DZ

7月就考试，但系已经开始紧张。

要复习，然后仲要继续未上完嘅课。

数据结构要做大作业，我好睇重呢个作业，可以稳到编程嘅感觉

从文字编辑器、航空客运订票系统、图书馆管理系统，

仲有一个随机落雨程序4个里面拣左航空客运订票系统做。

好彩组到有的实力嘅4人小组，可惜就变成我最弱。

数据库、结构、文档我都唔识做，唯有做界面。。。。

听讲Microsoft Visual Studio 2005做界面会简单的，于是就决定用它。

可惜界面完全从0 开始，依家仲未搞清咩系MFC，要狂啃从图书馆借返来嘅.net书。

寻日上课因为课间训觉上课之后唔识起身，给老师叫左出黑板做题。

结果当然唔识，因为条题考嘅就系落课前乞紧眼训睇果的内容。

潦倒嘅时候，发现自己好潦倒，而且其实一直都系甘潦倒。

最近仲有人赞我可爱，都系系我编惊程同人倾Q嘅情况下。

可惜 “可爱是否等于幼稚”呢个问题得到“有时是”呢个答案。

我都忙死，边得闲想甘多问题。。。

高中某同学仲系决定做安利，

话读书无用已经浪费她好多时间，话要锻炼自己交际能力。。。

唔知点解甘多也唔拣，系都要拣安利，

上次劝她果十几分钟嘅手机简直系白打，真系觉得上次有的多管闲事。。

该讲嘅讲晒，应该做嘅都做晒，她要踵个头埋去都无办法。

反正现实就系甘，系朋友会话下你，唔熟嘅话都懒得话你。

而她已经自己有决定，无论我地点讲她最后都系会决定去做。

觉得她太急于求成，只系睇到眼前嘅也，而且本来就唔系醒目嘅人（我系她面前都甘讲）。就尽管睇下她玩唔玩得起，

觉得只可能系她有可能回头嘅时候再邦帮下她，我地都唔系伟大嘅人。。。

或者唔使甘悲观，

我地系到阻紧一个未来嘅有钱人发达，又或者讲系我地呢的劝她嘅人睇嘅未够远。

有的讽刺嘅系她上线居然系中大嘅学生，系米可以同她讲返话甘就证明读书有用呢。。。。。。

今晚无聊，上网睇晒收藏夹里面属于 其他 嘅blog，仲睇返今年自己写开blog。

其他 里面的blog都系无意同有意收藏嘅，

里面嘅人或者系广州或者系华工又或者系学软件嘅。

睇呢的blog多少会有的熟悉嘅感觉，有的人就系身边，各种唔同状态。

有人的blog停晒，好少文章无也睇；

有的转去第到，无留底新连接唯有删除；

当然仲有的人写得好积极，有的个blog到就系抒情散文。。。。。

其实都想过系呢的blog到留言，可以识下人，

不过实在觉得自己个blog罗唔出来给人睇，唔知点解就惊吓亲人。。。

从自己今年的blog到发现自己系勤力左，

起码呢个学期讲起的主要我会知道系讲左的咩，也唔系甘惊期末嘅考试。

虽然系好多反复，但应该系一个向好嘅转折过渡过程。

最近个blog都系同勤力堕落读书有关，我真系无聊。。

前班主任终于Say Goodbye to SCUT，今日系他msn spaces上惊现呢个题目。

他上个星期六先返来，本来仲以为系来监工srp，原来系走人。

他自从大一做过我地班主任之后就听讲去左香港城大做社会研究，

甘耐唔返来，睇来走都系时间问题。

系日志到他话本来想来华工搞研究，但系就变左助教，但系钱唔多。

他嘅话“SCUT的那一年多的时间里，

把自己从一个学自控的人改造成大半个学计算机专业的人”。

他仲想要拥有自己嘅公司，系大一嘅时候他已经话他的同学好多都稳到好工，

感觉似乎他系呢到系有的屈就。

最后呢句有的五雷轰顶

“另外，感觉有点对不住SRP的学生，实在抱歉，我原本还是希望坚持6个月的。”

即系点呢，无创新性学分定无继续研究项目，放假系米唔使做。

虽然呢排的师兄都忙到无进度又唔写周报告，个计划差唔多停晒，

但依家连指导老师都无埋就好似系要解散。

虽然之前有的想逃避呢个计划，但系依家无左又觉得可惜。。。。

SRP（student reseach project）学生研究计划：老师带几个学生做一个相关课题。

我依家渺茫嘅SRP：无线传感器网络。

今日上英语课，考试讲到就要考四六级，又有人叫苦。

老师话不如靠托福，或者GRE之类，下面又趁机热烈讨论。

我都想出去读书啊，但系依家连呢堂课讲嘅课文都未预习好。

呢排都系到想紧，依家突然觉得大学读到之前都好似系虚度。

睇来要重新勤力，要有计划，

计划呢个学期开头果的充满激情plan，但系要客观的啦。

呢排会觉得自己其实会有好多能力，但系有时控制唔好，或者讲系唔识用。

都系勤力读书。

耳仔入水，要睇医生。

放学坐齐一二三四线去到中山医，妈妈巳经系到排紧队，给左的饭菜我叫我上楼吃住先。

有菜有烧肉、鱼、汤，

我就系到吃,而妈妈就去挂号。。。。

系米应该做的也，第日都系自己来，系妈妈眼里面我点都长唔大。

三四节嘅邓小平理论课，习惯都系睇返一二节课咯数据结构。

老师讲到我国社会主义发展道路,然后又讲到教育，讲依家咯大学。。。

可能邓小平理论再先进小小，感觉呢堂课无以前的马哲，毛论甘无聊。

肯定唔系照书讲，而系比较现实。

话中国大学好难系可以预见咯未来超越外国咯大学，但系要有自己咯发展道路。。。

我都几乎停左无睇书听下她点讲。

最后讲到打钟先落课，好似无人偷走，最后仲有人鼓掌。

邓论老师系果种比较babyface咯老师，应该有成四十岁，但系会给人亲切咯感觉。

唔会骂人，上课唔训觉无大声讲也就得，

好似已经好少呢的识讲学生会听道理咯老师。

寻日下午给一个大四就毕业咯师姐叫左出来6内环。

她出来玩系因为就毕业好无聊，

内环一圈好快就6完，然后仍然郁闷。

好似民工甘系路边两块砖坐低吹水，

我见到几部经过咯384上面都有人用异样咯眼光望我地。

就毕业咯人多少都有唔少感慨。

我又给人话唔成熟、单纯，连师姐都甘讲我唯有认啦。

“要经历一些事才行吧”，我有无需要呢。

由于关小姐唔得闲，hely的生日礼物变左又要自己寄返。

呢次无得怕麻烦，当系增长下见识睇下点寄包裹去美国。

下午去左南区邮局，3点去成4点半先走，由几个人寄到成村人。

蕉果尊墨水害死我，点解会漏咖，

搞到我要专登去买左保鲜纸包左3层先给寄，仲成手都系。

呢次唔止礼轻情义重，简直就系物轻邮费重，

只系一堆笔同一尊墨水，结果邮费仲贵过的也。

快同慢价钱都差唔得几多，好彩后来的也可以塞晒落小包到先无甘甘，

不过只要2个星期嘅航空包裹应该可以快过关小姐本书。。。

母亲节已经系寻日嘅事，当然各种各样嘅祝福系群上面乱飞，

都系觉得呢条最经典：

啊妈十大口头蝉:
1 著多件衫呀 （不論寒冷或酷熱天氣警告都會聽到)
2 生舊叉燒好過生你 （點解係叉燒? 雙拼叉鹅會唔會好D)
3 隔離陳師奶個仔讀書都唔知幾叻 （係囉, 妳都話"唔知"落,講黎把鬼咩)
4 早D訓啦, 晚晚都咁夜訓, 聽朝返學唔夠精神呀（不如你早D訓聽朝準時叫醒
我啦)
5 第二樣野冇見你咁叻, 駁咀你就最叻 （你遗传的啊！）
6 睇電視唔好坐咁埋呀, 睇壞對眼呀 （阿媽, 太遲啦,就係對眼壞左先要坐咁埋睇)

7 叫0左你唔好夜晚洗頭, 第二日老0左你就知 （第二日咁快就老？)
8 得閒帶個女仔返黎食飯啦 （帶男仔得唔得啊？)
9 幾時結婚呀 （結婚, 結婚, 結完就分, 有乜好結喎)

不过寻日我已经返左学校，今日就系发左条“妈妈母亲节快乐”嘅短训给妈妈。

本来想打电话，不过都系觉得比较难开口，唯有甘样啦。

然后例牌讲下我妈妈，

我妈妈应该系慈母型果种，至于败唔败儿，我只系觉得自己比较腐败而已。

妈妈对我简直有的溺爱，有时连爸爸都觉得有的反感，

有时我都反感，好似依家我会反感她包办得太多，我唔想太依赖。

其实我一直都系呢种包办下成长，或者我会系中意呢种包办，只不过依家开始反感。

就好似系大学一个星期返一次，

每次返屋企她都煮好多菜仲有煲埋汤，要我带好多也返学校。。。

妈妈好似系唔想放手，不过我已经要独立，就好似我坚决要自己买返自己的衫甘。

其实有个甘嘅妈妈可以话我好幸福啦，我也都知道，有时我可能系身在福中不知福。

我做嘅应该系给妈妈睇到我大个左，识生性，会自己照顾自己。

仲要对妈妈好的，妈妈会高兴嘅。