DZ

今朝要一早去天河饮茶，系给人请咯。

原因就系我帮婆婆个隔离屋，姐以前咯隔离屋个弟弟修好左部电脑。

其实只系帮佢重装左个window，

不过对于吾识电脑咯隔离屋阿姨就觉得我帮左佢好大忙。

一直都追住话要请我饮茶，寻日我婆婆都来追，再推肯定吾得。

要8点钟起身，对于我来讲已经叫早。

我专登问过阿妈，佢话8点之后就吾多人坐车。

8点3，我上左果部我以为吾会好逼但已经好逼咯248。

行左成大半路都都无几个人落车，企系车头到根本就逼吾入去。

吾好咯识当然系一件接一件，我上果部车系无空调果只。

跟住梗系就塞车，的汗已经左件衫。。。。。。

我开始想紧点解我要系到甘逼车法，平时我应该先刚刚起身。

又想起寻晚婆婆话如果我再吾去饮茶就给人觉得无礼貌，

吾通人第逼我饮早茶逼到我一早要同上班果的人争车来逼就叫有礼貌。

我有时觉得点解人第对自己咯礼貌反而搞到我吾高兴。

我想我下次再同隔离屋修电脑之前要讲定吾使请饮茶先得（仲边会有下次）。。。。。。

落左车就望到饮早茶果间锦绣河山，已经一肚气。

不过系吾可以给人觉得你吾高兴，吾系又无礼貌。

又要笑住甘入去，永远都要有礼貌。

我晕，都系要等饮完茶先or我就无礼貌。。。。。。

听日她就入大学成啦，吾知她点罗甘多也去。

而我就要等到下个星期先去。

她今晚都无上Q，其实就算她上我都再稳吾到的咩讲。

或者只有等，又吾知等咩，应该吾系等死挂。

或者系等下个星期我去到。。。。。。之后又点呢。。。。。。

呢个吾系结束，系开始。

她要军训3个月，应该吾会又人甘快手挂。

我要再恶补下一些事一些情先得。

既然已经给她知道我系中意她咯就咩面都无晒啦

我吾会再惊再追他会失败。

M讲得无错：追就有机会，吾追就一的机会都无。

我自己想几多都无用，我要去追她。

吾通等到她给人追到先又来后悔咩。

吾系话想要支持我果的人吾失望，而系甘先对得住自己。

只要自己系甘想，仲有咩系阻到我。

星期日落左整日雨

再过一个星期先系大学开学，好有闲情甘咩都吾使想，吾使做。

公共汽车无咩人坐，拣左前边的打横咯果的位坐，傍边都无人。

一路就睇住个司机都系好悠闲甘开车，佢一阵就睇下更纸，一阵间又罗块布抹下的仪表。

我想我差的佢同我都吾记得左佢仲系系到开紧车。

望完司机开车仲有一大段路要坐，跟住望前边。

吾知系边个发明左雨刮而吾系发明左吾湿水咯玻璃。

雨刮系到好有规律甘系车咯挡风玻璃到将雨水划出两条完美咯弧线。

不过呢两条弧线只存在每一瞬间，迎面落来咯雨水又重新模糊左呢两条界限。。。。。。。

下午上完课又特然发神经，从中大行江边返屋企。

的雨当然吾会理会我的闲情啦，仲系猛甘落到cats and dogs。

不过我的闲情都吾理得得雨点落法，反正得闲。

可能系落紧大雨，又加上今日系七月十四，系江边真系无咩人。

除左有时得的单车系旁边经过。

难得一个人拥有整条江边。

对鞋已经湿晒，吾紧要啦，都已经当自己着住咯系拖鞋甘行。

就甘慢慢甘行，行左差吾多一个钟先返到屋企。

其实有时无聊下，发下神经都几好。

反正未发过神经咯人永远都吾知呢的闲情系点。

系到想紧下次落雨系米试下吾带遮行返来又会系点。。。。。。。

今日朝早话有流星雨睇。

由3点到天光，系money屋企楼顶同小白money一路睇住个天。

其实后来已经吾系睇流星，只系系到倾计。

我地居然系个天台到企住倾左几个钟。

又倾到她，money又想打我，我给距地形容为作最好咯打算，作最坏咯准备。

总之就系我吾够大方同人讲也，也吾识把握机会，咩都吾定。。。。。。

太多云，唔好话流星，连粒星都难见到。

不过我系的唔甘容易放弃咯人。（其实姐系明知都睇唔到都唔肯走果只）

差吾多天光先见的云飘开见到个月亮。。。。。。

的人话睇到流星许愿会好灵。

我就认为根本吾使许愿流星都会祝福你，只要有流星系天空划过就得。

我相信今朝等紧果时一定有好多流星系云后面飞过，距地都系到祝福我。

早上本来只系我想住请小白饮早茶，然后距来我屋企打机。

点知跟住就叫左阿Sa来，仲约到她出来。

系靠江边咯台到，我地4个人倾到中午，连对面台都埋左3张单。

她坐我左边，阿Sa同小白坐我右边。

我仲系吾识同她讲太多也，不过好过上次系花市先同她讲左2句好好多。

主要都系阿Sa同小白2个人系到讲，其实小白给机会我多的同她倾。

小白仲几次暗示我多的讲也。

使咩甘刻意，就如她答我地她系米到大学就拍拖甘——随缘咯。

好似未想过她仲会来我屋企，虽然她后尾要返屋企罗书走先无留低一齐睇电影。

我有的发梦咯感觉，吾知系应该相信缘分定系相信好多也系可以争取咯。

我知道流星系会祝福人咯，就算我睇并未睇到距系天空划过。

或只要系我心中划过就已经系一场好靓咯流星雨。

有时我地会中意按自己咯想法说服人地。

但系通常都系无效果咯，每个人都有自己咯想法，我地最多系给人第意见。

就好似你吾可以叫一个中意女生咯男生去中意男生。

有人会安慰失恋咯人

“你只系失去左一个吾爱你咯人，而果个人就失去左一个爱距咯人”。

但系给人安慰果件会想

“我失去左一个爱咯人，而果个人只系失去左一个距吾爱咯人”。

点解我地都会中意向人第灌输自己咯想法。

其实好多时候我地同人倾计咯时候会话对人第咯某件事吾干涉。

但我地始终都系对呢件事有睇法，我地无形中都系会暗示人第点做。

除非咩都吾讲，我地都系会改变人第咯想法。

我地呢的高三毕业咯人，吾可以话读书读到傻左。

因为吾见得的成绩会好突出，但系有时我地咯生活真系好无聊。

都吾知细边个逼我地，系学校，系社会，定系我地自己？

无聊吾系因为我地已经做晒应该做咯事。

反而我地有好多事吾做，得闲就自己发毛，做埋、想埋的无聊也。

有时觉得自己真系素质低，好似好多名著都无睇过，可以话系无咩修养。

而且我地连自己都照顾吾到。有时自己煮餐饭给自己吃都未得。。。。。。

我地就系中意想埋的对自己好似好重要其实又吾等使咯事，就好似男女关系之类果的。

可以形容为吃饱饭无事做。

物质上咯满足于使我地会觉得忧郁而吾系忧愁，睇来都几高级下。

于是我就会感动，对于的好细件咯事都会感动。

不过果的感动未必真系值得感动。

对于我地咯感动吾知系可喜仲识得感动，定系可悲呢的错位咯感动。

好多时候都觉得自己好无主见，整日都问人呢样好吾好，果样好吾好。

其实有时自己吾系无主见，而只系想自己咯想法更加有理由。

其实都系安慰自己姐。

如果人第咯建议同自己咯主观愿望吾同果时，都仲系会按自己咯想法做。

就好似要决定追她果时，我稳过几个人问过意见。

只听得入就只有“吾试下点知吾得”甘咯答案。

而“都高三啦，等高考完先都未迟”呢的就睬距都傻。

可能听吾入果的反对咯意见先至系最客观咯。

果时我又点会理甘多，其实我一早就已经有选择。。。。。。

以后可以少的问人第咯意见，好多也自己无形中就已经决定左。

与其要麻烦人第肯定自己咯决定，都系自己肯定返自己好。

如果个决定系错，甘就等错完先算啦。

你自己决定左咯也仲有边个可以改变呢。

每每见到的同龄咯人两个两个甘一齐，会眼怨，会吾舒服，会寂寞孤独。。。。。。

有时仲见到的细过自己咯就更加吾定，吾通自己甘快就了老。

呢咯时候都会觉得自己好想稳一个拖手咯人。

我记得以前觉得拍拖就细稳个女仔整日一齐，会好高兴。

后来原来可以拖手，kiss。。。。。。

再后来知道原来要保护到人第先得，仲要有责任心。

最后知道原来拍拖就可以XX。。。。。。

所以依家觉得拍拖可以仲复杂过高考，见到的拍过拖咯人都吾敢睇小。

好奇怪，对人第有老师咯感觉，觉得人第会比你多一份经验，无论距经历系点样样咯。

有时又会觉得自己都系有“人有我有”咯想法，但又记得以前都写过作文话拍拖吾系一种需要。

或者就好似想拥有notebook咯欲望甘。

其实呢的也应该顺其自然，吾通等到死之前最后一日都抵？

心急都系无办法，以前想如果要两个人同时中意对方真好难。

后来发现自己以前悟性都几高，好多时都系你中意咯人吾中意你。

更或者系你中意咯人，也系到中意紧一个吾中意距咯人。

人好容易会陷入呢仲怪圈，或者甘可以解释点解甘多人都中意听遇见。

一直觉得呢的也系吾可以随便，就算真系好想稳只手拖下，仲有件送紧上门。

或者可以解释下点解我仲未有拖拍。

可能好听的叫专一，难听的叫眼角高。

原来可以有feel再过渡到中意，仲有感动呢样也。

睇来系真正实践过之前我都系吾会明拍拖系咩回事。