DZ

依家系星期一早上，一阵上软件体系结构肯定要补睡，成为一大半趴系台面训觉嘅人之中嘅一件。

星期日真系好忙，早上5点终于基本搞好大作业嘅类同方法设计，而且代码同注释都写差唔多写晒。

然后7点半起身准备中大嘅实习招聘会，12点几返到学校吃左个包就去做烦人嘅体能测试。

中午2点半，5项体能测试做左3项，个踏步就排左我1个钟队，剩返果的叫人搞掂。

3点顶住大风大雨去新东方，9点多的落课然后就计协通宵唱K。

总之到依家为止，我训嘅时间加埋无3个钟，两只眼想跌落来。

大作业暂时可以放低起码3日，可以补返上个星期的课。。。

中大实习面试就听到呢个说法，华工软件全国倒数第三，中大倒数第一，但系广东省就华工软件排第一。。。。

甘想仲系比较有竞争力，只系招聘会对口嘅实习职位唔多，见左3家有一家以为技术唔对口给人退返简历。

计协换届唱K就比较难推托，玩起身都好难训到无办法。

so我依家好眼训。。。。

呢几日都唔多正常，每日好晚训，白天好晚起身。

起身之后跟住就开始做.net大作业，不过通常写下写就唔知点写，然后唔知去左做咩。

我负责个航空订票系统嘅类设计部分，“我就系唔识先做呢样”，做嘅原因正如我唔识嘅时候会同其他人讲甘。

因为仲唔识建模，所以设计函数接口做到好烦，经常系宿舍走廊徘徊发呆。

事实证明左好多野你想兜过去逃避距付出嘅代价会更加多。

而每日猛做其实系想快的做完，但一个项目凝其实无可能系几日之内有成果，

几日之后仍然有新嘅野做，但仲要同时兼顾做埋其他事先得。

我需要一个好嘅分时系统，

可惜人唔系电脑，唔可以整日兜甘有效率，抢占式轮转算法唔错。。。。

星期六日要上新东方起身好痛苦，虽然老师的笑话几好笑，但始终都觉得个班好压抑，又觉得好浪费时间。

最近口头上好忙，其实好混乱，越觉得应该忙反而越浪费时间，可能系越知道自己浪费左的时间。

新东方老师们有句名句“如果你今天不难受，那以后就会有很多人让你很难受”。

依家我无论闲定忙都好难受，因为好多野等紧我做。

今晚先邱同学话有中移实习，如果入到中移就会唔考研，我话他考虑得唔够，仲有三心两意未必可以做好任何一件事。

而事实上我都三心两意紧，way同学嘅互动工作室似乎开始进入实质阶段。

我好佩服她一个女仔可以搞到的甘嘅野出来，她的“勇敢”就系我缺少嘅，我总系会考虑好多野。

但其实我对呢个工作室嘅计划仲系犹豫紧，似乎唔系我以后需要做嘅野，但我又不断投入紧。

或者系短期利益面前我地实在无法抗拒，或者我地根本掌握唔到自己嘅未来所以好想只先行好下一步。

我想得太多野，我觉得自己同好多嘅同学一样已经给社会抛弃左，同时又系给我地自己抛弃先。

实习已经讲明左好多，等到毕业先知道给社会抛弃只系时间问题，有的实习我地甚至唔敢投简历。

我好需要嘅系思考，唔系忙，我可以承受呢一的痛苦，但以后唔可以无任何结果。

好需要调整。

今晚逼上可以容量翻倍体积不变嘅381返学校，终于忙完一轮。

星期六68分过左DB2 700认证，今日下午就搞掂埋应该会及格嘅大型机DB2。

考完仲要赶新东方，好在的老师仲识讲的笑话唔算太难挨。

51返来之后就搏命复呢2样，显然51系无可能复到的咩，所以好被动。

连续几日都无点训得好，寻晚就居然连通宵嘅精神都无。。

坐2线去本部考DB2 700嘅时候问过自己到底想做咩，

到底甘赶呢样赶果样系好勤力定好懒，依家答到自己系－－懒勤力。

跟住落来大嘅目标系.net分布式同数据库合埋嘅嘅大作业（又订机票），仲有六级。

而下星期又要交测试大作业，体系结构又好似有作业。。。

可以松返的。。。。挂

放假嘅时候终于好明白甘同屋企讲话唔会完全接受他地讲嘅话。

其实之前已经有讲过话只要经济独立就唔会听晒他地讲嘅话，

不过呢次他地认为我已经全盘否定晒他地嘅价值观，而且仲比较恐慌同无奈。。。

我仲好明确甘讲如果我要做嘅野，他地阻止嘅话只会令他地无法控制我做嘅事。

或者我嘅做法欠缺温和同思考，但似乎又必然。

今年越来越觉得受制于屋企嘅经济来源要妥协好多野，但又好无奈自己暂时仲未有办法。

我想同屋企讲嘅意思系自己想过认为对嘅野先去做，

其实呢样野我早就应该甘去做，也都唔使提出来，自己做唔到也都系一个原因。

反正依家连系屋企好夜训都系得到“建议”而唔系命令去训啦。

无论如何，好快就要自己出去揾食，

就好似系巢到拍紧翼嘅雀仔，点都会跳出去，

不过要么飞起身，要么跌落去。。。