DZ

今日下午屋企同婆婆、大姨and表弟毅去白云山。

好耐都无上过白云山，

仲系以前个样无咩变。

从公路到上，我同表弟好快就上到山顶。

系山顶踢完一轮毽，就落山半山吃饭。

行到山腰有一条同楼梯并排嘅鹅卵石嘅健身楼梯。

原理就系人有n个穴位系脚底到，

除鞋系上边行就有健身作用。

我以前都行过，系上边行大步的脚底都痛。

奈何我就提议毅同我都快行落去。

真系有的变态之嫌，

我地挽住自己对鞋面部痛苦表情不断变化甘冲落去。

其实，只算得系好快甘行，

但相对于其他人就好快。

我地系的人身边超过果时的人都话点解行得甘快。

最后我地终于同时落到条楼梯底，

打平有的无奈。

其实我地似乎有的默契，

因为系上边行就吾容易，

何况仲要斗快，每部都要细力，

仲要忍住不时脚底传来嘅痛苦。（可以解释到我地的表情）

所以一个人快左的果时都系想慢返的吾行甘快。

以后可以同人讲爬白云山有的甘嘅节目。。。

寻晚系饭堂以前二排的人同排长送行，

虽然他听日先走。

仲有其他排都大大小小甘系饭堂到用台拼成大台送行。

今晚真系热闹，

饭堂的薯片同纸巾全部埋晒。

啤酒就连中心商业南区到果的都卖晒埋。

同排长坐得太远，都听吾到他讲左的咩。

只系从的人口中听到片言只字。

排长都系吾史识讲也，我地台算系饭堂到最静果围之一。

后尾我地台就啤酒吾够，排长无再讲他的情史。

他都饮左吾少，去左几次厕所，返去行路都有的吾稳。

今日早上要去校本操演。

早上5点就要起身，6点坐车。

华工真系大阵象，

南校区大一军训嘅千几人要全部去晒校本。

起码有成30几部大巴，系高速公路排成嘅车队尤为壮观。

由于寻日连长话今日要点名，吾来就军训吾及格。

今日来的人特别多，

仲包括以前系“精英”排都未见过嘅。

（原来有甘多人偷鸡）

系整队果时，

排长都出奇：“哇，怎么比训练时候的人还多啊！”

今日系来扮观众。

我地的人都打算开始开始坐定等操演开始就出去逛，

到差吾多完先再返来。

如果的演唱会吾好睇，的观众当然会中途离场。

点知我地行去操场途中，已经见到有的早到嘅“观众”离场。。。

都系吾好甘出位。

做左一阵先发现其实的“观众”只要吾走晒，

我地吾见左都吾会少几多人。

于是同同室同隔离宿舍的“精英”去吃早餐。

华工校本真系仲大过大学城校区，

行左好远先到饭堂。

呢到饭堂有几间一齐，有竞争的早餐都好的。

呢到买早餐都系刷卡嘅，

不过系插卡式大学城的非接触卡就用吾到。

甘我地就要先睇完吃咩也几钱先再买票（真“先进”）。。。。

吃完早餐，我地又慢慢荡返去操场。

的人已经企晒起身睇检阅，

系后边坐住睇吾到唯有都企住。

过左一阵前边可能的人都企到累，坐返低。

睇左一阵系屋企好无聊嘅晶晶打电话来，

倾左成1个钟。

她无聊到仲话想过来。。。

倾完，我坐睇乞眼训（今朝5点起身啊，阴功）。

乞眼训乞到无聊，

起身同隔离室条友倾下notebook。。。

好也，的领导们讲完废话啦，

颁奖又皆大欢喜甘颁完。

最无天理就系果个三排居然仲罗左2个奖。

返返大学城开始拣也，因为下午就开始放假。

无论系我地宿舍定系女生宿舍栏杆都都晾晒被，

场面尤为壮观。

真系乱，我将的也抄晒出来，

有的吾知从边到拣起嘅感觉。

同室的人都急住返屋企，有的将张床铺卷埋一半就算。

他地的书同牙刷都吾放埋，返来实封尘。

今日晨练集合完就唔跑步又解散。

上午无埋例行一开始嘅站军姿，只系练坐。

坐完就开始就休息。

之后分返开原来嘅一二三排影相。

听讲排长同连长都去左校本北校区所以无得一齐影。

影相果时第一行系女生坐住系到影，

于是后边的男生每次影完就向前推。

不过通常系的女生知道的人会拥埋来即刻走开，

给人压住果的都系的男生。

之后又按返“精英”排甘分返开，

今日无连长同排长系到简直无人理我地。

的人个个都唔系摊就坐系地下到唉时间。

我就大字甘训系操场的人造草到，真舒服。。。

甘就系军训！

有人见到我地软件学院嘅辅导员鹏行紧过来。。。

即刻集队，原来他只系叫我地下午要早的帮手，

将的音箱从教学楼搬过来操场预演。

（听日就系去校本到操演，今日下午梗系要预演啦）

鹏同志仲宣布左一个令我地”精英”排振奋嘅消息，

我地听日去扮观众，仲唔洗着军装添。

当日可以用群情汹涌来形容我地的人嘅高兴。

我即刻讲话：“我地终于挨到头啦。。。”

我地终于“革命”成功，

仲比其他排的人早一步脱离苦海到岸。

辅导员走左之后我地又继续休息，

系操场中间摊摊坐坐。

其他排要做方阵系到操练果的人一定睇到好妒忌。

既然我地有得“精英”排嘅名就有的甘嘅权利咖啦。。。

反正都无人理，的人越走越少。

最后我个同室副排长话去吃饭再返来（先10点几边有饭吃）。

他走左之后的人再坐到吾耐烦，鸟散。。。。

原来个所谓副排长嘅同室已经返左宿舍。

下午预演，我地“精英”排1点就给人叫左去搬音箱。

人第预演，我地就系到坐住无聊。

连长过来话方阵到缺4个人，叫边个想去就去。

边到有人再理他，来得呢到的人都无再想住去。

由于我地的人都无戴手套他最后都无办法。

有的人呢两日已经索性唔来，我地来果的就撑下场。

因为系尾二一日啦，来果的人就唔敢偷走。

怕最后先给连长搞到军训吾合格，虽然我地唔系好惊呢样。

系操场边到坐左整个下午，

听收音机、用手机上网，训下觉样样做晒。

同时我地都发现我地“精英”排唔系唯一嘅，

其他连一样有我地一样无所事事嘅“精英”排。。。

连长过来集队，话听日着便服。

预料之中啦，解散。。。

模拟排长嘅话：又混了一个下午。

我嘅军训似乎系而家开始就提早一日结束。

排长似乎已经太失意，以致连理都唔想理我地。

今日晨练他只系叫我个副排长同室带跑，

之后交待完早上几点再集合就叫我地自己跑到饭堂解散。。。

早上例行站完军姿之后，

连长就讲：“我告诉你们，

你们当中有百分之二十军训不及格，

就是说大概有四十来个人，

你们学院已经把表交到吾手上。

你们如果有谁不来，或者有反抗情绪就不及格。”

虽然他系对住全连讲，

不过就企系我地排前边，分明就系讲给我地听。

我听到只系惊紧如果吾合格下年又要再军训过甘就惨，

不过后来听埋人第讲返同自己想下都觉得无可能啦。

之后连长分明系要挑起我地不满情绪，

他叫我地排的男生将操场系我地连训练果块草

地上边的垃圾都拣起身。

一听的人当场不满，不过又惊吾合格，唯有拣囖。

我觉得都无办法，米慢慢行，慢慢拣囖。

的人一边拣一边话要投诉，一边问候连长。

地下的垃圾有好多系的教官留低嘅烟头，

有人提议话凡系烟头就吾拣，不过都系算啦。。。

最变态就系我地拣垃圾果时，

其他果两个排就系到练喊“首长好”同“为人民服务”。

后边果句尤为刺耳，服务他条命啊。

甘做的确好丢假，我个同室就好唔妥。

系中午吃饭果时提起呢件事，他的饭就吃得特别快。

有人拣完就同排长喊交，

排长讲左：“你以为是我叫你们拣，我很想要你们拣是不是？

你们拣我也没有面子”，“我告诉你在军队理粪也得挑”。。。

挑友就驳：“你这样左就不对”。。。

唉，都系同一条船到，有咩好拗。

于是的人都叫唔好再讲啦。

其实投诉都无用，去学校投诉，他觉得连长做得无错添。

同寻日早上一样又系连正步，

反正我地都唔使去操给人睇，

所以我地来来去去都系练正步走摆臂同踢腿练习。

都唔想再给连长抓到，于是就无咩偷懒，只系慢的。

一个口令一个动作做完就换一个口令三个动作，

手累就换脚，左脚累就换右脚，总之就甘循环。。。

有个团长之类嘅物体来左，他嘅地位可以从他体形睇得出。

他话离最后阅兵越来越近要抓紧时间，

都吾关我地排事啦。

他又叫左旅游管理嘅十一连示范左一次正步。

他仲逐个连甘要求讲的“首长好”、“为人民服务”、

正步踏步转换果时叫的“一二”叫来听。

听到觉得的声吾得果的连，

他仲用埋用他把猪公声来喊：

“要把声音升高，拖长一点，就向我这样。。。”

我地唔系阅兵方阵，唔使也都无教到口号。

所以只系系后边补齐的人就得，唔使踏步同喊口号。

遗憾嘅系听讲我地到阅兵果时一样要去校本到做鼓掌。

上午剩返的时间，我地训练果时就同排长吹下水。

排长又罗我地的手机来玩下。

他都无咩心机连，也都吾罚人，反正连长又坐左好远。

后来索性坐低休息继续吹水，吹左差唔多一个钟。

我知道军训吾合格唔使唔使再军训之后都吾惊咩啦，

又觉得呢到都吾差啊，甘轻松。

挨到11点，再训半个仲又吃饭。

的人仲专登发条短讯去排长到学他讲：又希拉了一个早上。

他唔知我地的人手机，当然唔知边个。

他得闲到系到古到底系边个。

不过他梗系古唔到啦，的人的机都较震。。。

下午连长又坐好远唔理我地，

排长可能闷，去左一排帮人第捧住播进行曲嘅录音机。

我地吾想偷懒，但系又实在无聊。

于是的人就玩定住正步走抬脚嘅姿势，

睇边个先企吾稳就罚做俯卧撑。

开头只系抓第一个吾稳嘅罚做10下俯卧撑。

后来又吾过瘾，罚第一二个，有的仲要20下。

再后来由于有的人做得太多就做返10个，

不过就要放块砖头系背脊到做。

我个同室本来就肥，睇落去企都唔系好稳。

再加上他定住果时一笑就更加吾稳，所以做左吾少俯卧撑。

我就身材同平衡力一个都未做过。（几犀利）

虽然我地系玩一次左脚然后换右脚，

中间再连正步走摆臂来间隔。

但系由于吾想做，唯有死撑，只脚都系累。

我惊到时我地系给自己玩死而唔系给连长玩死。

晚黑有个“梦绿情”晚会，

有学生、辅导员同教官表演。

开场讲军训花絮嘅短片做得唔错，

的队伍都好整齐，甘我地连果的肯定剪晒。

表演果时的教官嘅军体权撒到个台都嘣嘣声，

我地排长因为无正式学过打得吾规范无上到。

他话的军体权只系睇到吾打得。

今晚也终于从的人口中知道原来排长都系85年出世，

基本上都同我地的人同龄，只系打我一个月。

怪吾知得他之前吾肯讲，

唔系我地可能更加吾听他指挥。。。。

今日并无想象中甘恐怖，

晨练一样系原来嘅路线同时间然后就解散。

人少左反而跑步更加整齐，口号仲喊得响亮。

上午也唔见有咩强化训练，只系分班训练下正步。

不过排长面色唔好睇，又系同连长唔妥啦。

无错，有次听到连长过来同排长讲：“他们不训练来告诉我”。

排长只系背住他唔理，排长真系撑得辛苦。

于是我同我嘅副排长同室都叫的人唔好偷懒得甘出位，

唔系又给连长过来搞事。

排长已经为我地撑住，

我地都应该给返的面他，唔好等他无甘难做。

排长真系吾高兴，不过无咩骂同罚我地。

只系有时吃烟，再有时骂句：“你们不要嘻哩吧啦的在这里混”。

最后我地都系吾醒目，给他罚站半个钟军姿同20个俯卧撑。

他已经唔算罚得重，只系象征性，唔系点只20个俯卧撑啊。

计埋今朝一开始果40分钟，

我终于有半日系站军姿加埋超过1个钟啦。

话说寻日先来左整个班女生，点知今朝又唔见左。

剩返果3个，之后又给连长同三排教官叫走埋。

系失望之际，又有一个班女生调来，

不过都系比较矮果的，素质就无甘高，都好过无啊。

最唔妥就系的排长同连长将方阵到唔得的人调过来，

再系到又拣返的人过去。

他地最中意就系同我地排长讲：“挑个‘精英’过来”。

最串系三排仲叫2个男生过来挑“精英”，

而家垃圾回收啊。

于是有的人就专登将的正步系来拣的人面前操得随便的留低。

我同个同室都吾想住走，返正想走就由他。

其实无边个唔想过去，但系呢到都吾差，几舒服啊。

我地仲叫嚣:：“我地生系二排嘅人，死系二排嘅鬼”。

甘当然唔系系连长面前。

最搞系有个人给人挑左过去又给人定返返来。

当果个人笑住返来果时，我地排见到果的人都一齐鼓掌，

仲逐个同他握手。

排长只系象征性甘斥责下，我地都象征性甘停低囖。。。。

下午系唱歌比赛，

如果我地连唱的好就今晚唔使再唱歌。

每个连都要出2首歌，其中一首一定系《解放军军歌》。

我地寻晚叫某位音乐老师训练过，

我地自认为唔错，

不过我地的人一直都将个“奔赴”唱成“奔向”。

但居然无人指出，比赛果时都照错。

我地连拣嘅另外一首歌系《爱军习武歌》。

系比赛果时，好明显，

每段开头的声都系低左落去。（的人吾记得歌词）

我地排第二，唱完就听埋其他连唱。

其他连就好多花色，

吾似我地连《解放军军歌》后边个“冲啊！”都悭返。

他地有的先将一的歌词念出来再唱，

有的计专登将首歌一的地方唱快一的唱慢（仲搞到走音添），

将首歌唱两次，

仲有的就二重唱、造人浪、

系唱“爱心献给了千万家”古果时用手做埋个心型出来。。。

最犀利就系艺术系，他地个指挥专业，女生又多。

他地嘅二重唱的确好整齐，声都好好听。

听紧果时好多人就已经话他地实系第一，

有咩计，他地有的本来就系唱歌嘅，搞艺术会唔使唱歌。

唱完好多人都鼓掌。。。

系我听到乞完眼训再吾眼训就全部连唱完。

咩话，今晚又要系操场听国家安全现状介绍。

唉，去B9实验室上网计划又落空，

又无得更新个blog啦。

今日反而比较似返的军训。

朝早操正步，经常要定住系到有的辛苦。

排长又有新名句：“你们不要在这里稀稀拉拉的啊！”。

系分班训练果时，听到隔离排某班长系“一，呕，一呕。。。。”甘喊。

个“呕”字发音就同胃气呕出来果声一样。

隔离连某排长又唔同，他系“eat，up，eat，up。。。。”甘喊。

果次wing来话我件衫好大味，

不过我都无洗又着左甘多日啦。

呢几日都不时将件军装递给人闻下

他地都话都唔觉得有咩异味喔。

好，甘更加坚定左我系军训完之前都唔洗呢套军装嘅决心。

我仲后悔点解套军装发我就急住洗搞到的色淡晒。

唔理甘多啦，反正5日之后呢套也系洗系定都话知它啦。

点知今日从中午开始发生甘多也。

首先1点2就下宿舍外边有人喊一连集合。

唔关我事，再一阵，隔离只“女人”拍门问我地系米要集合。

我话听唔到，出门一睇就有人叫话全部集合。

本来系2点4集合咖吗，仲写紧blog添，无计。

去到集合果到，从其他人口中知道系校长来视察。

唉，校长紧系出去吃完饭，

跟住心血来潮想住过来散下步消化下。

不过甘真系打搞晒我地，从班长口中知道排长都有的不满。

系我来之前，排长对的人讲左句：

“你们的校长来看你们了，他妈的，你他妈的傻B！”

（唔知他骂边个呢）

去到操场，我地原来系坐系到，

无端给排长叫起身跟住连长要我地连续叫左10次“一二三四”。

原来上午踏步返去吃饭果时连长又唔妥我地排中某些人踏步。

再来就练站军姿，或者叫罚贴切的。

之后全部排都开始训练。

天啊，就为左个校长就要提前训练。

个太阳开始晒，校长们嘅影呢，

无奈校长大晒。

开始分班练正步，我地班搭到一连旁边。

一连嘅连长望住我地班，

跟住他问他身边嘅一个排长：“这是我们一连的吧！”

得到否定答案之后，他居然讲：“怪不知操得那么差”。

我地班当时应该有唔少人系心到“问候”他。

而家想起仍然想用排长果句“操你妈的A！”“问候”他。

校长班人终于来，当然系果几位最大嘅，仲有的高级的嘅教官。

学校的百步梯记者当然相机，摄像机前呼后拥。。。

可惜的领导们“关心”我地得太唔系时候。

再后来系分班操正步同齐步走给我地连长同3个排长睇，

的给他地认为操得差嘅人会挑出来。

我好幸运，一开始操齐步走就给连长挑左出来，

可能系太随便啦。

之后仲有一次机会，给挑出来的人会再系他地面前操正步。

操得好嘅可以返去。

不过更加幸运，我同其他37个人被编为强化排。

连长话系因为我地的步操得唔得，所以要系体能上强化训练我地。

呢个排又叫二排，又系我原来嘅排长小波来操。

嗯，我对二排不离不弃，永远支持二排长。

好彩我个同室又系来左呢个排，仲升左做副排长同班长添。

对于的甘嘅职位，他自己都唔知高兴定喊好。

他梗系吾甘高兴，我就觉得无咩，我又唔系真系无认真过。

反正给人话得系最差就应该有继续偷懒嘅权利。

就系甘，之前嘅二排就甘给人瓜分成两部分，

分别加入左一同三排组成军训最后去本校操练嘅方阵。

晚黑唱歌，原来二排下午编左去三排嘅女生又给三排遗弃，

又成为我地呢班“精英”（呢个绰号系其他排同我地起嘅）嘅一部份。

甘又多少令我有的欣慰，有甘多女生陪。

我地班“精英”除左少数系一、三排调过来，

主力仲系原来二排剩返嘅人。

的人话系连长偏心专登整我地排长小波（或者叫波波）

先有我地呢个排嘅存在，当时我唔系甘信。

后来我问其他连的人，原来其他连只分两个排证实左呢一点。

加上系挑人果时，

挑左来果的一，三排的人多数又给他地排长拣返去。

其实之前已经听我地排长同连长关系唔好，

听讲系他地来军训之前我地排长同连长无咩关系，

但系三排长就同连长关系好铁。。。

我或者明白点解下午我地强化排站完军姿后，

小波讲左句：“有我在”。

有人当住排长面话唔妥连长，

他话：“有些事情在心理想就行啦，不用说出来”。

而解散前给连长要就额外做俯卧撑之后，

他又讲左句：“唉，真的不好意识”。

晚黑唱歌果时仲听讲我地加强排听日要从6点晨练到7点，

然后7点就又要集合。

吾惊啦，我地的人都讨论过，军训仲有5日。

除埋听日下午唱歌比赛同最尾一日操练仲有之前一日嘅预演就剩返2日半。

2日半连长点都玩吾死我地啦。

我就再想，再顶唔住米冲个冻水凉病埋过2日半它囖。

不过想返返来，我地的人反而当心排长嘅感受。

系唱歌解散之后，我地问听日晨练点算。

排长系讲嘅：“有我在几没问题”，

我有的后悔当初系原来二排无操好的。

于是我地临走都敬返他一句：“排长，我们支持你！”

嗯，排长照我地，我地撑排长。我地吾惊啦。