DZ

开学刚刚一个星期，好忙同有的混乱无更新到个blog。

呢个学期课时无甘紧，但系应该吾轻松得去边，

2科嘅英文，概率论与数理统计 同 数据结构与算法 ，竟然仲发生左一日讲40页书嘅事。

仲有迟的可能参加到学生研究计划，仲有果个已经吾想理但系要撑埋呢个学期嘅计协。

呢个星期我有的勤力到连自己都吾信，基本上晚晚都去自习，每日都有坚持读英语。

可惜就系无背到单词，来紧呢个星期要开始背。

甘积极首先系源于放假某位成功人士嘅谈话，仲有就系星期二同前班主任嘅电话。

学生研究计划开始报名，大一班主任个《无线传感器网络应用技术》要求吾高，仲可以问清楚系搞的乜。

本来系msm到问他个项目做的乜，点知他即刻打电话过来，应该系紧张个项目。

讲完项目，他问埋我同我地班嘅情况，

对于我话第一日上课乞眼训，他讲左的令我振奋嘅话：

有的学校学生一天先训3个钟，而且因为有压力唔会乞眼训，学习成绩仲会好好。

所以我应该早的确立目标，自己学多的也。

就系前班主任一番言论（当然仲有好多），导致我呢个星期异常积极，

甚至觉得上Q都系浪费紧时间。

吾知宜家自己嘅想法系咪又先进过之前，

我已经觉得自己的想法经常变以致唔敢系自己个blog到轻易下结论。

但系我宜家勤力紧系无错嘅，

每日除左睇书，仲系睇书，恶补紧C++，刨紧《无线传感器网络》，为研究ad hoc准备。

依家系床上边写blog，TP-Link TL-WR541G系宿舍正式投入使用。

计划从听日开始早上7点半起身，11点半前训，每日读一个钟英语。

为左实现呢个目标，我依家要训啦。

后日就返学，听日返学校，今日算系放假最后一日。 

早上要去天河，今日系公公死忌，要去婆婆屋企上香。

搭错车去左冼村，反而可以行返以前小学放学经常行果条六运二街。

已经好唔同，两边地下都开晒好多小店，卖衫嘅，咖啡店。。。。

不过之前住改商嘅禁令已经搞到依家的店关晒门，而且今日落雨，条街仲冷清过以前。 

同公公上香果时无许咩愿望，觉得唔应该甘贪心，想我依家来睇他得啦。

因为我烧果3枝香有2枝有的灰倒挂系香上边无跌落来，婆婆就话公公返左来，

而我只会认为系嘅香开问题。

吃完中午饭，婆婆又系到讲的算命点灵点灵，我听到有的毛骨悚然，都系唔信好。 

下午同初中同学权去幸运楼饮下午茶，发现2个男嘅去饮下午茶吹下水几过瘾。

幸运楼的奶黄包同猪肚好正，其他野都唔错，不过就系吵的，而且今次好彩唔使搭台。 

然后5点继续，同柔度的人去较场西间加州红唱歌。

的房同米几靓，不过就唔系唱左好多。

玩大话嗣，输3次罚10个俯卧撑，然后唔系好识，所以做左唔少。

最后一日都算活动丰富，就精彩埋呢日。

今早一早返学校注册，计对左4号线时间，等左一阵就有车啦。

9点到返到，4班都无几个返左来。

见到我嘅人普遍都对我个鸡兜头觉得惊讶，连楼管都差的唔认得。

我当我个头系好嘅转变，好嘅开始啦。

不过返来搭4线就计错时间，足足等左半个钟，真系“好嘅开始”。

晚黑推左一个商家要计协23号搞嘅展示活动，

时间急、纯宣传、经费唔先倾。

无晒压力，唔使惊要一个人出策划同申请，仲要跑埋腿。

不过并唔系乜都要逃避，我希望有自己嘅主见，

好似今晚发左短讯给她又系一个好嘅开始。

听日返学校注册，晚黑执左2个书包也，

衫裤鞋袜、roller、各种电脑有关物体、冲凉洗头消毒液。。。。。

呢个寒假又甘算过左，好多时间都系静心系屋企无聊、睇书、上网中度过。

睇左英文版嘅JAVA半途而废，实在太厚，如果要学都系落返中文版。

《三国》又系睇到一半，返学唔知睇唔睇得埋落去，唔系等下次又要重新来过。

C++就睇左2章都无，都系当复习熟悉返。

放假睇左上海贝尔某工程师嘅文档一半之后，依家好在意编程风格啦。

英语有继续坚持读，虽然缩水变左每日1个钟。

然而睇返放假之前嘅计划系学煮也，

放假除左洗碗煮饭之外，煮过嘅菜1只手都数得晒。

如果计埋整的剩餸就有2只手嘅。

放假都系甘过，下学期要比心机读书。

前2日同屋企，仲有爸爸以前的同事去左从化玩。

放假甘耐终于可以出去玩下。

其实又想去又唔好想去，

难得可以出去玩下，有得浸温泉有得吃，

唔好嘅就系无同龄人，得的爸爸妈妈级同小妹妹。

冬天浸温泉仍然都会觉得热，上水之后有长袍披住唔会好冻。

我系懒人，所以系池到稳唔到的可以训得好舒服嘅地方就比较可惜。

系的无人嘅池到可以一个人安静下。

话说部115嘅遥控直升机，真系平价无好野，

基本上可以控制嘅就只有点上升同跌返落来，水平方向就乱飘，

所以试飞过程中跌过落坑渠，撞过落车到，挂埋上树，最后折埋翼。

希望可以买返只翼整返好然后就送给人，终于算系玩过了左心愿啦。

寻日尚临走有得摘草莓，好多好多。。。。

虽然影相无摘到，但系见到甘多草莓好高兴。

好靓嘅草莓

好多。。

好多好多。。。

呢篇blog唔可以拖啦，听日同后日有得去玩，所以写左先。

初七电左个头，无点剪，长嘅卷发。

之前的长发给人批得太多，系华工无问题，系广州就唔掂。

终于第一次电发，转左个look唔同晒。

260，八百伴最平嘅电发水价钱，不过屋企就话168。

妈妈仲觉得接受，爸爸就唔接受都无意见。 

初八就买左个TP-Link TL-WR541G无线路由，又260。

点知鬼甘唔稳定，一无线bt就上唔到网，有时又要重启先正常返。

上网睇，话呢够也都系甘，唔知点算啊，仲想住罗返宿舍用。

不过可以系床到写blog都几过瘾，仲可以一边刷牙一边睇电视。 

今日出街睇左电影，左买左衫，

仲买左部几抵嘅遥控直升机（115蚊咋），吃中午饭。。。

又用左超过260，今年利是给我用左成大半，唔知15拆利是果时点算。 

从初七开始有坚持每日学2个钟英语，一日记10个单词。

都坚持左几日，希望可以坚持落去，其他也都要计划埋啦。

今日又一日系屋企发霉，就系睇左的三国。

晚黑去妈妈以前一个同事屋企，也都希望兜返的利是。

果个同事嘅老公好似系翻译，总之去过好多地方，见过好多世面。

本来妈妈系叫我去讨教一下学英语嘅方法。

最后始终都系讲到点样处世，点样对待现阶段。

希望我可以以一个新嘅高度去重新审视返依家嘅状况，唔好再系到迷茫甘多。

总之都系讲左大道理，不过似乎系一个再成功一的嘅人讲出来会比屋企讲嘅有说服力。

落决定，做计划

依家系初四早上，

训唔着，唔知自己想搞乜，唯有趴系床到写下blog。

首先要讲返初二兜嘅2封利是，早上出门嘅时候隔离嘅婆婆开门给左封利是我。

妈妈话个婆婆应该等左好耐，就系为左给利是我，

爸爸话他地每年都会专登给利是我真系好有心。

同婆婆一齐住嘅仲有个阿伯，他同婆婆一样应该都几关心我，

不过听讲已经身体唔好出屋都唔方便，

其实同呢个邻居平时都无点打交道，不过无论电点的老人家真系好有心。

给人发现左，唔训都要关电脑，否则部手提有生命危险。。。。。

依家已经系下午，

睇来年初三同年初四利是收入为零，因为无人来屋企，也都无去人屋企。

唔知点解我屋企会甘样，过年都比较得闲。

不过利是都算收得差唔多，依家就算再去兜都唔会收到的点大嘅利是。

反正有心给利是果的人，就算见唔到我都会留利是给我。

由于无聊，对抗嘅方法就系以毒攻毒，

就系屋企睇网页设计同英文版嘅java，下午仲得闲到系部就机到装Ubuntu。

晚黑啦，

Ubuntu配置得差唔多，其实就系复制粘贴，都唔知的代码乜意思。

极品9终于挑战埋黑名单第一位Razor爆机，原来主角条女系警察来。。。。

中午“年初三同年初四利是收入为零”嘅预言给证实左系正确嘅。。。。