DZ

星期五、六4班去咗清远旅行

游咗小北江，两边的山好绿仲升起少少雾，下午个太阳斜射过来好正。

的江风好凉，系山边仲见到好似鹰甘嘅雀系到盘旋。

见到飞来寺，好似除咗个名好似无乜特别，船无停到就无上去睇。

然后系上咗沙滩上边踢波，已经下午比较晚，个太阳好柔和，个沙滩可能唔止20个足球场。

的沙好软，的人都除晒鞋，但跑唔起身，其实就甘坐系到都唔错，大家都玩得好高兴。

晚黑系船上吃饭，比较斋，好在有几个女仔系我果围的男生先无甘禽兽。

第日就去咗太和洞，一路上都觉得好似的感觉好熟，

上到山顶问都系5中个同学先醒起原来高三果时来过，

仲稳到果时同hely他地一齐吃也果块石头，仲记得果次我个纸杯蛋糕碌咗落去。

下午就去咗笔架山漂流，开头的人唔系好大兴趣，去到之后就好多人玩。

同同室嘅宋同学一条橡皮艇，

由于他比较大只，只艇经常入水，系的水到打咗唔少转都漂唔走。

系中间一个位仲卡住咗，最后果段入晒水仲变埋潜艇。

中间唔少得同其他同学斗泼水，

最过瘾就系装勺水兜口兜面泼落人第到，当然自己都给人甘样泼唔少，

最恶劣系冲上人第只艇抢咗人第的勺，想反人第只艇反唔到仲搞到自己跌埋落水。

大家都无晒隔膜玩得好尽兴，不过依家就真系好累。。。

星期四下午4班宿舍篮球赛，6组半场4打4。

为咗上场唔会甘丑样，之前果晚去咗热身，同人讲话就系想去睇下个篮球系乜样。

除咗经常mark返自己队友，同自己队友抢波之外，仲给自己队友上篮间接撞飞咗一镬。

我会想点解唔搞下的羽毛球，乒乓球之类比赛，偏偏拣我最弱嘅篮球。

理论同实际上我都唔应该上场，无奈每个组的队员至少都要上场8分钟。

我上场就即管mark下住对手最弱果件，不过唔会抢女仔波，甘会给全场谴责。

结果我地果队居然罗第一，“居然”系对于我来讲。

当然关键系有几个劲人系到，

有最劲嘅女生系我地组，

仲有我系到充人数。

今年已经好过上年嘅果次――起码一共入过2个波，

而最劲同最牛屎嘅就系系决赛到拍走咗一个上篮。

果时下半场最后我上场，另外一队打到好兴，好在一个比较善良嘅同学系篮底给我同他逼位。

然后有人冲过来直接跳起上篮，他应该觉得我实在无乜威胁。

然后，可惜我高过他，跳起之后只手就系甘刚刚甘好彩拍中他个波，然后就啪一声。。。。

跟住下面居然好多人喝彩，果位给我封波嘅同学也都比较无奈，

不过我当时真系有的茫然的人系咪为因为我呢样也叫，终于无给人忽略。

事后仲有几个人话我封果波好型添，即管自我陶醉下先。。。。

之后整身酸有的想散。

做咗我半日嘅操作系统作业，写同线程、进程调度相似的竞争问题伪代码。

冲凉房男女都可以用，同性可以公用，用紧果时异性唔可以进入。

冲凉房可以有EMPTY、Woman_present、Man_present 3种状态，

有woman_wants_to_enter、man_wants_to_enter、

woman_leaves、man_leaves 4个进程。

基本上混合晒哲学家就餐问题（the dining philosophers problem）,

读者－写着问题(the reader and writer problem)

同睡眠理发师问题(the sleeping barber problem)。

唔系好识唯有用返书上的C例子一到抄一的，

做到好想死，似乎仲漏咗要设有好多间冲凉房。

总之连检查、修改冲凉房门口块状态牌都会冲突，

即系你睇或者转状态之前你要先抢到块牌等其他人唔可以睇或者改，

唔系就大开眼界。。。

#define EMPTY            0       /* 冲凉房空 */

#define Woman_present      1       /* 女仔用紧冲凉房 */

#define Man_present        1       /* 男仔用紧冲凉房 */

typedef int semaphore;

semaphore br = 1                   /* 冲凉房控制权*/

int i = 0                          /* 冲紧凉嘅人数 */

int state                          /* 冲凉房状态*/

int waiting = 0                     /* 等冲凉人数 */

semaphore mutex = 1                /* 块状态牌嘅控制权 */

void woman(void)

{

       while(TRUE)

       {

              do_other_thing();

              woman_wants_to_enter();

              bathe();

              woman_leaves();

       }

}

void man(void)

{

       while(TRUE)

       {

              do_other_thinks();

              man_wants_to_enter();

              bathe();

              man_leaves();

       }

}

void woman_wants_to_enter()

{

       down(&mutex);

       if(state == EMPTY)

       {down(&br); state = Woman_present; i = i + 1;}

       else if(state == Woman_present)

       {i = i + 1;}

       else

       {waiting = waiting + 1;}

       up(&mutex);  

}

void man_wants_to_enter()

{

       down(&mutex);

       if(state == EMPTY)

       {down(&br); state = Man_present; i = i + 1;}

       else if(state == Man_present)

       {i = i + 1;}

       else

       {waiting = waiting + 1;}

       up(&mutex);  

}

void woman_leaves()

{

       down(&mutex);

       if(i > 1)

       {i = i - 1;}

       else if(i == 1)

       {state == EMPTY; i = 0; up(&br)}

       waiting = waiting - 1;

       up(&mutex);

}

void man_leaves()

{

       down(&mutex);

       if(i > 1)

       {i = i - 1;}

       else if(i == 1)

       {state == EMPTY; i = 0; up(&br)}

       waiting = waiting - 1;

       up(&mutex);

}

呢排无点关注blog，自己无点写，也无乜点睇人地嘅。

唯有关注嘅系同系blogbus下嘅hely同关小姐开blog，

hely可能都几忙都无点更新，而关小姐就更新得勤力好多，

她写得幸福到我甚至怀疑她会几快结婚。

关小姐有时会有的活动，我都几想去，但又觉得浪费时间。

希望自己放弃到呢的玩嘅时间就学得返甘多野，要想有几多又开始混乱。

星期日给人抓咗去计协面试，我本来应该拒绝又实在唔识决绝，人情世故就系甘。

面试的干事，基本上唔突出就唔会给人留意到，内向的嘅人唔识表达就执输。

虽然我再内两届策划部长都有的内向，不过起码识讲也。

选得有的头痛，其实我觉得来嘅人个个都有诚意，但偏偏人太多就要拣。

协会干事面试唔算乜，但可以见到以后稳工面试残酷同凌乱嘅影子。

原来学校的人嘅口头禅系“坚持一下囖”，

我同管课室的人讲话个课室好焗有几个窗打唔开得到甘答复，

去教学科研班调课唔成功个老师又甘答复。

当然个楼管唔会陪我地系果个设计有问题又唔经常开空调嘅课室上课，

感受下又热又乞眼训嘅感觉；

的学分同课也都唔系个老师自己嘅，其他好多混乱又可以唔关她事，

貌似唔可以怪晒她，都系我地唔购好彩或者醒目。

所以我地都系”坚持一下囖”。

自从66装咗新轮之后晚黑经常都想去内环兜圈，

点知寻晚经过体育馆工地门口滩水搞到对鞋入咗沙，最后几乎从广外着住对66行返华工。

拆轮，的螺丝居然紧到拧断咗一条钢嘅六角匙，差的以为对鞋无救。

今晚睇咗《独家试爱》，上次同人修机果时罗嘅，虽然唔应该再有时间睇电影。

部戏个个都非常顺眼，幸福的话就几童话式，的人特别系得配角讲也好贱格。

最后结果以为会系几幸福返，最后十几秒就表现咗完全唔同嘅结局寓意。

男女主角成熟然后却维持表面嘅和平比较无奈，或者现实应该好多都系甘。

今晚同时听讲有一段越洋嘅感情中断，我觉得只系的中意幻想嘅女生终于现实返的。

当我幼稚甘去揣测一段应该美丽嘅童话。

学院足球赛我地班无得晋级，其实他地已经踢得唔错。

我比较可惜他地无得踢之余，又有的高兴唔使比赛我又快的有得踢波。

下格星期班旅行有得去清远玩，

再唔成行大家可能会越来约忙，应该唔会对我的功课有太大打击。

又要交钱，对我银包又打击，的钱原来系甘难攒。

不过有得去玩都几好，可以中断下依家的混乱。

呢排就系一堆混乱，好似依家手提入面个XP甘开咗一大堆服务，

经过一大堆唔知有无解决嘅错误，反应好迟钝。

今晚仲帮人补写咗周报告，帮唔交果个写，催交错果个补写交返。

唔系PM居然担心人地的周报告，

点解偏偏甘担心会拖低IT项目管理大作业嘅成绩，其实可以唔关我事。

个组到的人更关心要用到java同数据库嘅软件工程大作业，

无晒开头雄心壮志唔单止，依家仲觉得个项目大咗的想系咪可以改。

而其他的组有的项目细到真系我一晚都编得出界面，

有的就做广州智能公交查询系统甘巨个我睇他地点死。

我地果组的人都系唔投入，

我认为会比较勤力做到野嘅2个女生都话好多也好忙偏向做文档，

我又何尝唔系睇完C#再睇返上课的书。

忽略的唔存在或者无关重要嘅人，最后可能真系搞到我一个做晒。

对于一个人做晒呢个带界面嘅火车票订票管理系统我实在好恐惧又好勤奋，

我好惊到时会做唔出来好丢假，但如果真系可以自己做晒会系对自己嘅一个肯定。

唔理甘多，基本上就系一直做落去就有结果，IT管理的要素已经缺失仲管理到的乜。

同样系IT项目大作业问题，发现C＋＋搬落C#到一齐用好似几麻烦，

唔识嘅也仲系会觉得好难，老师话我地个项目就做界面甘简单果时我都系甘答。

今晚先稍微了解的有用户界面嘅软件层次结构，

Copy咗人地上个学期最劲果组嘅航空订票系统来睇结构，

先发现作业界面原来可以做得甘型，又受刺激。

另外软件工程大作业就系网上作业递交系统，老师熟java所以鼓励用jsp做。

好在呢组除咗我之外个个都劲，唔使太多精力，样样分工之后都比较简单。

不过唔系好习惯同强势嘅人讨论，有人总系中意先发表自己嘅详细意见，

当然我都经常插嘴想打断，好在未轮到我地两个人话事，唔见得他控制到讨论方向。

呢边我嘅进度反而无IT果边甘快，不过做起身真系可以学好多eclipse，MySQL。。。

一大堆嘅课，漏低未睇的书开始控制得返，操作系统实在太恐怖唯有睇中文。

整日讲的线程、进程调度，加埋计算机网络的协议，冲突同解决。

去饭堂打饭可以联想到，两个人同时到达饭堂唯一嘅打饭窗口肯定会产生冲突，

可以通过设置临界区同标识量再排队解决。

IBM大型机的课程报唔到，只可以当旁听，不过试可以照考唔影响到时罗证。

再一次提醒我其实大学管理好混乱，自己要醒目执生，无边个会对你负责。

就系一堆混乱，毕业似乎好迫切，要系书堆里面左冲右突又要唔好搞乱方向。

上课可以乞眼训，但系要做的乜就唔可以晕。

今日上午嘅IT项目管理课受咗的刺激，搞到中午吃完中午饭仲唔顺。

4堂课都系的项目组介绍自己大作业嘅planning同requirment。

我地组都有上去讲，我给人分配咗做技术顾问，“高级”呢2个字就米加上去给人笑。

个火车订票系统给人质疑用返上学期航空管理系统做底层，

就话我地个项目主要面向项目管理同用C#做界面，

由于未熟悉C#同界面连接方法，所以结构、分工、仲有同太具体嘅完成时间可以话难以回答。

最后技术问题都兜得ok，而且事实上都系差唔多甘。

3班最后一组原来系最劲，确切来讲就系入边有个最劲嘅人。

某个肥仔以前并唔引起人注意，点知呢次终于晒冷，

听落感觉就好似武侠小说入面的高手已经天人结合，

或者攻壳机动队入面甘讲“思想已经达到神嘅境界”。

首先系他地组一个女生介绍，然后就开始他讲，可以话开始控制晒个科室嘅气氛。

他先回应话关于之前一组做嘅公交车查询系统最优路径他大一已经做过，

然后落来更夸张就话用乜编程软件唔紧要，关键系技术，他上学期航空管理系统他作业布置之后3日就做完咗，直指我地个项目重点摆系新编程软件做界面而唔系关心底层结构到。

跟住他唔用米直接企系幻灯幕前面介绍他个系统结构，他讲得好有自行似个老总系到开会。

指出埋我地呢的项目组系用瀑布式开发，

而他果个系极限式，之前已经有做好咗基础，呢次系第三次开发得出新产品。

总之就话呢的各样嘅技术他已经之前掌握同试过晒。

然后就似颁奖典礼，多谢的指导嘅老师、组员之类，

同他的组员道歉话有时对他地的意见作回击，实质就系话自己太强难沟通。

最后仲抛出话觉得项目个人更重要，

话个人能力唔同（即系差异太大）会降低项目效率同破坏代码纯洁度。

之后个班静晒，我想在场包括我在内起码有半数人呆咗或者条气好唔顺。

我真系系大学未试过见有学生甘影响到整个课堂气氛。

跟住4班应该好多人唔顺，想最犀利果位罗同学提问反击。。

不过最终系另一个4班同学质疑他最后嘅观点对个人发展开影响，

最后都系老师出来话每个人心入边有数打完场。

不过对于甘样一个我觉得算牛人嘅人，真系无也好讲。

事后问咗他的为人，觉得我地4班唔顺好大程度唔系因为人地肥仔串，

而系自己太弱，终于给人激返起的少少自尊，觉得自己无面。

不过就算系人地串，我地又可以点呢。

而的人有的呆就应该因为我地唔觉得会有的甘嘅人存在系我地身边。

我也都惊讶3班居然有的甘嘅人，就经常一齐上课嘅隔离里班，

同一个唔起眼嘅人居然水平差甘远。

或者呢次睇得有的片面，但的确系有的震撼。。。。

06十一

今日返乡下拜山，反正黄金周乜节目都会有。

系烧给公公嘅野入面有亿万元级嘅“银纸”，又要分别写名。

仲有nokia嘅手机，拿national嘅电视，的进口品牌真系边到都出名。

虽然每年的人都返得几齐下，不过拜山其实已经流于形式，系甘意拜下，烧纸，再烧下炮仗。

一层层嘅纸烧起的灰漂返落个阴城到，好似电影里面嘅镜头，不过呢到唔可以影相。

拜完山之后当然就要一齐吃中午饭，呢到最好嘅当然系的本地鸡同猪肉。

然后就系走亲戚，无聊嘅我同表弟就抢咗一部亲戚嘅女装摩托田间驰越。

再后来就返屋企，当然又唔少农村嘅鸡、米。。。。

06十二

今日下午帮kel装咗电脑，为咗质量同无甘麻烦去咗太平洋号称十年老店。

本来做足工科，可惜卖电脑果个的人的确几奸，

划咗减咗配置无减价，话平又无写上去后来就唔算数。

真系道高一尺魔高一丈，最后搞到唔系好高兴，

虽然系面前话无得赚，其实她应该赚咗唔少，唔怪得她，呢行饭係甘。

不过再叫我装机就免，呢几日我连打开pconline都觉得恶心。

晚黑四人小组聚会，同多小白、阿sa去咗芳村酒吧街，7点几乜都未开。

后来行咗起码2公里（问路话行10分钟）去咗一个芳村几出名嘅食街，好在我仲未饿晕。

06十三

今日同关小姐去咗华工本部，好大嘅一个原因就系连我都未认真行过本部。

发现西湖尽头原来唔係华工嘅，发现咗西区饭堂，

仲有系我地面前路过感概几时先沟到女嘅两个失败嘅师兄。。。

华工原来有附中添，一路行到校巴倒数第二个站，未知行晒未就累到要走。

晚黑叫埋颉一齐吃日本料理，好正嘅寿司、鳗鱼饭、叉烧面同猪肉卷，

仲叫咗日本清酒，不过觉得同米酒差唔多。

吃完又去挑战南梦宫个time crisis 4，可能太多人玩过，难咗好多，网上话原来调成咗hard。。。

晚黑3个人逛完中华广场，再同颉逛东川名店城，

睇中咗个nike新出可以装手提嘅挎包，可惜成300蚊，思想斗争中。。。。

06十四

中午返学校睇书，係屋企临走之前突然想唔知自己返去做咩，係米真係有必要返去。

结果真系一个下午都无点睇书，不过肯定好过系屋企对住书同电脑发呆。

06十五

浪费咗一个上午上网，晚黑开始认真睇书。

我想呢次最大收获唔系睇咗好多书，而系终于发现原来仲有好多书未睇。。。

06十六

继续睇书，发现的书睇唔晒，唯有尽量，英文并唔难过中文，除咗进度慢的之外。

中秋啦，妈妈专登整咗我好想吃嘅蟹，好大只果的，太好味。

晚黑同屋企人係阳台吃月饼，饮茶，睇月光。。。

偶然觉得的纸灯笼好得得意，有的想收购的纸灯笼挂响宿舍外面。

想起曾经一年中秋係海印桥上边望到江面上好大个月光，

系地平线上边而且大到高过的楼，好大好大，唔知系咪一个美好嘅幻觉。。

又来写周报告，发觉自己好大程度上系唔想写，

可能系因为要认真学软件，人都开始变得更加郁闷。

星期二数学建模课实在无气氛，的人好大声讲野，终于老师话用返中文讲课。

下边唔知有几多人欢呼，总之足够大声，貌似系学生胜利。

虽然我唔介意他用的无鼻音嘅英文照读ppt（我唔识果的他读错我都唔知），

我仲系觉得大家都唔容易，但系好似个个都觉得有的大快人心。

星期二仲开始发现系上课之前先睇书同做作业，学习进度同台面一样有的混乱。

由于想住放假，好多书都无即刻睇，整个星期得闲就刨SQL server 2000，

学到TRAN SQL语句终于有些少成就感，

为咗装企业版仲专登系手提到装多个win 2003 server，简单而且启动得快。

星期四决定IT项目管理嘅大作业用C#做，

书上话系java同C＋＋嘅灵活性、类似VB嘅用户界面，讲甘多只要做得出界面就得。

同时一个比较高兴嘅事就系，软件工程大作业全班最强果组居然稳我加入。

考虑之后入咗，不过好似有的飞起咗同室嘅平同明有的唔好意思，机会面前无办法。

呢个作业上交系统可能会用ASP.NET，唔识米学囖。。

Cobol语言同大型机都报咗名，绝对系为咗4科过晒罗个证。

不过好似衡师兄甘讲，有乜学好唔使时间呢，分多份时间囖。

同时要纠正，从下载课件看到原来华中科技大学同样有2部大型机。

仲有的琐碎嘅事，

呢个星期有2次课带错书，软件工程带咗IT项目管理，IT项目管理就带咗编译原理。

于是软件工程上课打手机嘅泡泡龙，给老师点名添，结果删晒手机里面全部游戏。

呢个星期，我地室一个大嘅五仁月饼吃咗一个星期，

同时经过我地室2次抽样发现广州酒家单黄白莲蓉州字对落果1/4下边个黄系最大嘅。

星期三晚黑明居然借咗顶草帽返来搞全室自拍，

至于内容我可以讲流咗出去我地室会好出名，至于系边方面就。。。。。