DZ

屋企过年基本上年初一都系系屋企，

都系收爸爸同妈妈果4封比较大封嘅利是。(可惜今年唔大封)

于是年初二先算系开始兜利是。

基本上我已经记得每年过年一定会去边的人屋企拜年，

边的人屋企兜得利是最多我都比较清楚，我肯定会去果家。

今日就去左爸爸同妈妈嘅媒人屋企，果然大封，而且都几多封下。

今晚又同婆婆同的阿姨吃饭，又收左唔少。

哈哈，加埋今日兜的利是，总数刚刚超4位啦。

不过大户都好似差唔多啦，热切期待初三。。。。。

终于发现过年仲系有的有意思嘅也，寻晚同wing、阿Sa仲有她表妹去左白鹅谭睇烟花。

仲系系滨江到睇，不过今年个地方无上年甘近，的烟花给树遮左好多。

呢3个女生系烟花开始放就猛甘系到“哇”，无论的烟花大细好唔好睇。

搞到旁边的人有的侧目，仲引致旁边各位小朋友一齐“哇”埋一份。

今年同样影左好多烟花，不过技术好过上年，的烟花无再甘惨不忍睹啦。

摆两张仲睇得下嘅上来。

今年农历唔知点解无年卅十，于是最后一日就系年廿九。

早上起身发现外边飘紧雨粉，不过无影响到今日心情。

中午去左婆婆屋企吃饭，过年就系吃吃吃。。。。。

虽然我唔中意行花街嘅，不过下午仲系去左阿Sa同小白系花市搞嘅狗狗镇。

一个人直接行左去档口，小白戴住个爆炸头假发系到叫，阿Sa就返左去训。

试戴左个彩色爆炸头，实在无法接，然后同小白吹左下水。

再然后“低价”买左个高价嘅积木日历，点都要买返的也撑下他地嘅。

晚黑收到第一封利市，哈哈。。。

系到祝各位新春快乐啦

今日中午终于返到屋企，宿舍嘅平同源都会今日返屋企。

本来系寻晚返，去吃烧烤唔记得时间，

最后赶到地铁站最后一班去万胜围嘅地铁刚刚过左。

考试嘅成绩已经系网上陆续公布，居然都及格，

今日指导离散肯定老师给面60分，就剩返数分担心啦。

及格就得，只要挨过呢个学期。

返到屋企半日，玩左的游戏，

然后晚黑因为有人返来唔敢点玩，于是就甘上网有的无聊。

的书同其他也都仲系宿舍等紧星期日一起搬返来，所以无书睇。

问过的人放假有咩搞，有人去新东方，有人准备托福，

觉得自己系咪唔好再系到无聊，虽然毕业稳也做呢的仲未烧到埋身，但都应该准备下。

记得之前考试果时想过话只要呢个学期唔使重修下个学期就要给心机读书，

点样去面对自己对自己嘅承诺呢。。。。。。

寻晚落雨，然后变得冻左，

呢个学期系大学城嘅最后一晚，训系无被套乱晒龙嘅床上过左。

后日先考英语，寻晚睇英文电影当温英语好晚先训，所以今朝中午先起身。

下午3点几，已经唔想睇电影，唔想上网，唔想温书，也都唔想再对住部电脑。

于是4点踩左单车出去，决定去踩外环一圈。

心情吾系好好，可能因为系阴霾天气，个天好多运好似想落雨甘。

逆时针甘踩，经过好多学校嘅正门。

有的学校已经放左假，无乜人嘅感觉。

有的地方就真系一个人都无，感觉感觉上大学城就变左一座空城。

转登踩落的小路到，可以更加容易接近江边，睇到的水。

好多地方都第一次去，原来大学城仲有好多也未睇过。

就好似广大旁边有个起紧嘅广东科学中心，好巨型。

果到仲有一块湿地，单车可以踩落上边的木板路上边，的木板有节奏甘响。

一个半钟，刚刚系开始落雨之果时返到学校。

今朝考法律基础，一科吾系甘重要也都唔使点复习嘅科目。

做得好快，总之呢得题一系就识做一系就唔识做，一个钟多的就交左卷。

放假嘅进程更进一步，得返19号嘅英语。

有的吾系英语C班嘅人已经唔使考可以今日返屋企啦。

已经系到策划进点样系呢几日将宿舍的也执好，等20号就可以走人。

想紧放假做的乜可以唔无聊，暂时妄想紧可以睇多的编程嘅书。

仲有就系要学煮菜，呢个灵感来源于最近间断睇嘅《恶作剧之吻》，

虽然我好惊去买菜，不过超市就无所谓啦。

成3点啦，刚刚睇完电影，晾埋衫上床。

仲未放假，仲有16、19号法律基础同英语未考。

星期日之前要交翻译成中文嘅电子作业。

前日之前嘅一个学期陆续考左数分、电子电路、物理、离散、毛论，

仲有上个学期嘅物理重考。

基本上前4课都比较总要，我也都无乜信心。

除左电子电路老师会放水，最坏打算系下学期有3科要重考。

真系唔知自己呢个学期做左的乜。

系每个重要考试前几日，我会搏命睇晒整个学期的书，

我唯一最后挽救自己嘅方法。

其他人或者会出猫、通水，毕竟我未做过也都唔识做。

我并唔比果的人清高得去边，都系平时唔读书，甚至人地嘅态度更加积极。

我觉得生活、学习系到报复返自己，我之前系点做，依家就要点样受返。

大学过左就一半，想到自己好似无学到的乜，想自己多学的也。

但系连平时学的也都未学掂，甚至侥幸心理想等呢个学期的科过晒，下个学期可以重新开始。

结果考完试，连要交作业的书都睇唔落，玩果实就将的勤力想法都唔记得晒，

唯有偶然见到某同学Q到写“呢次离散我唔99都有100分”，

会偶尔刺激下我麻木嘅神经。

乜状况

呢排都无更新，摆返的上年嘅相上来。

2005年11月27日，5中校庆，曾经系紧张高三嘅西楼，已经人去楼空得返升大班。

2005年12月23号，吃完晚饭，突然发神经，然后就上宿舍楼顶用G5影日落。

相信只系自己影得唔好，大学城呢到个天唔会差果hely果到。

2005年12月29号，坐刚刚开通嘅地铁四号线返屋企，以后最快1个种就可以返到屋企。

题目暂且叫做“2005年”，本来想呢排系Q同blog到都扮唔上网,

但系点都觉得要写返的野回顾下今年。

正如开头唔知点写题目甘，今年有的唔知点。

开头最想写嘅就系今年或者知道咩系拍拖，

从高中中意开始中意嘅她，终于她因为呢个blog而感动，

我有意无意系hely个blog到加嘅连接，她也都无意睇到咗。

最记得第一次约她，之后系大学城嘅华工一起行返广外。

同她一路讲咗好多也，最后系她宿舍楼下同她讲咗句：“今日真系好似发梦甘”。

爱情故事往往系男女主角终于系埋一齐然后就结局，所以显得美好。

而我地系现实中演绎咗继续落去嘅另一个结果。

梦好快就结束咗，暑假前开始，也都好似暑假甘结束。

简单甘开始，简单甘发展，然后简单甘结束。

甚至令我有的措手不及，情侣套餐都仲未够3个月可以取消，我以前都笑过人。

无必要稳原因，总之就系因为2个人唔夹，所以又分返开。

觉得自己仲唔成熟，或者等以后会有答案。

留底咗嘅只有回忆，仲有一堆话费单。

大家都开心过，证明呢件事曾经存在。

对于呢一段感情， 好似《了解》嘅歌词甘“我还是珍惜”。

睇晒整个blog的文章，发现的确系成熟咗的，也都有人赞我写的blog顺眼咗。

但系仲唔够成熟，但系始终都唔急得，仲系要做好眼前嘅事先。

大学读咗1年有多，发现大学都无乜点。

虽然知道自己应该学好多也，但系仍然好堕落。

觉得自己应该以后勤力学多的也，但玩果实就咩都唔记得。

对于身边嘅人似乎有的疏远，亲人朋友都有。

或者有的系必然嘅变化，有的就系我自己变咗。

有时唔知自己做紧咩，追求一的其实唔一定必要嘅野。

就好似果的所谓嘅协会，并唔可以同我学习加分，

而望咗好耐，然后罗到手嘅手提电脑，发现不过如是。

系咪有的也觉得发生得太过必然，以致我再唔去注重呢。

2006年要稳答案。