DZ

考试之前总会发生各种古怪嘅事，

继大前日早上系宿舍给系门外嘅爸爸叫醒之后，寻日发生左的更加恶劣嘅事。

早上10点几，整个宿舍仲训紧，然后某人同学手机传来：“要上课啊，老师要‘咩’啊”。。。

然后呢个“咩”给我地全室理解为点名，霎时间4个人都从床到弹起身，牙都无刷就着左衫跑去教学楼。

就快到教学楼居然见到隔离班同学。。。。

原来已经落左课。。。。。。。

原来无点名。。。。。。。。。。。。

继续去教学楼揾果件话老师要“咩”嘅人出来，主观上比较想打他。。

结果得到如下解释：“我话老师咩咋吗，无话咩喔”。。。。。。。。。。。

因为呢个“咩”实在好眼训头痛。

例外一件事系我想问候下做测试大作业嘅同学，系悲哀完我自己嘅技术与能力之后，我实在唔妥他地。

老师居然布置要用到钩子做嘅大作业，实在用心良苦，

我想我做得好之后可以写几个木马去为杀毒软件行业做的贡献。 

另外两组做差唔多题目嘅就指望我地组做出来，而我地组就指望我做出来，貌似就只有我比较紧张。

ok，只要你紧张，其他人就唔使甘紧张，果2组就都系一组得1件做，仲要依家先先来睇之前给他地的资料。

当然，他地过来问我进展嘅时候听到无进展会好紧张。

然后自己果组，有2件已经唔可以指望，除非到时做唔到嘅话可以一齐出钱买。

而仲有件我要求他帮手得到答案“甘我真系唔识做啊吗”。。。唔通我天生识做。。。。我识做就唔使烦你啦。

我话我要要连考3科要复习，他话他都要，居然给人话“你甘计较呢的野咖”，我真系晕。

我真系好想到时做唔出3个组一镬熟，但我实在唔想挂专业课。

所以我只可以系心入面深深甘问候呢班人，同时为自己能力默哀。。。

呢排作息时间混乱，睇来人都会哀怨的。。

一般甘早呢个时候我仲会系床到，

寻晚好图形学好简单嘅大作业居然做到4点，居然依家就醒左真系一个奇迹。。。

今日早上系床上居然听到爸爸叫我个名，系好有条件发射咖。。。。

听到第二声系叫我开门之类，

然后我爬落床开门发现门口摆左的“物资”仲有风扇，当然旁边仲有爸爸and妈妈。

我第一句：“点解你地来左嘅”，我明明叫左妈妈唔使送野来，睇来呢次他地仲要来睇睇我系到搞的咩。

倾左几句，他地又话走啦，而我仲系苏醒状态之中。。。。

他地之前已经打左几次宿舍电话同我手机，居然宿舍“无人”有反应。。

真系早晨啊。。。。。。。

今晚已经唔想住训，早上有专业选修计算机图形学考试。

当然系一次复晒整个学期嘅野，我只系未聪明到可以早训觉。

新东方已经上完，但唔代表忙完，理论上我会一直忙，复习考试，揾实习，然后好采嘅话就要实习。

一切给我认为没完没了，

我整日都会想住完成某一件事之后又会轻松的，

结果发现每一个结束都系一个新嘅开始，事实上就系仲有好多事会等住你去做。

已经唔系细路啦，我想要开始面对嘅就系父母口中讲嘅“有各种各样嘅事要你面对”。

6月7号系举国大日子，唔少同学嘅表弟表妹都好似我地当年甘要高考，

于是qq签名到多左好多关于表弟表妹高考嘅祝福。

差的唔记得系hely同学嘅生日都好不幸甘同高考同一日，

虽然依家系8号，不过美国仲系7号，所以仲可以系到祝王大力同学生日快乐啦。

本来想今晚早的训改变下作息时间，可惜床上太热或者适应唔到时间训唔着。

随便来补下blog，最近每日都有十几个访问量，肯定又到交大作业时候，

的临急抱佛脚嘅小朋友通过的关键字抱住侥幸心态入来，失望嘅心态出去。

最近粘贴写得最多就系// DZ(2007-0X-XX)，XXXXXX，代码里面嘅注释。

大作业写好多代码，然后又写好多注释，然后又用好多//注释要修改嘅代码，写新嘅系下面。

实习唔系甘容易揾，好在有师兄系到指点下迷津，发现自己错过左好多。

不过如果因为甘而迷茫会错过更加多，当然考试六级呢的都涌紧埋来，已经唔系惊嘅时候。。