DZ

今日早上去拜山，係亲戚屋企嘅硬板床到爬住真係唔想起身。

寻晚係另一个亲戚屋企“加班”到1点，走嘅时候仲差的给人当贼，搞到我今日有的唔好意思再来上网。。。。

因为唔系周末，的细路们个个要读书就无去到，就得几个大人。

呢家拜山已经无人新路去，全部坐车或者摩托车自己到山脚再行几步上去就得。

今次我唔使搞卫生，负责填字，的红漆唔係好均匀，上面果的好稀，搞到有的字“流血”。。。。

基本上係无技术含量嘅体力劳动，搞咗我半个钟有多终于写完，其他修葺都ok啦，开始拜。

今年无请念念有词果的主持仪式嘅先生，所以基本上就摆祭品，烧下纸同香就係甘。

好快就烧炮仗，的炮仗从右面到左边围住个墓，烧嘅时候中间居然停咗2次要再点，有的炮仗会弹出的慢慢变大嘅烟圈好几得意。

係烧炮仗嘅时候各位乡亲父老终于係使唔讲呢样果样，呢个时候大家应该会诚心的挂。

中午係一个亲戚屋企集体吃饭，係墙到有某个过咗身老人嘅相，睇个名原来之前屋企偶然提过嘅係呢个人，係上次或者再上几次返来嘅时候老人仲係到嘅。

中午吃完饭实在忍唔住，一大班亲戚係旁边倾计吹水，我就係旁边凳到瞓咗阵。

下午又去另外一个亲戚屋企，一个叔公告诫话我出到去做嘢要虚心的对待的师傅，呢个叔公比上次返来嘅时候又老咗。

然后睇人係鱼塘网鱼，虽然我好急住要想去加班，而且有人来短信吹啦，但始终都係睇埋先。

感觉自己有的受虐倾向，整日想住要改的代码，但其实每次做完好快有有新问题，甘不如慢慢来。

下午3点几又做到呢家，我真係来做咩咖。。。。。

今晚坚决唔“加班”，煲路路修好过。

寻晚赶工到点几，都係挂自己的接口写完无测试。

今朝给闹钟吵醒嘅时候仲发紧同网页参数传递同路路修混乱嘅梦（真係好混乱）。。。。

火车坐咗成5个钟有多，好咋依家火车上面有电视睇无甘无聊。

最后1个钟居然接到话API有问题，即刻现场手提debug，然后用手机以邮件附件形式发的代码出去，一个无办法嘅方法。

下午到咗都继续有问题，继续强大嘅手机邮件。

晚黑实在要宽带啦，点知个镇到唯一嘅网吧居然认为我插U盘或者用他跳网线会搞到他条家用宽带给人发现，有钱都唔做我生意。。。。。

失望之际，居然RP唔衰得去边，原来有个亲戚屋企有包年嘅宽带，原来係2M嘅AD，仲因为的细路都出晒去闲置紧。

又给机会我“加班”啦，当然无呢条AD都无呢篇嘢啦。

讲咗甘耐，其实我係听日早上先去拜山，我唔係来改bug咖。。。

今晚同某女生吃完一餐比较fb嘅晚饭，开始係华工里面散步。

路过音乐厅给里面传出来的音乐吸引咗入去，原来係一个唱歌比赛。

全部都係一对男女甘合唱，仲有各自嘅fans团添，有的台型马马，有的就个partner马马，仲有的就都马马。。。。

好明显睇得出有的係真嘅一对，有的就纯粹合作，有的男生同女生真係长得唔错，关键係都唱的港台，最怀旧都只係相思风雨中。

最后赢果对男女都唱得好劲，宣布冠军嘅时候全场大部分就叫他地个号，连我地都叫埋一份。

可惜颁完奖无得ncall，係呢边唔知係未举办过定无留意，一直无参加过呢的活动。

终于係就毕业之前，补返咗一次大学嘅生活。

开始写日志嘅时候我仲未想好题目，只係想讲几件事。

寻日项目又发现咗个隐患，真係隐患，因为测试几乎比较难测出来。

要等数据数量级增加咗先会偶然发生，后果当然係修改出错多修改咗嘢，又或者更加严重係删除出错多删嘢。

至于发现问题也都比较偶然，只係debug时候修改咗一个唔同嘅方法之后发现原来嘅另一个方法原来一直有错。

原来嘅方法比较早就写好，而且已经给比较多人直接copy咗来用，所以呢个隐患算係係用级嘅。

所以我觉得如果柜员机会吐100蚊只扣1蚊真係唔奇怪，人本来就唔可靠，何况自己造出来嘅嘢呢。

今日下午临走给实验室的老师叫咗搞卫生，貌似原来係研究生搞嘅，不过原因係“在实验室就要负责搞卫生的啦”。

听讲某人曾经话为咗锻炼的研究生先唔一个月“晒”100搵来请人搞卫生喔，依家要锻炼埋我地本科生啦。

于是我就居然做毕业设计做到搞卫生，旁边的人听到都係到笑，不过过两日就轮到你地咖啦，你地尽管笑。

抹某人办公室时候我想起其实12月做到依家我已经无意开始甘偏激，开始觉得呢的好多嘢都好理所当然。

呢的就係我经历嘅一部分，何必甘计较我要无经历嘅必要呢。

所以我只係晒下苦，其实我去搞下实验室卫生都係必要嘅。

随便讲下，以上

春眠不觉晓，晚黑瞓觉之前停住不能说的secret原声，手机然后就无咗电，闹钟无晒一直瞓到12点先醒。

然后吃饭，图书馆赶工，改bug，为一大堆普遍嘅问题头痛。

今晚居然唔使赶工，因为已经有一堆页面係服务器到，只要操作嘅时候唔黄就慢慢做都未迟。

晚饭之后由于唔想对住电脑，就同人打PS2高达，玩咗一晚。

活动室居然要开会，好无耻甘唔开声继续，原来係学院新嘅辅导员来开会，貌似都系关系学生的就业。

果位新辅导员话要了解清楚学生就业情况，睇有无人係唔想搵嘅，唔知他讲果时会唔会望住我同一齐打机果个呢，太激烈唔得闲望它。

其实最近咩都无做，包括的计划同计划中嘅计划，日日就真係宿舍图书馆饭堂三点一个三角形。

当然想住赶工忙係借口，但居然个项目唔使好忙，而且可以空一大块时间出来好似寻日甘可以去咗烧烤。

随波逐流嘅真係感觉好好，不过工都就快赶完，唔可以给自己甘多借口啦。

比较可行嘅方法就係关咗部电脑距。。。

关咗

居然瞓唔着，我係好想早的瞓，然后听日早上可以早的起身去图书馆再同个项目搏斗。

係床到翻来覆去的确好郁闷，想住挪耳机上床听歌，点知就执埋部手提上来。

虽然过去12个钟我几乎都对住电脑做果个项目，甚至签名到我话见到电脑就想呕，但係起码依家对住电脑嘅时间係我嘅。

个项目我唔想讲嘢，总之已经变“人日神话”，全部人要靠自己啦。

又对住电脑实在无咩好写，就此打住。

个blue通道一期接近交货，月底係期限，听讲话4月头就新闻发布。

刚刚上网查咗下，原来给的报纸吹到甘威，不过我关心到时有无饭吃，仲有就係我的血汗补贴，可能无人知道係我地学校做嘅添。

所以呢排应该比较紧，不过我今朝10点半去到实验室，居然有2排无人係到，大家真係赶。。。

于是本住长命功夫长命做嘅原则，我下午都去咗踢波，我晚黑有去加返班咖。

周末应该唔使走，到时到deadline肯定唔使瞓，不过我想上线之后会更加有趣，肯定不时给人急call去补bug。

希望2期等我毕业先上，我要enjoy剩返的大学时间。

今晚同一个实习识嘅湖北女生仲有她同学吃晚饭。

她都准备毕业，要来广州发展，相对她同学，她已经有阿妈帮手搵到份工算比较好彩。

而她同学一个人就无甘容易，貌似仲遇到坏人有的犹豫添。

她同她妈妈就住係中大旁边租的屋到，整间屋仲细过我间房，两个人就瞓一张床仲无我房果张宽。

终于知道中大围墙外面嘅城中村的窄巷係咩景象，行5分钟出来同江边的楼係差甘远。

原来外面来嘅人会住到甘，甘可以想象仲有的更加差嘅，就係为咗来广州发展。

无法体会，果个女生话“人是被逼出来的”，原来係甘逼出来嘅。

今日本来应该好普通，项目并唔忙，晚黑仲同可爱嘅表弟去咗吃饭。

早上迟咗起身，刷牙果时就见到的公益劳动嘅师弟上来抹栏杆拖地。

抹栏杆果件抹开嘅速度赶得上搞卫生的阿姨，但基本上就係抹的阿姨平时已经抹干净地方，好明显係应付。

我出门时候已经连拖地都唔见埋人，估计已经又搞紧楼上，走廊就一半湿一半干，但湿果边係好湿果只。

中午返来发现他地居然将的水直接倒係走廊边水渠到，的沙全部积係渠边，有的地方的水仲要未干添。

真係唔搞好过搞，搞卫生的阿姨多得你地唔少，唔知要搞几耐先清返的沙。

我係睇你班师弟唔顺眼，你地只係应付咗你地自己。

然后傍晚个天好灰暗，从中午开始一直落雨，接到电话去吃饭。

从图书馆门口落楼梯，见到一个面同衫都比较邋遢嘅女嘅行紧上去。

无咩理会，觉得可能係神经有咩问题之类，到时保安会招呼她。

然后係路口转角见到一个细路挪住个装住几个塑料瓶嘅塑料袋，衫着得比刚刚果个女嘅干净，但无着鞋企係路到，脚下面仲要係一潭水。

我算係赶紧时间，直接从她身边行过，觉得她有的像截住我，我想可能想问我要钱之类挂，但已经避唔开。

行近她用有的模糊嘅普通话问我宿舍有无塑料瓶，我有的唔知点答，就话宿舍係前边然后指咗下前面就好匆忙甘行开咗。

然后我会想到上楼梯果个或者係她阿妈挂，她应该想上图书馆执的塑料瓶，但保安唔会给她入仲可能会赶她出学校。

我再想到落紧雨，我担住遮，而果个细路无着鞋甘企住係滩水到问人挪塑料瓶。

仲要系学校里面，我实在唔知他地係点闯入来嘅。

跟住1分钟我继续赶去路边，但见到嘅係一个个大学生着得係甘光鲜，同1分钟之前见到嘅完全唔同。

我係到想，如果唔赶的话我刚刚应该给钱个细路叫她去买返对鞋，定带她去买对拖鞋都好，又或者给自己把遮她。。。。

当都係如果，但如果我真係唔赶又会唔会甘做呢，我唔知跟住她係咪又只係继续遇到的好似我甘样照样行过冷漠嘅人。

原来睇唔到唔代表唔存在，今日个天係甘灰暗。