DZ

寻日中午去楼上对面宿舍借SD卡，然后返来。

返到宿舍坐左n耐先觉得脚底的feel唔同，发现着左人地一只拖鞋返来。

唔知自己到底系点行返来嘅，两只脚着住两只feel完全唔同嘅拖鞋。

晚黑去人地宿舍换返拖鞋，人地系到冲紧凉，

结果就系我就着住一只湿一只干嘅拖鞋返宿舍。。。。

寻日出太阳，于是之前落雨就水浸嘅所谓校道返学嘅人前所未有甘多，

当然晚自修、选修课嘅上座率都升高埋。

男女生宿舍都好壮观，向住太阳嘅走廊都晾晒的五颜六色嘅被单出来。

我宿舍门口走廊无太阳，又可以偷懒唔晾，

其实只要的晾惊衫裤under袜可以干到就已经好高兴。

SRP计划系香港嘅指导老师因为我2个星期无交进度报告发埋邮件去的师兄到刮我。

晚饭之后即刻补返上个星期嘅报告，堕落左2个星期，要勤力返。

之前好似好恨嘅SRP计划好似变得唔系甘重要，我好似好唔珍惜眼前嘅也，

到手之后就无一回事。

不过依家要认真对待返，至少系呢个SRP计划，被逼又好，良性发现又好。

晚黑想住做概率统计作业，呢次得6题，想住可以真正自己做返次，

可惜第1题就，依家仍然努力中。。。。

寻日下去行左4间营业厅终于换E680i，或者讲系平少少买到。

甘今朝应该系会有《遇见》嘅闹钟叫我起床。

原来嘅6610应该差2个月就用够3年，

可惜自重上上个星期堕床之后就间歇性昏迷。

第2部手机，应该要好好对它，起码唔好经常自由落体。

兴奋左一晚，不过又好似无买之前甘期待，E680i啊。。。。。。。。。

上星期五返屋企顺便去中华广场睇手机，当然会好顺便甘去埋流前打机。

用左15蚊，对于我来讲已经唔算多，结果打完脚都就抽筋。

痛左2日，可能系我耐唔锻炼体力不支到呢个程度，

另一个解释就系我打机犀利左而要企甘耐。

其实就玩左2个射击游戏，踩踏板，蹲低。。。。肯定系我打机劲左。

最近想玩游戏，狂想装游戏落notebookd到，但系。。。。

战争行为，2G几bt左20个钟，装完显卡吾支持，删左。

分裂细胞3，3G几bt左30个钟，装完破解玩吾到，又要删。

装的低要求的嘅百战天虫3，显卡吾支持，入到界面玩吾到，删。

突袭2终于装到玩到，但系的游戏画面实在太差，吾想玩。

又想住装的新的嘅，问人借左教父，又系显卡，结果同上边的游戏一样。

原来学校买915gm系甘用心良苦，吾支持DirectX。

极品9玩到后来又疾，魔兽好顺我又吾中意玩。

睇来AW100Dt都系同游戏无缘，我就真系惨啦。 

上概率与统计系到暗自高兴终于可以交自己做嘅作业，

虽然仲有2题唔识要“参考”下人第。

点知半堂课之后先从隔离果位好勤力抄紧功课嘅同学嘅作业本上面发现左的我作业到无出现嘅题目。。。。。原来我做漏左。。。。。仲差成半。

我晕，又要问人罗来抄返，系落课之前搞掂。。。 

晚黑4班罕见甘CS，系校园网二楼对三楼。

开头冲前边，dust2开局之后就一路排第一，

可惜自从二楼的T一齐冲之后，三楼的人怕死吾冲，

我有乜可能可以1个打几个，于是行先死先，由第一跌到落倒数第一。。。

我的郁闷真系奇怪、变态、无聊。

自己好清楚上个星期无去过自习，呢2个星期系开始散。

训日返来宿舍无做也，今日早上都系床上渡过，下午终于忍吾住去返自习。

做人吾可以得个壳，系去自习之前抹面对住床玻璃里面嘅自己讲嘅。

自己着住件算有的名牌嘅衫，仲电左个好睇嘅头，但系点可以吾识也。

寻晚仲突然有高级嘅郁闷，吾想睇电脑吾想睇电影，当然书就更加吾想睇，太浮躁啦。

今晚自习见到某同班女生居然将计算机组成重点抄系纸到，实在令我汗颜。

一科烦到我次次上课都会乞眼训嘅科目居然会甘来学，超出我想像嘅认真勤力。

又一个好嘅转折点挂，我又去返自习，

感觉丧呢个学期自己系变左，起码堕落都会返返转头。

对于对自己外表唔系甘自信嘅我，真系吾可以得个壳。

习惯左地铁返屋企，每次起码会有半个钟时间系地铁到。

打发时间嘅方式就系发呆，听歌，或者睇书扮正经。

系4号线好彩嘅话可以睇下电视，二号线就吾知望咩啦。

吾习惯望人，惊给人望返，有时人多就真系吾知望边，

合吾埋眼唯有望住车厢某个位置扮发呆。

上个星期返屋企，4号线我对住嘅果部液晶就坏左，

然后鞋、裤、书包、手机各样都望齐，睇返对住嘅车窗，用反射原理睇下其他人。

最后都系望返自己，发现4号线个影会清过2好线，，原因系2号线车窗会厚一的。

不过由于都系有厚度，所以有重影，自己就有的模糊。

开头自己居然吾敢望自己只眼，一望就缩返，感觉系陌生人望紧自己。

可能自己照得太少镜，所以以望返自己都吾自然。

于是开始一直望自己，尤其是望返自己对眼，真系一种奇怪嘅感觉。

车窗外面有节奏掠过的灯光，个影会好似越来越模糊，好似自己就要消失甘。

总之就系好得意，或者可以再认识下自己，从外表望自己，或者再深入的。。

星期五同wing去左广大，本来密谋左好耐去看小白，终于稳到时间。

仲有布，婷，迪都来左一齐吃中午饭，

不过广大中午好早落课，我去到他地都已经吃紧，连菜都差吾多无晒。

不过可以几个人一齐吹下水都可以，以前的同学太少联系啦。

返学前去左小白宿舍参观，小白的野真系好少，无论衫裤定系书。

下午去左图书馆，好大好靓，玻璃顶，一入去感觉上似酒店大堂。

广大全部校区的书都系呢到，连报纸都有几十份，杂志就更加吾使讲。

古籍书果个室重要有埋的仿古嘅台凳，有个地方仲有的好舒服嘅沙发，系到训觉都底。

好似无几个人，可能的人都返晒屋企，真系想叫小白办多张卡给我。

我就宜家先见识过咩叫图书馆，华工嘅仲系到building无办法。

然后去左正门江边，同布，wing做系草地到吹风，广大的环境真系超正。

感觉广大的气氛系同华工吾同，或者系有广州特色的，好地方。

寻日见到一包即食面，同以前吃开果只好似，好似，似到我望多两眼。

我当然会想起以前果只，然后就系吾高兴，居然有也系到打转。

我一直都困惑，到底系我中意即食面定，定只系中意果只即食面。

有时记性好好，吃过果只即食面系无甘容易吾记得嘅，可惜无得卖了。

只系发生一件甘嘅事，即食面囖。。

前几日，手机从床到堕地，然后就一直昏迷不醒。

无手机原来真系好吾方便，无时间，无闹钟，无课程表，无联系。

不过呢部质量过硬嘅6610似乎今晚给我拍左好多好多次之后居然正常返可以开机。

再过1、2个月呢部手机就用够3年，新手机嘅企图就筹划中。 

315要消费者维权，华工就举行罢吃响应，一个星期前的消息就系的群到开始不断转发。

可惜饭堂最近仲得到咩“达标饭堂”称号，有人系群到话系天下第一造假案。

最吾满意饭堂的鎹越来越少款式，有时真系吾知叫咩吃好，甚至怀疑广东农副业供应紧张

好难想像会有人想出菠萝呢样鎹，仲要系无煮罗竹签插住。

好处就系经常可以吃斋，无样好吃悭返唔少饭钱。

仲有唔妥就系饭堂晚黑10点未到半就关门，随便熄灯赶人。

可惜寻日嘅罢吃可以话系以失败告终，有吾吃支持嘅人，但系饭堂仍然好多人。

吾指望饭堂会有咩进步，教育都未改革，几时轮到学校饭堂，反正就吃吾死人。 

今晚计协的部长稳我，要我留低做埋呢个学期。

我都讲左话走，不过都系一齐搞计协嘅人，

作出嘅让步就系名义上退，然后背住会长继续做埋呢个学期。

吾知系咪因为我影响的人，的人觉得会长rp的确有的问题，总之好多人都想退。

其实我系背后继续做，既唔使有义务去做咩，又可以几乎指挥一切。

他呢次赶我走好似系成功左，不过第日如果他知道我系后面做会点呢，应该几有趣。