DZ

系等左几个星期之后，寻日星期日终于系授带仪式。

终于系教练手到接过黄带啦。

不过都系教练果句话最正,

“各位罗到黄带咯学员，你地意家罗到左呢个黄代，

呢个系代表左你地咯水平，以后的师弟师妹可以向请教，

你地都有资格教距地。。。。。。” 

今年暑假来学柔道咯人应该系最多咯，最多时有60几个人上课。

所以呢一期考黄代咯白带应该系最多人，而且有好多人都考到。

So我地道馆意家会变成黄带咯天下。

（不过吾知我地道馆点解就系黄带多） 

从最低咯白带升到尾二低咯黄带之后其实仲要学好耐先好似师兄甘劲。

不过至少都吾再系道馆咯最低阶层啦！

虽然下边的白带就少的，不过假假的都系师兄啦。

以后仲可以教下下边的师弟师妹添。 

总之都几高兴下就系啦，呢个星期会过得好开心。。。。。。。

Money终于军训完返来，我系上机课果时系QQ到见到他。

他警校军训完返来休5日，应该系补返国庆假期。

听讲他军训得好辛苦，不过先死左一个人而且吾系他。 

他梗系仲吾死得住，吾系边个教我沟女啊。

当然我又打电话请教他我的麻烦也，罗我咯麻烦去麻烦他。

或者每次都系我自己系到制造麻烦，跟住就麻烦去自己同麻烦人第。

基本上我每次问咯也都可以激死他，也都差吾多，

不过他都仲系会好快甘帮我解决，尽管他会吾耐烦。

今次我问咯也可能以前都问过，就系惊，吾知点。

他话我太怕死，太在意结果。呢的也吾系好似读书其他甘有付出就一定有结果。

做左自己应该做咯也就得，如果呢摆个心系她前边她都吾要，都无办法。

吾好整日难为自己，或者想甘多也。

无错，他话我怕死，我想都吾止系呢方面。

我太在意结果，可能连我身边咯人都已经感觉到，只系吾讲给我知。

Wing话如果怕失败不如放弃，何必系到等，跟住又想甘多也做咩。

我话对于依家甘等落去咯态度，要点讲就系睇结果。

如果系成功，呢的就叫执着，如果系失败，呢的就叫死蠢。

点解又系结果呢，就当自己一直系执着落去米系囖。

总之都系觉得自己整日都系到原地踏步，会吾记得呢样果样咯原则，无论系错或者无错果的。

记得之前都同人讲过，呢件事可能付出左好多，最后会无结果。

依家反而又系另一个人讲返给我听，而我又会再次觉得无错。

都几得意，就好似自己为自己仍营造一个循环甘，而自己就系里面循环。

有时因为太在意她，搞到自己系到想好多也，最后其实也都系自己系到想而已。

我应该明白，呢一切都系为左自己好过的，吾应该因此难为自己。

Money归来之后，

系DZ归来，DZ应该做返DZ。

 To be DZ for DZ,not for others.

寻晚知道左她选左模特队，小白的短讯话得10个人给人选中。

又系小白讲我知，我又要扮吾知先，起码要迟几日先等她讲我知。

她或者会吾讲，甘米永远都扮吾知囖。

我即刻系觉得吾舒服，会down，但吾系应该为她高兴先对咩。

复小白咯短讯里面自己都讲得无错，我系吾可以阻止她追求的咩。

她如果真系做左模特咯话就会见识大好多，然后识好多人。

她好向上，我自认无她甘勤力。

如果我真系好一般，甘应该有一个比我好好多咯男生去陪她。

就好似短讯到甘讲，如果到时配吾起她就算。

有时觉得自己好无用，只系会down，应该再勤力的至系。

她系我咯动力挂，同时她又可以将我比较到系一件华工咯垃圾。

为左呢件事，寻晚同今朝都吾高兴，不过今晚已经无事。

吾系忘记得太快，系因为要调整返好咯心情去等下一件吾高兴咯事。

如果下一件吾高兴咯事来迟的，又可以抱住希望高兴甘过几日。

有时都吾知点解要吾高兴，觉得自己真系好无用。

我要学法语，就算点难学，仲要勤力读书。

多的同她send短讯囖，系，我可以做咯就甘多。

wing睇完我之前果的blog后发表评论，话我写到我中意果个好似仙女甘。

无办法啦，甘多女生中中意呢个，至少系我心目中咯仙女啦。

或者系得吾到咯也系最美好咯，甘至少她暂时都系美好咯。

系报纸闲情到见到有人讲呢样也甘讲：

爱情把人神化，按照内心得愿望塑造了别人，再去追求那人。

其实真正热爱与追求的都不是真实的人，只是自己那个愿望。

我都系系到追求紧自己咯愿望。

我系果的买左一个自己中意咯玻璃杯就可以高兴咯人，

所以就算咯愿望好渺茫我都仍然有希望。

已经讲过好多次，吾知自己同她系咩关系，朋友定系更进一步呢。

我咩都想吾到，一想就会觉得一片混乱，我宁愿做工科数学的作业多的。

她咯专业系英语，依家仲要辅修法语，她仲对日语好有兴趣。

所以我都开始对法语有兴趣，迟的都有机会学。

有时觉得她对于我来讲系患得患失，但我依然有学法语咯信念。

或者我已经对她同对法语同样有兴趣。

自从上一次系短讯到收到果条多谢关心，我已经变得对她咯事好平淡。

吾知系米我已经吾中意她，但我知自己仲系想学法语咯。

她系米已经只系一个愿望呢。

或者依家甘先至系我本来应该咯态度。

她就是吾冷吾热，我发得太多短讯给她，她会冷淡。

我吾理她，或者少的短讯，她有时又会主动发短讯过来。

她系知我中意她咯，她当我追紧她呢，定系只当我系朋友。

我又想吾到，或者只有抱住甘样平淡咯态度去等答案就得。

我觉得自己仲系中意她咯，就算只系一个美好咯愿望。

1号仲留返系大学城睇书、听歌、洗衫、搞卫生。

2号早上同下午都去左学柔道。

重点系晚黑，本来系帮手布置柔道比赛场地之后再训练表演。

点知我发现系去做苦力，我果晚终于知道一套柔道垫有84块。

而11个人从晚黑9点做到3号1点从比赛场地咯1楼搬左两套余一块柔道垫上二楼。

然后再将的垫拼埋一齐。

果套新咯垫听讲系一个日本人系中国开咯企业赞助咯。

呢套垫实在巴闭，表面吾可以划花，一块起码超过100公斤，要2个人先抬得上楼。

果个日本人同他果一班翻译都来左，我算系体会都日本人咯敬业。

不过他地一直就系到咯咯甘好似鸡甘叫，系并垫果时指手画脚，不过并吾参与搬。

最有意义咯系我地果晚咯劳动系无偿咯。

听讲的新垫一块成千蚊，姐话一沓沓就有几万蚊。

所以的人都趁休息果阵系一沓垫上训低，

太有满足感，毕竟仲贵过屋企训咯果张床垫。

或者呢一下训低就已经够抵消晒果晚咯劳动力。

真系吾抵，甘多搬死人咯垫，系搬垫果阵我居然仲得出一个结论：

如果我地自己出钱叫人搬就损失50蚊，

但系自己搬完又吾见得会赚左50蚊。

天啊果晚我地11个人起码每人行左40转果到1至2楼咯楼梯。

之后肯定已经无得再练表演，的人好积极仲系果到过夜再第二日一早训练。

我动作吾熟，都系无谓出丑，所以做左最聪明咯决定，就系吾演囖，都系给人逼咯。

3号系柔道比赛咯日子，香港同澳门都有道馆派人来比赛。

我先系白带升黄带就无谓去出丑。

做下工作人员，又系搬凳搬台，仲要帮手削铅笔。。。。。。

个比赛可以用混乱来形容，比比下居然的裁判认吾出系边个赢。

到中午时分自己道馆有条平时好串咯人断手。

跟住同一个同学送左他去医院，原来系骨折，真系恭喜他，要起码住院半个月。

呢条友平时都好串，他居然同个医生讲吾好甘吾好甘。

我幻想紧他接骨果时会喊到玻璃都爆咯情景。

不过好似系有麻药，真系饶恕左他。

送呢条友唯一咯好处系中午果餐系外边吃得好好，仲有得报销，当然包括埋之后打的返去。

下午咯比赛系决赛，人第香港系劲的，无办法我地的资源吾够，连自己咯道场都都系租咯。

我同之前表演果的人本来想早的走人，吾系惊寻晚咯事又重演，个人肯定会散。

大师兄好热情甘留低左我地，又要留低“帮手”！

无办法，系到睇埋颁奖，又系乱，居然将“请我地长乐泰阳集团董事颁奖”

读成“请我地长乐春阳集团董事颁奖”。

之后又宣布“第一名A，第二名B”，但颁奖果阵先知错左再讲返“第一名B，第二名A”。

你可知道A系我地道馆咯人，搞到我地的人都空欢喜一场。

犀利，之后又来搬也啦，好采大师兄终于知道的新垫仲系要稳民工搬咯。

所以只系拆左旧果套垫就可以收工，而且我地道馆比赛的人都要帮手。

我地再要求走人，大师兄，又系大师兄，

他叫我地再帮手拆埋的横额，他话最多可以去果晚可以去吃饭。

听讲其他人吃餐饭都要交60蚊，都算系对得住自己，我地商量完都决定去。

天，来接人咯果2部被教练称为豪华空调巴咯公共汽车已经塞满人。

上完大师兄之后就已经再塞吾落我地呢几个想去痴餐咯人。

算，都系吾吃，点知系米吃完饭又来搬过也，甘我请他地算。

终于忙完。。。。。。。。。。。

4号，居然中午系4班同学聚会，比太阳从西边升起更罕见。

我叫埋wing培我去，wing话有6000字咯作业要做。

我同她讲吾好骗自己，呢几日边做到作业啊。

她话我衰，系都要讲穿她，于是应承来。

梗系啦，大家都系甘咯人，睇人就好似睇自己，点会吾知自己会点啊。

她又迟到，我已经预左她迟到自己已经迟的出门，点知她仲系迟到。

我话好采我地都系中意迟到咯人，吾系咯话其中一个准时咯话就会等得好惨。

去到已经下午1点有突，原来全部都系男生，拉维、碌春、lulu、旭哥、肥班。cheapcheap。

后来国光同班主任敏贤都来左。

拉维仲话携眷参加，都吾见猪来，后尾先知道原来他的已经散左。

我觉得好正常，既然因为高考系埋一齐，高考过左跟住就自然应该散。

得wing系一个女仔同我来，都吾知的人同班主任点想。

不过我同wing都好恶心，我记得最后一只芋角最后系wing吃。

我同她讲我都未吃，她话她吃左一半，跟住将剩返果一半递给我。

跟我居然若无其事吃左，吾知其他人睇到咩感受呢。

（可能系因为我之前系电视到睇到话乙肝爱滋之类只会血液传播，

何况wing当然系无病啦）

敏贤话仲要返去上课，跟住就散会，拉维即刻话有约摆低10蚊就走左。

跟住夹钱埋单，wing话无散纸，我就落左30蚊出来话一齐比。

其他人都有的20有的15甘夹，不过出20多。

我同wing话去厕所，顺便走先。

从厕所出来同wing都有同感就系好饱，我地都系来吃早餐咯。

而且都觉得吃得最狼都系我地两个，想起埋单时候其他人异样咯眼光都有的吾好意思。

不过我地一致认为拉维都只系留低左10蚊，我地都吾应该系受谴责咯重点。

之后原来打算一齐去同柔道班人系天河唱k，而wing话想去流行前线。

我仲系坚持去，不过半路系地铁到又改变主意，又坐返转头。

去到流行前线根系去打机先，，打打下大师兄又打电话来催，

给左个电话wing讲，大师兄梗系以为她系我条女，他肯定吾会再讲咩。。。。。。

之后行街，流行前线，地王广场，中华广场行到脚都累。。。。。。。。

之后果几日就系屋企打机，训觉，最后就赶睇书作业。

记得8号早上1点我终于系宿舍赶完作业。