DZ

寻日因地铁而起嘅荡失路原来只系我部分参与左广州中秋节嘅大塞车 ，睇完今日新闻图片的人逼车壮观场面我应该庆幸自己仲赶到去吃“剩餸”。。。

寻晚逛完宜家发现自己真系唔想离开广州，广州实在太美好啦。

寻晚返到屋企楼下抬头望到月光，曾经想过提早落车买个点蜡烛嘅纸灯笼行江边返屋企，不过一个人着住恤衫西裤背背包太奇怪啦。

屋企累积左几盒月饼，感觉好浪费，有奇怪想法系想罗落街派，等其的有需要嘅人都有得吃。

每日返屋企的细只嘅月饼仲可以当零食。。。

上午继续瞌眼训同刨《人月神话》，然后中午。。。。

公司饭局

     中午公司请吃饭，之前收到风係话只要唔住係广州或无结婚就有得去，不过实际标准係唔住係广州而且无结婚的人先有得去。

本来想住无得去，点知中午时分我地科得1个人去，另外3个无结婚嘅人无返，带我嘅人叫我都去埋，我终于知道原来我地科甘多人已经有家室。。。

于是我就好厚颜无耻甘去埋，反正去吃饭，不过全个科得2个人去自己有的唔好意思，不过无人话实习生唔给去嘅。

可能係果个标准太苛刻嘅关系，去到5围先坐咗4围，貌似的人都唔中意同领导坐，係惊饮酒定讲错嘢呢。

貌似公司的n总m副总都有去，菜色唔错，可惜喉咙痛n多菜只可以吃少少。

由于係实习生关系我最多给人问叫咩名，唔使巴结各位领导，除咗吃饭就係唔停甘干杯，反正对住的领导笑就得，他地会识讲“新来的”之类嘅话唔使我费心。。。

入公司来第二次饭局，发现几乎吃饭唔饮酒係唔得嘅，而且2次都系有红酒，虽然我都算识饮，不过通常係的领导先会给人发现识饮酒，因为n多人要去敬。

隔离台某女领导经常给人敬，面红得有的恐怖，听讲她饮酒好犀利以前吃饭试过罗碗来饮。。。。

最经典係每张台都要去其他台敬酒，去隔离台围住张台转一圈每个人一个个甘碰杯然后再饮，想象下4张台每张轮流都要敬另外3张台，全场起码转咗12圈以上。 

提早落班

     下午训紧觉3点多的听到有人话落4点，唔知点解就训醒咗啦，再问人原来係真嘅，通知得比较迟挂。

荡失路

     係单位交通车上改变主意，决定去同大学同学吃饭，居然妈妈同婆婆都同意，比较难得。

本来想住快的岗顶站落车然后地铁3线去东站，点知坐咗3好线一个站之后先发现原来係去天河客运站嘅分支。

即刻落车，点知对面先居然有车都逼唔上，给人崔啦，于是出站想住打的。

天河北附近明显无空嘅的士，车站得41去东站，等着一阵无车就向中信行，行咗一个站终于有部好满人嘅41来咗。

从后门上车坐咗两个站发现好事线路图个方向係调转嘅。。。而且就到东站应该唔会甘多人挂，问人之后发现真係坐错方向。。。。

趁司机给人从后门上车嘅时候溜咗落车，好在方向无错，望到中信更加近，当我已经发誓肯定唔会行去东站。

再向前行多个站，奇迹终于发生，有去东站嘅车，塞咗两个灯位居然就到咗，突然顺利得出奇咗的。。。

然后电话问人宜家点去，答案係天汇城对面，最死就係地铁隧道到又有天汇城嘅指示。

等我在係地铁到问完人从F出口出来发现点解刚刚落车嘅地方係就係对面嘅。。。。orz，原来落地铁兜咗圈又返返上来。。。。

仲未玩完我，係距离宜家100米处问某酒店保安伯伯宜家係边，貌似他听唔清，“宜家家私啊”“宜家啊”。。。我重复咗n次之后，阿伯有的茫然甘话“‘依家’啊？”然后睇表，冷。。。。。。我都茫然

索性问保安伯伯边到卖家私，终于知道要向前走过路口，终于见到阿伯要睇表嘅“依家”啦。。

好庆幸係侧面睇到2楼餐厅嘅时候无从侧面入而行返正门，唔係我今日又会荡失多次。。。。。

宜家咖啡厅

     兜完有的迷宫嘅宜家，见到员工餐厅又差的以为自己又荡失多次，终于搵到宜家咖啡厅。

汇丰的人查唔多係晒到，除咗2个家属1个同学嘅同学，当然仲有狼藉嘅台面。。。。

装满酱嘅碟，吃剩嘅1粒牛肉丸、1只鸡翼、1片三文鱼、1/2个蛋糕、1/2 n次方嘅薯仔。。。。。

他地全部吃饱晒。。。个个都望住我吃，我话“感动”到吃唔落，他地话“几辛苦几辛苦”先留到呢样果样给我。。。

然后我都好乐意同他地分享保安伯伯“依家”嘅冷笑话，我比较后悔点解唔返婆婆屋企吃呢。。。

他地都有讲汇丰里面的嘢，貌似他地会几认同里面的文化，又问我几时面试，又话我应该唔难入，不过我费事专登话唔多想去啦。

可能比较熟，我居然识讲的嘢，难得甘有些少幽默感。

给人“偶然”翘手

     倾得差唔多大家话走顺便逛宜家，某女生居然上来叫我“靓女”仲翘住我只手，她当我“姊妹”挂，不过我想住如果她唔放手我都一路由她翘嘅。

不过呢个时候有人提示我地唔记得执台，我係最尾吃嘅肯定冲返去执啦，当时就挂住执台甘就甩开咗人地只手啦。。。。

执完台之后就无人翘返我啦，去完洗手间之后，果位女生在内3个女生就“失踪”走先咗。

剩返一行人有的乡下来甘係宜家到大惊小怪甘逛，我真係有的想除鞋爬上床跳，宜家里面的确有的靓女睇，不过背住部nb行得好累。。。

见到人地见到自己

      吃饭果时虽然自己在内个个都差唔多係着到返工甘样，但始终感觉到做紧嘢的人係有的唔同。

虽然自己迟的一样唔知会容易定好艰难甘搵到工，但的确係有的唔想面对呢的事实甘，我会赚到钱可以去物质下但也要面对好多烦恼。

见到吃饭同逛宜家时候果2pair拖住手或者跟住，他地着住工装一齐同学校一齐给我嘅感觉好唔同。我有的迫切甘，係米要搵个一齐行嘅人呢。

我有太多嘅嘢要想，同时我又想得太多嘅嘢。

本来早上都唔想住做正经嘢睇下《人月神话》想快的睇完，点知瞌咗整个早上眼训。

后悔无坚持早上係床上给第一个起床铃声吵醒时候打算今日请假继续训嘅想法。

好恶劣果种瞌眼训，整个人定住係到醒咗先发现训着，重要即刻留意返有无人经过给人睇到。

我个位正对住会议室，今日经理刚刚好要係里面招标，所以唔敢趴係台训，

惊经理唔知几时会行出来见到我个位无人，行近先发现原来趴咗係台，给人叫醒就更加严重。。。

依家午饭后仍然有的眼训，想紧下午係米偷鸡或者请假去天河买下书打下机，然后今晚再同平吃饭甘今日先会有返的意义。。。。

呢个星期普遍唔够训，日日上班就瞌眼训。

上个星期个问题终于解决到，居然又唔系代码问题，原来系测试果条记录缺左的关键数据。

甘会导致到一的服务跳过唔可以将的数据读入要显示嘅数据集入面。

今日早上仲安慰自己终于算系做系统维护要解决系统bug，下午瞌醒眼训就发现原来系数据问题，只要加返关键嘅值就一切正常返。

上个星期怀疑系另外一个逻辑类问题，搞到呢个星期整个逻辑类复制左一次，居然都系废嘅。

揾工的信息飞紧来啦，寻晚衡师兄发左MS校园招聘信息给我之后，今日kel又发左蕉伤银行软件校园招聘信息过来，真系多谢晒两位甘有心。。。

MS咩背景就唔使揾，上网搜左下蕉伤貌似都待遇都ok，再问问衡师兄意见，居然介绍左个系入面做紧嘅师兄给我识。

跟住同师兄吹左整个下午水，原来他都系广州人，以后又多个师兄可以给我骚扰啦。。。

系他送给我盒朱古力我仲未吃完嘅情况下他听日早上8点机走啦。

该讲嘅都应该讲晒啦，下次返来好多野又会唔同样。

希望他影的韩国靓女空姐影得开心的。。。

DZ小朋友嘅想法仲系好幼稚，认为呢个世界上的人唔系好就系坏，虽然他立志做一个坏嘅好人。

原来改他份协议嘅人系他师姐，之前觉得嘅怠慢似乎真系因为人力资源个经理无返。

听日DZ小朋友仲要揾呢位刚刚先知嘅师姐协商协议，而且貌似会受到友好对待。

原来认为嘅坏人似乎又变返好人。

小朋友已经唔似星期五晚黑甘冲动叫嚣要再揾实习啦，因为他依家觉得之前比较似好人嘅学院老师其实系坏人，笑他份协议刺激到他。

经过周末慢慢想之后他知道其实实习都差唔多，间公司松的无实际野做反而可以令他唔使错过10月份嘅各种校园宣讲会。

睇来DZ小朋友都唔蠢得晒，只系想野慢左半拍的，他知道以后无论见到的咩人讲的咩做的咩都唔好即刻反应，要想过度过先。

见到人要先表面上当系好人，实际当系坏人甘想，而且要知道有的人又系好人又系坏人。

今次他仲要知道好多小朋友都叻过他，他要勤力的学习先得，唔系以后就会好容易受其他小朋友或者大人气。

DZ小朋友几时先可以大个呢。。。

训日返完学校之后陷入左混乱，更多系源自对自己好多不足嘅认识。

应该庆幸各种要面对解决嘅问题出现得算早。

今日个复制嘅功能做左出来，界面几乎一模一样连带我嘅人都以为我复制左原来个界面，甘的确系复制，不过系重新摆过控件，复制过代码。

不过只系实现左个界面，但具体点实现可能仲要下个星期用整个星期时间睇。

最后发现添加行无初始化数据，原来涉及到一个好大嘅类，又要“复制”埋下个星期有排搞。。。

今日接近落班终于罗到第三方协议，最明确就系工伤乙方不对甲方承担责任。。。

学院都揾来搞，份协议本来话罗来保护我地学生权益，然后又要罗来做实习证明，得啦，依家甘早要交分明就系损害学生利益。

人第公司要改你份协议你实习生唔通唔肯啊，我以后系单位吃饭饮水都要小心的，坐交通车上车都要弯低的睇住唔好撼亲头。。。。

今日编程方面相当充实，界面复制完之后睇代码，发现简直嘅指数性上升。

呢个星期最多可以实现到功能，但要睇明的n业务逻辑嘅代码就可能仲要多个星期。

比较骑呢系复制完代码之后生成发现的新嘅控件，原来界面上面有的按键下面仲系按键，叠埋一齐要移开上边果的先睇到。

今日落班仲有的控件系代码到睇到，但界面揾唔到。。。。。

今晚实习以来第一次有饭吃，系下边某分公司请IT部全部人吃饭，当系中秋人情。

分公司加我地科去嘅人有2围台好似饮左2拼8斤嘅红酒，原来隔离房仲有hai关同客户之类4围带系到吃饭，所以不时有人主动如来或者给人“请”如来干杯。

有两班人自然要搞掂人第，首先要搞掂对面个总，同时发现的总级别的人比较饮得，会去人第台到一个个敬酒，或者等人第来一个个敬酒。。。。

相对来讲我地科得人比较斯文，唔知系唔饮得定想身体健康，我反而去过隔离台敬过人第个x总。。。。

当然唔少得介绍，于是我就叫实习生，不过似乎间分公司平时给好多野IT部做，连隔离陪人吃饭的n总m总都过来逐个敬酒话辛苦晒，睇来一年总其他时间真系会几辛苦。。。。

最后居然仲有月饼罗啊，去到嘅包括我都有得罗，我特然觉得系到实习又抵返的。

返屋企仲有车送添啊，真系幸福啊。。。。。

听讲间公司唔止一间分公司喔，我做到月底先走貌似真系发达啦。。

完成第一个任务之后呢个星期又有新任务，仍然系仿做功能页面，仍然系已经有人做过嘅项目，我想我到走都唔会有实际野做。

的控件版本问题导致的控件消失无甘严重啦，做的野也都熟手好多，乐观估计我呢个星期可以实现呢个功能。

然后基本上成日除左下午上班之后例牌训半个钟之外整日都比较积极，其实就手板眼见功夫，不断对照复制粘贴，目的就系完全复制一个功能页面出来。

实习都有的乐趣，继上个星期见到导弹舰之外，今日居然见到潜艇。。。。

隔离科有人见到之后好多人都走去窗口望，浮住几快下甘开过楼下港口，有人话就打仗啦.......

话说本来上星期要交嘅三方协议话要改未搞掂，寻日已经详细请教左关系人之后去催促左一次，得到答复系到时会给电话我。

今日上班中关系人叫我快的再上去催，话负责嘅人听日要出差。

于是又上去问，话比较急，老细未返来也都盖唔到章喔，我想你改都未改啦。

我就又讲多左野，人第话听日唔使出差，又问我点知她会出差，我话“听讲”囖。。。。仍然系等电话通知。。。

最后都系要出动到关系人啦，似乎她仲急过我。。。甘听日就唔使再去催后日先再去问就得。

负责果位仁兄都唔想得罪人挂，我其实基本唔想关系人系我实习期间再帮我出面做的咩，但系的人就好似见你实习生就唔多紧你得野。

似乎关乎的企业文化，他地虽然固然有好多野做，但你件事未解决到就摆埋一边，到可以解决嘅时候他地貌似又可能会发现新问题，未必又即刻解决到，件事又可以拖落去。

最后我只想讲，一家公司连学校协议里面工伤之类的条款都要改，仲要果丁的补贴仲要扣埋你中午饭钱系留唔到人嘅。

我想呢的唔系边的人嘅问题，而系间公司嘅问题，不过我都系实习而已间公司中意点都得啦，但间公司只可能系间甘嘅公司。