DZ
-
原来编程都可以自作多情
2007-04-29
呢个星期都好晚训，最晚成3点几先落床。
貌似好简单嘅野想做左先训，结果系做唔出然后眼训到停止思考先无奈上床。
最受刺激就系自己认为唔系好难但又搞左好耐嘅野，人第好快就做好。
分布式用C＃做嘅作业，好“聪明”甘专门写左个日期转换函数，
结果最后运行发现1年里面第365日出错，仲唔知点错。。。
最受打击就系中午通同学吃饭嘅时候，人第话系统有个函数有呢个功能根本唔使自己编。
再引用某同学嘅话“MSDN都系一个门槛”，甘我应该系已经系门槛到趴低左再爬入去。。。
-
继续遗憾，然而仲未准备好
2007-04-26
上星期嘅实习面试，人品问题、技术问题、能力问题。。。一个都无收到面试通知。
然后听日又有友邦大型机同cobol嘅面试，要当场笔试过左之后先可以面试。
感觉上系未准备好，之前一直认为大型机系华工嘅优势应该学好，但只系一直想住学好而已。
到底系今晚唔训搏命复听日去面试定学好的现年先去呢，同人讲“考虑紧”，其实系不知所措多。
自己都知道如果听日去出丑多，而唔去嘅话也唔见得会出力学返好大型机嘅野。
对自己好无奈中。。。。
-
今日王玥来左大学城
2007-04-25
虽然约好左，早上王玥打来果阵仲系床到，仲落紧几大雨。。。有的怀疑点解约今日。
系地铁站接到挑染左红色头发嘅王玥，无点变喔，然后就直奔广大。
同颉仲有广大一班嘅高中同学一齐吃左中午饭，当然唔少得吹左唔少水。
由于为左环境，间店的菜有的贵，似乎大家未吃饱。。。当吃饭唔系主要啦。
下午其他人都要上课，小白逃课、小蜜无课，首先参观小白宿舍，无太多野摆放所以好整齐。
然后去左环境ok嘅广大图书馆嘅咖啡厅，又吹左2个钟水。。
然后终于去左广大正门嘅草坪，我都好像去嘅地方，可惜落完雨草地好湿唔可以坐低。
终于搭车返来睇华工，首先参观我宿舍，我有2部电脑吓亲人，又给人赞系“比较干净"嘅男生宿舍。
例牌跟住去参观见大唔见用嘅图书馆，工科学校图书馆给人感觉系都唔同的。。。小白话唔知点甘。。
出图书馆行去正门，正门嘅草坪对小蜜好吸引以致她想揾个华工嘅男朋友。
系教学区兜左个圈翻返2饭，宵夜实在睇唔上眼，都系尽地主之宜请大家吃蒸通。
吃饭果时王玥话好开心，睇来我安排唔算太烂。
吃完饭4个人就开始八卦高中的感情事，发现原来有甘多野可以八卦。。。。。
8点半大家带住八卦的余兴各自打道回府啦，王玥同学应该都觉得玩得开心。。。比较好。
-
实习面试
2007-04-20
寻日下午学院组织左实习面试，抱住唔得就当去见识下嘅心情去左（能力唔够就唔可以太care）。。
整个中午学校周边打印嘅地方几乎都系计算机学院等住打简历嘅学生。
我就系其中一个，下午2点开始面试，中午1点半先打完简历，当然仲有好多人打紧。
返到宿舍吃左个包就出门，仲想紧自我介绍内容要点讲，点应付各种各样或者骑呢嘅问题。。
最后都系简单的着左件斯文嘅格仔衫同牛仔裤去，之前有烦过要唔要衬衫西裤正式的，
居然见到有人着住套白色西装着到好似去结婚甘。。。。
由于要加埋计算机嘅大三，去到有成4、5百人争18个公司，到处都排队，好鬼热闹。
兜左个圈先，要java果的唔识唔使去，基本上有C++果的先去，再或者就考虑下的看重能力技术无甘重要果的公司。
面嘅第一间系间东莞公司，1个人登记1个人面试，10米条队排左有1个半钟先到。
“我的名字是DZ，来自华工计算机学院软件工程专业。我对你们的XX职位比较甘兴趣，我熟悉C++，C#，SQL SERVER，“了解”JAVA跟JSF。。。＋2个项目＋两个协会嘅社会工作经验＋自我评价”，
排队嘅时候终于想好自我介绍，同埋面无表情甘背左n次想背熟的。。。
终于到我，面试个哥哥睇来唔大得我几多，做过C＃项目同PM仲有计协似乎都使他对我有兴趣。
自我介绍其实简历都有无点用上，答问题都无点紧张，
他最后系我张简历上面写左“C＃”落去，一边写仲一边话这个方向不错。
睇来都ok喔，不过个个都系甘写个技术方向落去咖啦。。
已经过左4点，时间无多要确定间想去嘅公司，话唔定唔够时间就系最后一间。
于是就去左排京华，阿平都来左一齐排，唔使一个人甘闷，
他话他之前排队面果的公司都唔多问技术问题，呢个真系个好消息。。。
似乎的面试嘅人开始知道时间唔够，条队都快左，轮到我有个面试官走左，得返2件；
自我介绍，然后又系问的项目负责做的咩，呢次有的紧张，个面试官望我居然避他嘅眼光。。
他问我四级几时过我居然诚实甘同他讲考左第二次先过，有的蠢。。。。
他然后问我队软件工程理解，
我话系面向应用，不过要睇好多书，动手能力时间会少的，但动手体现左书的内容。
答得有的乱，居然的甘嘅问题，我依家系觉得答得好差，
唔知系米因为答得差个面试官居然想左阵好似唔知有咩问甘，然后给我提问。
我问他企业文化点，他话可以有好多方面发展，
我问甘系米即系技术唔一定要甘注重，我又觉得自己蠢左，好似话紧给他听唔好注重我技术。。。。
讲完，起身果时简历袋里面的回形针跌左好多落地，想紧执唔执嘅时候。。
可能我有的前倾人第以为我想握手伸手过来，即刻伸手去握有的手忙脚乱。
最后决定扮返正常甘行开当的回形针唔系我跌嘅，有成几十粒要执有排出丑，睇唔到，睇唔到。。。
走都走唔切，连人第有无写野落自己份简历到，简历摆左去边都唔知。。。。
然后排腾信，时间差唔多关系最后变左收简历，的人即刻涌晒上去。
然后在排其他公司基本上都系匆匆问左几句然后收左简历。
一共投左6份简历之后终于收工，排队排到脚都累晒，
比较后悔无面试到友邦投资（AIG啊），无时间又听讲系英文面试惊无去到，
后来先知原来面试一半英文一半中文，而且一个貌似英文都差唔多嘅女同学都可以去笔试。。
比较骑呢就系广东数据中心今次招5到8月项目文档管理，本来住广州几有机会去，
但同面试个人倾知道无得学开发之后罗返份简历无留给人，搞到人第都有的愕然。。。
最后感想梗系要学多的野，英文啦，JAVA啦。。。
仲有就系发现自己原来唔系咩都唔识，其实其他人好多都系甘上下做过来，
连我华工都唔识甘多野甘其他学校的人点算呢（我尽管甘样来自我安慰一下）。。。
-
今日我生日啦，仲係大男生
2007-04-15
-
几时先大个?
2007-04-14
太快太快, 我以为你今年21岁先, 原来果个唔系你. DZ同学生日快乐啊.
快嘀生翻个细路玩下啦. 我娘亲24岁就生我喇, 你要努力啊! 唔好放手机落裤袋啊, 影相下一代啊. 尽管最新研究话对大脑冇影响姐, 边个知道对下边个大脑有冇影响嘎.
呢个细路3岁. 你娘亲话唔定可以将你三岁时候的野讲两日出离. 你话几快. 如果距讲中文讲得流利嘀, 叫我地叔叔都冇咩问题.
话唔定19年后距有一张类似的
PS 你个新模板好黑人憎, 我删左个resize picture的function
-
呢个blog的主人大个仔未啊？ - [荒腔走调]
2007-04-14
-
我仲系细路仔。。。
2007-04-09
今晚留系屋企想住可以训多晚舒服觉，
点知晚饭之后就同屋企人顶嘴，搞到气氛又唔好。
下个星期又生日都仲系甘，真系另自己同屋企人都失望。
原来摆系兴到不满嘅野始终都系会表露出来，但点解自己想法唔积极的呢。。。
-
得闲紧，开始惊忙
2007-04-08
大学城新东方嘅六级班系我上个星期仲犹豫紧嘅时候已经报满左。
似乎要返来上，虽然学校就系屋企隔离，但星期六日都上半日好痛苦也都好浪费时间。
发现好多事犹豫得耐咩都唔做就肯定会执输。
从呢个星期日下午开始都要同某有亲戚关系嘅初三男生义务补习，
我相信明年他阿妈封利是会好大嘅，不过好遥远。
听讲学校呢个学期为左搞大运会要提前考试，暂时知道DB2已经提前到5月13号。。。
好多野又开始涌埋来，
发现自己有时对的事嘅过程同结果过分但心，未做就惊住先，但事实上通常都做得好嘅。
OK。。。上面果的已经唔系问题啦
-
上个星期五去左美院本部
2007-04-06
如题，接左读美院新媒介way嘅视频项目去演示给她的教授睇。
她系以前画画嘅同学，寒假之前接她嘅项目。
其实就系想模仿playmotion做嘅野，当然她想得好远，包括商业化。
开头我咩都唔识叫她揾埋广大的人来做，到依家得我做主力，我甚至觉得有小小逼左的人出去。
事实上证明我仲系有的侵略性嘅，本来开头话睇人做到依家做晒大部分。
搞到广大的人嘅程序唔系好受认同，人第义务劳动做得多也都无兴趣啦，我系米有的自己揾来衰呢。
当然期间发现左好多得意嘅事，
原来广大存在住一的睇上去同自以为好劲嘅人，当你唔识就揾你笨，我真相先睇下呢的人点入到MS。
仲学艺术的人思维同学理科嘅人差好远，沟通系好有问题嘅。
ok，讲返演示，去到美院终于见到教授原来系个40岁到嘅女老师，
人第做得教授居然识讲日文，同一班学生仲有一个日本来嘅老师交流紧。
我地就系旁边准备，发现他地唔用英文交流好大程度系呢班学生英文太烂，而日本人果的又唔准。。。
他地语言上交流完就开始互相播的艺术作品，当然好多都同新媒介有关。
至于新媒介系咩我都唔多清楚，总之就加多好技术元素入去，而我系到嘅原因就系因为他地无技术。
我间中睇下的作品有的庆幸自己好在唔搞美术，悟性低睇唔明的作品想表现的咩。
似乎日本人做的新媒介作品会用的现成工具唔系好似我地甘甘多编程。
终于轮到我地演示，有几个down落来嘅视频互动flash，way就话系模仿做嘅。
我唔识讲大话，也都答唔到人第问点做嘅技术问题，所以的flash变左系其他人做。。。。
然后再加埋我改编OpenCV例子嘅程序同flash结合效果都唔错（艺术上）。
在场的人都觉得好好玩，日本人仲录低埋，我唔知他睇唔睇得出得flash系现成嘅。
不过我想他知都唔会当场讲，最多他返去讲我地就丢假啦。。
无奈系正如way所讲，个教授唔会理解开发需要时间同过程，所以点都要罗的也吸引住她先。。。
结果系，似乎way嘅教授都睇好呢个项目，我也似乎已经揽左上身要继续做落去。
初定目标系11月北京嘅展览，希望可以好似师兄甘讲可以同以后揾工加反返的分。