲呆呆地，尝试reset过自己的情绪，唔知自己早上係实验室係面无表情定黑住面。

我已经无心机做，无人叫的话我肯定下午先去，睇进度要做到毕业，我又唔係为社会贡献。

于是今日签名係hely同学指导下改成：

当你看到奇怪的事情，再想想是在X工IBN实验室发生的，那就不奇怪。

今日仲见到的师弟给人厄来做项目啦，真係好赚，连SRP都挪过来做幌子搵学生接项目。

其实星期六加班就发咗的牢骚，同个PM讲已经no prower，话自己随时可能行紧碌落楼梯或者返宿舍路上给风吹走咗，叫个PM随时接受我消失嘅可能。

都係惊我消失姐，甘嘅结果就係换来星期日唔使加班，真係命贱。

项目组士气低落，包括一的研究生都係，本科生就已经有人手机唔充钱来扮失踪啦。

之前嘅预言实验咗一半，2个中大补研过来嘅研究生其中一个已经搵咗工话唔来读啦。

我一听到嘅时候虽然觉得他有的短视，但从他角度想下也都觉得做3年项目嘅研究生係米甘值得，而且好明显係之前做项目已经吓亲人地唔少。

最近越来越唔妥就係因为发现自己已经从12月做咗甘耐，发现点解自己好忙又无咩钱，唔知自己做咗的咩。

想到做到毕业同过年之后未发过补贴就火滚，当然之前做咗甘耐无可能反面，但情绪你话无就奇。

如果要形容最近嘅状态，仍然好似上一篇一样係原地踏步。

我相信要改变下，可以从执好宿舍个衣柜同张台开始，点都要前进，呢的甘嘅事同人并唔可以係我生活中占甘多位置。

听日早的返实验室，唔好黑住块面要高兴的，至少对其他人要轻松的，对唔中意嘅人也尽量扮得高兴。

项目已经令人厌倦，个个星期都话上线，讲咗整个月都未上完，每个星期都仲要冲刺。

每日返半日实验室已经觉得好累，好想逃走去其他地方，当然咩都唔理关埋手机。

补贴唔知咩时候先来，小组到就经常互相问卡到有无查到补贴，个个都做到顿晒。

又要马儿跑又要马儿不吃草，就算我承认自己屎溃又点，12月做到4月，真为社会贡献咩。

今日做紧嘢嘅时候，有高中同学q话好无聊，我都觉得係，不过区别係她好得闲而我忙紧一件事（就係呢个项目）。

每晚返到宿舍几乎先係见到一大班人到打机，通常打只係2个，但后面就一大堆人围观助兴，当然都无心机做的咩。

虽然也都有睇紧小说，但每日睇几页就会觉得烦，但又好想睇快的晒本小说。

最近的确係原地踏步紧，要有的改变。

已经过咗零点，23岁嘅生日已经係寻日，就好似过去22年都好似寻日一样。

寻日早上仲打机到3点，中午去咗颉到同他影毕业相，晚黑去咗番禺吃嘢。

除咗吃得多的之外一切都好平常，第23个周期开始并唔会有咩好大嘅变化。

更多係慢慢甘改变，有意或者无意，无论如何都肯定呢家嘅自己，之前每一次嘅选择嘅结果。

一个好嘅开始。

今日第三日终，终于可以走。

其实我会想接到短信要我即刻改嘢，又咩都唔想做；有的想留底几日唔使烦，又想早的返去。

矛盾总係会跟到任何地方，就算乡下都唔係一个简单嘅地方。

今日上午去咗睇一个姑婆，係另外一个村，果个村係山间河边沿岸，起的屋分布得无我住果到果个村甘窄，舒服好多。

顺路仲睇多一个同埋係果个村嘅婆婆，应该都有的亲戚关系。

中午吃完饭仲有的时间，今日无墟，楼下就无咩人，摊係凳到觉得农村就係甘无所事事，的人甘早结婚都有好大关系挂。

临走仲系给的亲戚好热情甘挪咗好多嘢来，总嘅来讲同每次都一样，返去挪嘅嘢仲多过来嘅。

我係有的厌恶，但呢的就係人地嘅热情，人情世故就係甘。

係火车到呆下瞓下再望下外面嘅风景5个钟终于返到广州，仲係庆幸无任何短信唔使打开手提。