DZ

呢个星期终于返咗屋企，久违咗1个月终于熟悉返屋企嘅感觉。

觉得爸爸好似又老咗，妈妈煮菜熟悉嘅油烟味好熟悉，

房间好似变细咗，其实应该系觉得自己要大个。

相比之前貌似好忙实际上好混乱甘留系学校仲系返屋企好。

终于知道点解话大学似象牙塔，睇返报纸先知道自己错过咗星期四一场好睇嘅烟花。

学校去地铁站嘅人行道已经铺好咗，唔返屋企嘅话就真系唔知，

有的也就学校系唔会学到同知道嘅，返多的屋企都好。

从教学楼行返宿舍，落咗一日雨，个天终于清返，而且一切都好清晰，

远处的云有的白，总之抬头望一切都可以用干净来形容。

今晚去咗广告欣赏选修，撞到同班某女生居然话个老师堂堂都点名，而且仲见到仲有听课卡。

等我担心到落课，都仲系要稳老师，

老师似乎见惯我呢的给学院选修分标准搞到晕晒嘅学生，居然我话今日先来上课都仲可以考试。

事实证明事情好多时都唔系我估计甘坏，而且我仲有的运气。

果位女生一样好似我甘报多咗2科选修，不过人地都上晒。

她更加醒目“那既然报了就来上拿学分囖，拿多点，说不定学院的学分标准以后又会变”。

选修课嘅担忧终于可以摆低，面前各种各样嘅混乱终于又清晰咗一的。

我好多次强调大学里面自己要醒目，因为无人教你做咩，唔系就会吃亏。

事实证明我仲系唔够醒目，仲有的自作聪明，吃亏吃到应晒。

上次IBM专业选修选唔到，多得晒我地学院原来讲得唔唔清唔楚嘅选修学分要求。

人地教学科研办老师话个标准一直都挂系教学系统到我地自己无down来睇，

我果时先知道原来教学科研办系大过学院，以后学院或者的老师讲的也都唔好信到十足十。

学院同的老师乱讲也可以唔负责任，受害者最后都系我地学生，

教学科研办或者学校果边也唔会因为学院或者老师出错来帮你搞返掂的也。

咪以为自己好醒目，以为自己好聪明，或者你自己吃紧亏都仲未知。

当我上个学期以为选到2科选修以为自己呢次可以早过其他人上晒选修嘅时候，

其实的学分已经够咗，之前个所谓嘅标准又改咗，不过无人讲我听，我也都唔知要问。

呢个学期我先知原来呢2堂选修多余，点知除咗搞到IBM选唔到呢次又来新嘅教训。

我以为呢2科选修我无时间就唔上，想住无人上课的老师就会自动除名，

点知上个星期偶然提起先有人同讲甘样会计0分，orz。。。。

真系自作聪明，话晒都重点大学点会放过我浪费教学资源呢，的选修课点会可以给我选咗唔上又唔退呢。

成大半个学期肯定退唔到课，好在上星期四去纳米果个选修课个老师超好人，

居然话之前3次变相点名嘅堂上作业无交无所谓，只要呢次登返个名就ok。

虽然我唔多听得明他的好唔标准嘅普通话，但话登名呢句就好清楚。。。

听晚仲有广告欣赏选修要第一次去，如果老师系派卡仲记名果种我就死得，祈祷。。。

仲未完，今晚我继续自己搞返自己，

上个星期话咗今晚收一寸相，寻晚无通知，偏偏今晚成7点先通知，

我5点半已经去咗图书馆想住可以睇书睇到10点，搞到8点半又要冲返宿舍想住罗相底去晒。

虽然最后发现以前刚刚好仲有一张留低，但系已经搞到我无晒心情睇书。

我真系想赖人点解成7点先通知，但系点解上个星期我又唔留意呢。。。。

真系好无奈，好似自己整蛊自己，自己含自己于不义甘。

仲系要醒目的，主动的，唔好自作聪明，唔系又等住吃亏。

星期日妈妈同婆婆过咗来，罗咗好多水果零食，我要求嘅LCD，

唔少得妈妈亲手整嘅饭餸，唔可以漏仲有爸爸要我锻炼同注意学习方法嘅口信。

来到婆婆坚持将个液晶从地铁站罗到饭堂，我想抢来罗都唔得，

老人家系甘坚持，其实应该我去睇她至系，点会连呢的时间都无呢。

妈妈专门带咗汤仲有鸭同兔肶，吃咗中午同玩黑先吃得完。

我唔系好中意屋企罗也来，不过我想除咗罗也来，妈妈同婆婆都系想来睇下我。

所以都系唔可以点拒绝，或者只可以唔好隔甘耐返屋企。

系饭堂，我一边吃饭一边同她地倾计，肯定会问我读书系咪甘忙。

然后话读高三嘅表弟唔多生性，最后又讲我毕业点。

我坚持话出去做也，唔读研究生，

与其勉强出去留学嘅话我宁愿屋企买返套舒服的嘅房好过。

似乎毕业一下子又近咗好多，好多也未到已经摆系面前，

我是在唔可以再系做作业果时发下呆或者浪费时间。。。。

今日早上有计算机网络实验课，系网线制作。

虽然第一次做，但按照实验文档做一次就压ok咗，

有的人就检查果时发现有线调转咗或者过分的就得一半灯着。。。

TIA/EIA 568B标准嘅线对顺序已经背得出：白橙、橙、白绿、蓝、白蓝、绿、白褐、褐。

最后同老师讲话条网线好短下次其他人做唔方便，结果罗咗自己做果条返来留念。

虽然条网线得30厘米到基本无乜用，但系自己亲手做咗出来就少有成就感。

上个星期有星期日到星期4早上未有一日系2点前训教，有时仲成3点先瞓到落床。

的作业海啸甘涌埋来，不过原因好大程度都系之前无勤力有的松。

好多也都好想拖，拖到逼住要交先搏命做，最简单就系连写blog都拖。

好多也都好想写，但拖到依家又唔记得有乜好写，知道仲有好多时间可以而且要抓紧。

某个晚黑遇到师兄系msm，师兄要我按计划做就得，而且话技术方面问题都可以去问他，实在太好。

我最需要但又最惊写嘅就系计划，依家都无乜，惊写咗做唔出，甚至唔知边到写起。

跟住呢个星期继续各样也都海啸甘涌埋来，都系逐样逐样执返掂先得。

图书馆可以无线上网，留系宿舍嘅最后借口都无埋啦，只要坚持每晚去就唔会给机会自己懒。

我唔算好聪明，但我相信我可以顽强的甘对待所有事情。

整日都系想住读书就无错，之前有的松同有的混乱都系因为未够勤力。

始终要还嘅，的作业拖住唔做，或者依家啊好求其甘应付。

快的搞掂手上嘅也然后再做下一件事，如果好似CPU甘多程序分时运行几好。

11月11是光棍节，很被动的过节。

虽然我觉得单身并不好，但我觉得没必要强调单身呢种状态。

有一点无奈，有时间的时候很多不明白，没争取也抓不住，

现在似乎明白了很多，不过没时间了，于是我21年都是要过节。

以后就不清楚了，新闻好像说北京IT从业人员有70%都要过节，

希望我以后不要在北京打工。。。

也没什么特别，早上8个男生去了中心湖区打Wargame，下午上了很久网，

然后晚上又4个男生喝酒，也只是为了拍搞笑视频。

宿舍应该有2个人不用过节了，一个情况应该只是不说不想让人知道而已，

而另一个就最近才陷入漩涡，不过一开始导致的努力读书还算是积极的。

我现在最怕的不是单身，而是以后，起码要找到找老婆的钱，现在单身又算什么。

我喝酒之前决定这是最后一次喝酒陪他们颠，

喝得有点醉的确有点过瘾，但他们以后又会颠到什么出来吗，还是要自己努力。

其实根本就没是什么节日，酒不醉人人自醉而已，一个不值得我庆祝的节日。

呢个星期不得不提IT项目管理大作业，

首先星期一我提醒咗果位女生PM叫项目小组开会，

想她谴责下果2位我认为唔做也嘅男生。

结果1个无来（后来知道他的确有事，而且交咗功课），

另一个问他进度，他话他识果的我都识，

结果PM原来问他进度就变咗来问我技术。

我都唔系PM，好似仲紧张，睇来我好中意系下面指手画脚。

之后PM同我讲话压力大，想将PM“让”给我做，似乎有的必然。

她话要写好多文档、难同的男生沟通（指他地做也），

要尽量稳时间做到数据库嘅连接出来。。。

她讲果的都系真嘅，可能仲差咗句主要原因系我整日指手画脚。

我也都无得点推辞，不过引致我恐慌，已经第9周，我实在好惊到时做唔出来。

她也唔可以保证好似原来甘讲万一项目失败就用钱稳识果的研究生解决。

然后整个星期晚黑我都给C#同SQL占领晒，

我实在有的亢奋同恐惧，想一个人搞掂又想的人可以帮到手。

事实都并唔系甘坏，稳咗果2个男生倾，一个话时间够就可以，

一个态度积极转变到我出奇，甘我尽管乐观返的先。

寻晚隔离再隔离宿舍某同学过来宿舍闲荡，来玩我地室系宿舍篮球赛赢返来果个迷你篮球。

1个去咗自习，2个去咗打波得返我1个人系宿舍睇书，

我问他点解唔同去其他人打波，

他话他以后都唔会同我地自己班的人打，上次宿舍篮球赛之后。

唔记得咗讲，他就系果次宿舍篮球赛给我拍走个波果位同学。

讲起我封他果波，他话其实他果次上篮系后面给人拉返落来，

我就真系唔知有呢回事，原来并唔系我跳得高或者牛屎刚刚拍中他个波，

不过呢个事实我都仲可以接收。

他仲话果场波打到他觉得好似给人出卖甘，睇落去好似他地队打得好狼死，

而事实上系我地队的人打得好狼死，其实系他地有实力但系就无人支持。

由于技术问题我当时真系睇唔出，

但想返起当时决赛的确好似他甘讲，我地队入波就皆大欢喜，他地入波就无乜声气。

总之就好似锄强扶弱甘，我地队有我的甘嘅人系到好似好弱甘。

我想呢的系咪就系弱者心态，或者严重的讲可能系4班特色，

包括上次给3班技术貌似几劲嘅肥仔系IT项目管理课到嘅“演讲”刺激到，

好大程度上都系因为弱嘅问题。

当然唔止呢的，不经意就会给人刺激到，或者刺激到人。