DZ

呢几日java已经完全睇唔落，係无晒心机。

玩咗成个星期有多，开始放假时候嘅激情一的都无晒。

最近我终于觉得原来我一直要坚持的咩，

其实仲未对自己有完整嘅认知，果的最多係迷茫同混乱之中嘅固执。

知道自己要有计划，对未来唔可以迷茫，甘依家做嘅也先会有动力。

想咗好多日要做计划之后，今晚终于打咗个电话问咗衡师兄。

问人算迟，但也都及时。

以后嘅路清楚好多，起码知道大学之后要做的咩，而依家又要做的咩。

终于知道咗好多，

幼稚嘅事就用幼稚嘅方法去决绝，

清楚嘅事就做好计划甘行落去。

好累，可能系呢个星期六日去咗游水同周围走嘅缘故。

呢个周末终于叫咗诚来屋企玩，

寻日星期日安排突然变满，

陪同学去玩、去珠江花园睇所谓嘅展览、晚黑同小白、wing吃饭、

有人叫我返柔道馆睇下、无通知嘅所谓4班嘅打边炉聚会，

于是后边果半无时间或者无兴趣去。

晚黑係起义路一间细嘅越南菜餐厅同小白、wing吃饭，

无精神搞到他地意味我可能唔高兴，讲咗唔係好多也。

3个人坐係2楼临窗嘅台到，可以透过玻璃望到楼下嘅车站车来车往。

见到的有舒服靠背嘅公共汽车好想去坐，不过唔知想去边。。

66唔顺，已经影相我出去玩嘅兴致，于是决定又要拆来整干净。

一对轮滑鞋有2只鞋，每只鞋到有4个辘，

每个辘有1条螺丝、1个轴套、2个轴承，每个轴承有2片盖、2条固定铁环。

所以对66可以分解成2只上鞋同鞋架，8个辘、螺丝、轴套，

16个轴承、32个轴承盖、固定铁环。

我就係要将呢的也都整干净，尤其轴承要搞到可以顺为止。

不过太耐无清理对鞋，有的轴承已经有的锈。

屋企附近买唔到汽油，唯有用除锈剂，

的洗厕所嘅盐酸唔够浓一的用都无居然连的铁锈都无反应。

几时有钱要换埋的原来係80mm蛋已经磨到成70mm直径嘅辘。

上个星期五就开始返乡下拜山，寻日下午先返。

上一次返乡下係前年，今次返去好多也唔同咗，好多也仲係一样，

用E680I记低咗每日的事：

8·11

返乡下，跟亲戚的士，后座四个人坐得比较辛苦。

中途顺路去左河源桂山玩，万绿湖就只系远眺。

系半山溪边一间竹搭成嘅屋到吃到真正嘅人家鸡。

桂山同白云山一样系四星，不过门票贵好多，山脚的娱乐设施有的不仑不类，有的失望。

开始上山就感觉好的，一真沿住山水旁边上，沿途仲有木千秋之类嘅设施就比较好玩。

山顶仲有水库，有水上单车之类嘅也玩，总之会觉得门票值返。

山上都比较多树，好幽静同清凉。

可惜时间有限，下午五点几，车又系平整咯高速公路到继续返乡下。

8·12

今日去左拜山，原来客家八月适合起骨之类而唔系拜山。

不过或者更重要咯系拜山呢件事同埋形式。

今次系旁边念下词咯人都无，的人得闲就来。

清理、填红字、上香，淋酒，拜，烧纸，打纸炮(客家话烧炮丈)，

然后分也吃，之后就差唔多可以走。

同往年有的唔同，今年拜山係坐车而唔係行路去，连本来要担嘅也都放埋係车尾到运埋去。

习惯拜完山之后会一齐吃饭，都係的客家传统，

有糖浸住唔敢多吃开肉丸、肥瘦分明嘅红烧肉、有草味嘅疑似五柳鱼（呢样算係新菜色）。。。。係到我会多吃菜，因为都係的人自己种嘅，不过更重要系的肉太难吃。

如果唔使洗衫，唔使用自己杯碗瓷羹筷子，唔使洗埋，一切都几美好。

期待听朝天仙座流星雨。

8·13

今朝一点半准时给手机嘈醒，同妈妈上咗楼顶。妈妈仲带晒相机上来架埋脚架。

个天无云，但个月光就太光。

镇里面也都无咩灯光，普遍都系三层楼高无乜遮住个天。

周围好静，偶然有摩托车经过的声，或者远处有狗唔使训係到叫引起隔几条街另一只狗对吠。

流星就係一划而过，报纸话二点开始几准，但四点半就无所谓咯高潮。

整晚先睇到十几粒，而且并唔大粒，相就当然唔使影。

唔觉得要许愿，所以无许愿，挨住张凳坐住望住个天甘舒服就唔搞甘多也。

今日白天纯粹去玩，首先去左五华县益塘水库。

的水绿色好清，但除左游船就基本无其他项目，如果去租部船吊鱼就几有闲情。

个湖几大，船都只係游十分之一嘅范围，

船系上面划开咯波浪好柔和。

七目樟，开发左唔系好多人咯旅游区。

一开始入山手机就无信号，沿住溪流攀石头上几得意，基本上就係係石头上边爬来爬去。

可惜又唔够时间，驮逐亲戚嘅细路上到无一半。

的溪水係山上流落来，好清凉，甚至可以拣块大石头浸住脚训觉。

环境比较正，严重推荐。

8·14

今日早上我学识左揸男装么托车，并唔系甘难。

左手慢慢松离合，右手慢慢加油，经过有两位数嘅死火之后终于顺利起动到。

原来系甘稳，并唔会好似我之前担心甘好容易砸亲。

中午某位太公生日，总之就係爸爸兄弟嘅爸爸，呢的亲戚关系要从我太公讲起实在太复杂。

又系饮饮食食，不过的也唔好吃，唔好吃嘅继续唔好吃，好吃嘅未发觉。

下午去左转水中学踢波，一个係路边被山围住当围墙学校。

有湖，长咗草嘅足球场，新嘅教学楼。。。

呢到的人好多无论打咩球都唔着鞋或者就着拖鞋，一大特色。

呢间学校係，太阳落山照落来嘅光落係学校里面，时候感觉好好。

真

8·15

今日返广州，的士后尾箱给龙眼、苦瓜、鸡蛋...各种各样农产品就塞满。

我地又来河源玩，新东江水电站，构成华南地区最大咯人工湖其实就係万绿湖。

系坝上面睇的水好绿，个湖就更加超大，前日睇咯益塘水库就又小巫见大巫。

然后落发电厂房参观，可以感觉到整栋建筑系到震，

三个出水口的水涌出来係水到冲出好多泡泡。。。。

中午河源炒米粉，山猪肉，河虾，咸鸡，桂花鱼，都河源或者客家特色。

下午继续上路发现地方经济发展程度同高速公路限速有关，

五华到河源之前係80公里，河源之后就100供公里，接近广州就有120公里，

都算平安返归

中国海运集团属下的中海工业菠萝庙船厂是华南地区重要的船舶修理基地，与国际惯例接轨致力于国内外船舶的修理和改造业务，排名中国修船企业前十强。菠萝庙船厂建立于1968年，地处广州黄埔，毗邻华南最大港口黄埔港，80,000T以下船舶可直达厂区码头，交通十分便利，可承接50,000T以下的船舶坞修工程，平均坞期102小时/艘。

网上就甘介绍，我感觉总之就係修船嘅地方，而且船都系好大只果的。

係到见到嘅就係船、船、船。。。。而且好多也都好巨型，

影相的话係远处你会觉得影得的也唔够巨型，

行近咗你会发现的也根本影唔落。

      呢到係妈妈以前嘅单位，果时我细个到自己都唔记得。

听讲我有仲有段指“船”为马嘅历史，

今日我给人抓咗来画画，当然梗係参观埋，真係大开眼界。

由于太懒，都係看图说话比较好

呢到人係渺小嘅

呢种应该叫做桥吊，

呢部听讲係华南地区最大嘅桥吊，可以将30吨嘅也吊到60米范围内。

咩叫影唔落

来自唔同地方嘅船（我都唔知咩地方）

船同缆绳

锚

好似潜艇嘅物体，其实係一部救生艇

就码头都可以行好耐

呢的就係交通船，就好似机场的巴士甘将的工人搭去做也嘅船上边。

呢两座係黄埔大桥嘅桥墩，华南地区几个第一，离江面60米建成应该会好雄伟。

呢到一带都係船厂，果边应该係中国远洋嘅嘅船厂

呢个就係船坞，简单来讲就係可以将船从水到升起身

（网上查到总长199.68M、容量50000MT、举力16000MT，之前介绍嘅应该就同它有关）

来个正面

来个PP

仲有好多船为船坞服务

上咗船坞

上几层甲板先到上边

船坞里面咩都有

船坞嘅前头有几高

仲上埋船坞上面只船

船中间，黄色嘅应该係船自己嘅吊机

货仓有几深，旁边係滑开嘅舱盖

船头影落去

船上好乱，所以上来参观有人好紧张，安全帽入码头开始就一定要带。

继续乱

呢张可以睇到螺旋桨有几大，可以想象下船又可以几巨型

呢的唔鲜艳嘅颜色只係底层嘅油漆，外层仲未喷。

上面白色嘅地方原来係锌，用来降低海水同船壳钢铁嘅反应。

然后返码头画画，

期间一部拖车给桥吊从船吊落来正正摆係面前，要换地方。。。

之后仲去咗南海神庙，反而对呢到无咩兴趣。

G5两块电池都无电，无相啦。

原来南海神庙果时仲做过菠萝庙船厂嘅办公室，

妈妈就係入边做过也，果时里面只大龟就对住她办公室门口。

听讲果时里面嘅鼎只係男同事嘅尿壶，过去的人都会甘笑。

上午权教我打桌球，我几认真学，

当然白波无飞再出台，仲显示咗一两次的QQ九球区嘅牛屎。

要点係左手撑开摆台面、手指公翘起，左脚弯右脚直，

身同头都要低，下巴要掂到杆，瞄准球中心，右手只係手肘运动。。。。。

后来打到打喊路，仲传染埋他，他话我仲惨过上课。。。。

幸运楼下午茶好多人，权居然居然对电脑有兴趣。

同他讲二、八、十六进制，硬盘组成，指令系统。。。。

居然我考试嘅也都有人中意听，可惜我一开始未解释完咩係扇区已经开始声沙。。。。

听日会去菠萝庙船厂写生，我细个时候妈妈嘅单位，

果时可能太细个唔记得有果到嘅记忆。

又要扎返笔，上次已经係一年钱，

出师不利啊，担埋梯稳速写本原来就摆係书柜入面，又稳唔到黑墨水。

又可以发画上来，仲有靓过画嘅好多相。

8月活动真係丰富多彩，已经排到下个星期去西樵山，

既然无咩心机就先放松下。

连续两晚去咗吃饭，例排都有点节瓜煲、虾、烧鹅。

当然一起吃饭嘅人都係差唔多类型，

我似乎厌倦咗去吃饭，但唔跟去会係屋企挨饿，

去咗又就係唔停甘吃，吃完坐一阵，然后话走先。

例排仲有椒丝通菜、丁。。。。。点解无次点蛋黄焗羔蟹。

椒丝通菜、丁、节瓜煲、虾、烧鹅。。。。。

可能我饱得济

1、生命中最重要的一年是哪一年？为什么？
2、今生你最想最想做的一件事情是什么？
3、孩子大了，你希望他选择怎样的人生？如你一样，还是……？
4、最不喜欢去的地方是哪里？
5、最向往的生活方式是怎样的？
6、你怎样排解你烦闷的情绪？
7、你想和孩子一起摸爬滚打的玩吗？
8、老实交代：喜欢有一个梦中情人在生活中出现吗？  
9、喜欢现在从事的职业吗？
10、你的生活压力来自于哪里？
11、如果你马上要掉到水里啦，第一个念头会是什么？
12、如果你有机会成名，你打算走明星线路吗？
13、做了亏心事怎么办？
14、你要问自己安排最后一件事情的话，那会是什么呢 ？

15、你喜欢玩这个游戏吗？

呢个游戏就係令我觉得要出卖朋友嘅时候发现原来无几个人可以出卖。。。。

1，1985，我出世啊吗

2，未想到

3，希望他/她可以活泼的就得

4，无厕所，或者厕所邋遢嘅地方

5，好过依家少少，物质生活方面唔使担心就得

6，自己想下然后忘记

7，唔会

8，不再喜欢

9，不得不喜欢

10，都係因为自己

11，闭上眼

12，我有甘样嘅资本嘅话

13，心慌

14，看对重要的人还有什么未完成的事

15，开始觉得无聊啦

提问：我可唔可以唔继续玩啊？

点名：hely（我唔搞第个啦，得你话中意玩）

天色有的沉，几大风，乌云一够够甘给的风吹走，外面唔似夏天嘅感觉。

我就真係想个天落雨，甘我今晚又可以唔去中大北门。

自从大前晚发现果到有得玩平花之后，我就一直想每晚去直至放完假。

可惜我实在太懒，唔想去但係又唔想原因出係自己身上，

甘就落雨啦，就好似寻晚9点果场雨我觉得实在落得太好。

呢几日给屋企逼过返的正常少少嘅生活，要早上9点前起身实在太无趣。

唔够训有的昏昏欲睡，睇书嘅时候想训觉，训觉嘅时候想打机，

当然打机嘅时候係唔想训觉嘅。

自己想制造返早睡早起的正常少少作息时间嘅愿望与实际行动相违背。

我决定呢几日都係米睇书，放松下，如果有也搞的话。

于是刚刚就刨完卫慧嘅《我的禅》，华丽嘅外表，其实得稀疏嘅文字。

恕我文学造诣低，感觉上就好似的廉价面包店卖嘅面包，

面粉放得好少，咬落去唔见得结实，

吃咗好大个都唔见饱，只係理论上吃咗好大个。

今朝同一年级嘅表弟仲有妈妈行咗白云山，

本来係想无法唤起我对小朋友嘅好感，

可惜我后来只係觉得后日应该去玩埋西樵山好好甘玩下。