DZ

今日最后一日下午就走，

早上都系无咩做，搬左的货上货车，

又套左下热收缩膜，粘左同封左的纸箱。

再偷下懒坐下，早上就甘过。

下午都无咩做，系办公室坐下就开始执野走人。

姨丈叫我同表弟同的工人话走，

最终都系唔知点讲无全部讲到。

甚至有的人我从来未同距讲过野，或者呢个系正确嘅态度。

系厂门口、正门，仲有宿舍门口影左的相。

同唯一一个工人合影，

一个白净好似仲高过我嘅男生，

中意一边做野一边喊歌。

不过都无同他讲过野。

落雨，见到高速公路到车胎践过然后溅起的水好得意。

的水顺住玻璃斜住流落去，

好模糊，就好似我对今日嘅印象。

已经唔记得今日星期几，

只记得系第六日，听讲听日下午就走得。

今日无乜单，早上送完货就等落班。

下午表弟训左整个下午，呢的算唔算旷工要扣工资呢。

下午同样得闲，画左画。

中间去左搬的废纸皮同管上货车。

点知的野卖唔到，要要搬返返果间废品间。

终于知道自己有过敏性鼻炎，

系搬野果时比较大尘，我猛打乞嗤。

一齐搬野嘅就系果个我觉得系细路身材嘅工人。

我扯到有的湿左嘅纸管，一拉就撕开。

有的奇怪嘅想法，有的似呢个工人嘅青春。

吃完饭去左附近一个停车场开摩托。

我比较细胆开到40公理就觉得风大。

所以最快先到50，无表弟60甘多。

个空地应该系未用嘅停车场，

四边的屋都唔高，见到好大个蓝天，

经常有飞机飞过。

下午画画果时要听FM被逼开机

收到几条扣钱嘅短讯，查下得返3个几。

仲有收到她话帮我买左机壳嘅彩讯。

系几高兴，不过迟的先回她。

晚黑睇仙剑电视版大结局。

呢几晚都有睇，男女主角们都异常靓女靓仔。

结局感觉系男女主角们对白过分肉麻，

搞到拜月教主精神分裂功力尽失先给人打败。

男女主角可以根据剧情需要给人打低n次仲企得返起身，

无奈仲系有的人会死，总之个个都死得比较无辜。。。。

拙作

寻晚吃得太多，今朝个胃就唔争气开始有的痛。

寻晚写blog、上网、睇埋Destiny成12点几先训，

训返佛山车上继续补训。

今日唔多野左，早上去送左货，

下午同姨丈罗叉车个油泵去整，其他时间都唔太忙。

表弟比较中意跟车送货，

因为可以系车到训觉，所以越远他越中意。

今日又去左寻日去过嘅果间瓷砖厂送货。

寻日系放货果到嘅阁楼楼梯顶撼亲个偷今日摸仲痛，

于是今日经过果个地方都条件反射低头。

有人话呢到最惊就系无胶纸，

呢到的确周围都系胶纸，

所以鞋到，衫到都不时见到粘左的胶纸系到。

记得hely以前都来过佛山做市场调查，
他话呢到比较多住宅小区。
但系我呢到系郊区，总之就系一片平房，劳动密集型嘅工厂。
我想我只系来做野嘅，无想过有人工罗嘅准备。
所以以后的人话我未赚过钱唔知做野辛苦呢句话仍然适用但又错一半。
睇表弟做野有的眼怨，做得太慢。
虽然我做得快过他，但系系的工人眼中我都系甘给距地睇嘅姐。
来呢到只系体验，效率有先当然好。
系到会经常睇钟，好似其他工人甘等落班，
相对论无咩效果，我做野做快的，时间反而变得慢。
表弟比较多野讲，话的机甘大声要保护工人，
话点解唔提高的工人工资，他都系唔明白。
我同表弟讲，当的钱系你果时你就唔会甘想。
系呢到睇起身，中国特色嘅社会主意同书到的资本主意无咩唔同。
欲望，追求最大剩余价值，中国人只会更加犀利。
今晚大姨生日，晚黑返表弟屋企腐败一晚。
我其实唔系好想，
不过可以更新下的blog，甘就腐败一晚。
做野果时不断有念头今晚的野点写，但系又唔记得左，
想到先。。。。

今日套袋、装箱、送货咩都做，一日落来企到脚好累。
呢到早上7点半做到11点半，中午12点半做到6点，
唔存在8小时工作制，听讲旁边袜厂仲12小时制。
经常听到人问到系到做累唔累。
系得到“有的啦”嘅答案之后，
结果系“做多半个月”或者“起码1个月啦”嘅建议。
难道我真系要讲累你地先舒服满意，
个个都甘讲真系一个不祥嘅兆头。
系到吃饭同的工人一齐吃，唔中意受到厨房特别关照，
搞到我碟送系人第嘅2碟甘多。
不过肠胃反而好似好左，人都系唔适宜吃得太饱。
系到做野并唔辛苦，
对于我来讲就系做野果时只要多的野想，
而的工人应该就系想少的野挂。
我系到唔系好多野讲，我唔想系到留低太多野。
我想对于我来讲呢到系另一个现实嘅世界，
比我嘅现实世界更加现实嘅世界。
今日真系一的都无开到手机，与外界断开。
尽量唔想平时嘅野，
我系来肉体锻炼，精神度假嘅。
哈哈，与各位长辈们嘅期望背道而驰。。。。

终于清静，呢个系今日做完野嘅感觉。
母胶卷给机器撕开嘅声，
要想象其实就系几百卷透明胶撕开嘅声嘅叠加，
绝对可以用震耳欲聋来形容。
可能系耳仔自然嘅保护，之后一段时间好似有的塞住甘。
今日一直都系厂到做，
唔去跟车送货系姨丈关照，今日有成百箱货。
今朝做野做做下已经有的唔记得系第几日。
一日好快过，唔通呢的就系充实。
今日总共唔知套左几多个热收缩膜。
有个明显系细路身材嘅工人，睇上去仲细过我同表弟。
可能细一个出生系经济唔好嘅屋企嘅另一个我挂。
不过咩都唔可以想甘多，
中国嘅经济也都系建立系呢的巨大嘅噪音同廉价嘅劳动力上。
反正我大概只系留系到一个星期到。
都系自私嘅人，
想要怜悯呢的人或者改变距地的生活就要我有钱先。
甘想，想我来嘅果的想法就已经达到目的。
呢样又牵涉到好好读书，稳份好工～～～
想住听日开始真系唔开机，暂时唔想同外界联系。
我来呢到话系体验生活，其实都系想逃避的野。
有的咩重要，关键系有好多。
今日比较高兴学左揸女装摩托，以前未试过。
开唔难，只系车肽有的重，打肽要大力。
仲有就系我比较惊的好似唔受控制嘅推力。
不过并唔难掌握，
比较平稳甘控制到部车就有的觉得可以掌握自己生活嘅方向一样。

给人抓左我同表弟去佛山姨丈帮手嘅工厂做野，
美其名曰体验下，于是就体验下。。。。
的工人好早训觉，每日甘真系好无聊。
但似乎呢到的人每日嘅生活就系甘，距地嘅青春就系甘，
或者距地会觉得有距地嘅意义。
呢到仲可以，比我想象中好，我睇过集中营的电影多左。
今日去左送货，坐车讫眼训多。
而且4个人搬40几箱货，听讲平时系2个人搬成百箱。
工厂系姨丈嘅姑丈开嘅，整封箱胶到透明胶。
胶纸都系由大卷嘅分割重新卷成细卷嘅胶纸。
机器将大卷胶纸撕开的声好巨大，基本上讲唔到野。
总之就系百几卷透明胶撕开嘅声加埋一齐。
傍边仲有袜厂、电子厂、听讲有的系做12个钟。
中午由于送货，系外边吃左个8蚊嘅鲜菇牛肉饭，
应该系一的工人一日一半嘅工资。
我甚至惊返到广州之后会悭。
唔会嘅，我应该会继续仍然堕落。
手机得返十几蚊，都唔使充钱住。
跟住落来一个星期都唔想同外界有任何联系。
姨丈系负责工厂招工，听讲有87年嘅人，罗身份证就稳工嘅。
今晚系到饮啤酒果时，有个人话我地以后都唔想住做呢的嘅呢。
系，如果以后做呢的，依家就开始做啦，读书浪费时间。

前两日屋企部P4超慢，cpu占用100％。

开头以为硅胶干左cpu太热，

搞左好耐重装左n次先知系中病毒。

我记得只病毒咖，叫咩Tenga.a，唔知咩来嘅。

金山居然查唔到，于是屋企2部机换晒卡巴斯基。

总之就去左3次电脑城，部旧电脑居然差的坏硬盘。。。。。

今晚第二次去左真系好耐无练到嘅柔道。

咩都唔记得，唯一依稀记得嘅就系某个动作以前肯定学过。

抢靶搞到流鼻血，真系弱。

听日有得去行街，希望唔好又落雨。

呢篇也想写好耐，写左又拖左一阵然后又修改。

可以当放假以来嘅总结，或者系感想。

人大个左唔可以唔去想下周围或者以后的野。

上个星期六去左兼职会知道自己而家读左一年大学乜都唔识，

如果就甘出来根本稳唔到的乜工。

知道英语系比较仲要，因为如果我依家口语好，

我比较有把握可以去稳到文化假日酒店果份比较舒服嘅服务员兼职。

今日本来有个面试去见份文职，但系想左几日“档案录入”呢个词。

都系觉得打字快过自己嘅人大有人在，都系无去。

于是又从今日开始用金山打字通练唔睇键盘输入。

放假想住做兼职嘅想法的确系不断缩沙，

最后嘅结论都系而家好好读书。

想清楚知道左自己以后系做的乜嘅。

我以后应该系做编程嘅，

于是放假决定系屋企认真甘重新睇下C++，

当然仲有其他有关嘅野都要学。

总之有的陷入左有的混乱，有的懒，有的烦。

今日睇她钟意郭敬明嘅《夏至未至》，

果句“未来并不是挡箭牌”似乎几适合我依家嘅状态。

好似有好多以后嘅野要依家开始想，但系似乎又想唔出的乜来。

毕竟系仲局限于依家，就好似科幻片点科幻都唔科幻得去边甘。

前几日将电脑从学校搬左返来，想住将距同屋企果部一齐摆落厅到。

于是执野，爸爸稳到一张细木凳，系凳脚可以折埋变成一块木甘嘅。

系爸爸以前去旅行果时买返来嘅，

然后我以前学画画去写生嘅时候经常会用。

爸爸罗住张凳有的自言自语甘话：“以后罗来给孙子用！”

开头系觉得好笑，我到意家仲系觉得细路系一样好麻烦嘅事。

然后又惊觉自己大个左好多，再过3年就要毕业。

或者再过几年就又要结婚。

真系大得快，系米老人家都系会甘经常甘样感慨下嘅呢。

如果系，我都开始老啦。。。。

对于未来，系憧憬同茫然，仲有的乜呢。。。。。。。