DZ

今日好难得甘元旦放假第1日，早上起唔到身，11点醒咗就同的邋遢衫同积落来嘅unders搏斗。

同关小姐原本约中午饭，因为关小姐睡眠时间关系变咗下午饭。

早餐中午饭一齐搞掂，由于上个月你多支出，多谢关小姐餐韩国菜。

貌似第一次吃韩国菜，的烧牛肉包咗几次生菜之后就赖包直接吃。。。。。

最近大家都係烦搵工，真係烦。

原来之前圣诞某女生送嘅超细粒公仔个名正确叫法係邪流丸，从关小姐口中知道正确答案之后邪流丸就再唔属于我啦。。。。

晚黑仲赶咗婆婆生日吃饭，塞车塞到去到已经唔多识讲嘢。。。

甘就无咗一日，依家仲好勤力甘帮人睇紧程序。

前晚恶人请吃饭，因为个损手烂脚嘅项目可以同客户演示下啦。

当然去，反正无偿加班的“工资”挪唔到都吃返够。

但恶人就一起来吃，他入房前5分钟气氛热烈，他入来之后就静晒。

甚至一度出现只听讲吃饭声嘅场面，要想下係十几个男生一齐係饭店吃饭。。。

恶人係饭前饭后分别发言，他部分比较恶劣无因果关系嘅话同某些好似又有道理来话加买一齐讲，导致我听得比较分裂，因为我一般都好统一甘睇一个人。。。。

唔想讲恶人，他元旦个给我放假我就好满足啦。

今晚计协一班老人家继续饭局，因为某老人家挪咗成万蚊奖学金，我无挪过奖学金都吃下人地的返沾下光。

吹水为主，搵工之类嘅话题都倾咗下，大三大四出国搵工各个人都有唔同嘅路。

然后今晚同66协会的师弟刷咗外环，原来无想象中远，我身为师兄仲要解答下师弟的疑问。

听日后日肯定放假，我只可以讲——太好啦。

日日继续图书馆加班，个tm签名话加班个个都问我係咪有offer。。。。

事实证明剥削唔只係做嘢之后嘅事，我依家日日做仲惨过加班。。。。

训日下午同某人请假去地铁面试，惊讶受到态度比较好对待。

梗係啦，我日日去同他做嘢，周末又做晚黑又做，係他面前扬得多，他都惊再唔给我请假我走都似。

上次笔试迟到咗嘅关系，那次居然早咗成20分钟，个hr姐姐超好人同每个用纸杯装杯温水。

而且貌似果到大部分的人都系讲广州话嘅，实在非常好。

可惜面得唔多好，1抽5听讲有3个部门经理係到，唔记得咗师兄边个部门问唔清，话自己想做返.NET。

后来有清算中心嘅卷做，考比较多数据库嘅嘢，凭感觉撞得可以，E-R图唔记得的形状偷偷地手机上网查。。。

地铁要我嘅话，我贱卖咖啦（开2500给人问：“如果达不到呢”）。。。。

差的唔记得寻日圣诞节，多谢晒所有发短信来祝福嘅人，虽然我唔系好想回，有的有回到有的无。

某女生短信话见到面都有礼物，于是晚黑搵咗人第来吃饭。

收到超细粒邪郎园公仔一个同一粒糖，不过我回咗一条缤纷乐，唔抵啊。。。。

--------呢条係分割线------------------------------------

今日同项目组的人吃饭，跟某人嘅研究生讲话他上年国庆返屋企想过埋中秋，结果未到中秋就给某人打电话叫他要返来做嘢。

研究生话想过埋中秋先，得到又一个经典回答：“我不是在给你讨论事情”。。。。

恶人啊。。。。。

今日早上10点先起到身，听讲话今朝会开会，赶住去图书馆。

结果第一步跨出走廊就pk瞓低咗，刚刚拖完地，未来得切问候对新鞋我仲惊距整邋遢咗。

宿舍另外两件禽兽仲可惜紧无咩人睇到。。。。。4年来第一镬扑得甘应。。。。。

今日节目例牌，上午图书馆做项目，下午图书馆做项目，晚黑图书馆做项目。。。。

做网站做得太上脑，晚黑同项目组的人去吃饭，见餐牌上面的字后面有框，好快甘反映到係“图片路径出错”。。。

晚黑10点半先行返宿舍，有人放孔明灯开头仲以为係飞机，的大一大二嘅宿舍明显有的闪下闪下有人玩烟花。

相对大四的宿舍就冷清的，刚刚12点整隔离栋有人倒数係放烟花，旁边的宿舍热闹咗一阵。

有人喊encore，可惜无encore。

今晚仲要准备好，听日地铁面试，貌似有几大机会。

圣诞快乐 to all

寻日去咗六级，係考试开始2个钟头之前唔好浪费时间嘅想法一直占上峰。

但最后都係去咗裸靠，好多人祝福都话撞过之类，搞到唔去有的异类。

我都係容易受人影响，前晚唔好浪费时间嘅想法仲好坚定。

唯有係傍晚关小姐电话来知道我唔准备又去咗会话我浪费时间。

感觉都无太浪费时间嘅，上次新东方六级的剩余记忆继续发挥作用。

等奇迹出现。。。。。

最近係唔知自己做紧咩，或者讲係知道自己要做咩但又无去做。

好多嘢并唔係想象中甘好，也无想象中甘坏。

唔可以好似小朋友想嘢甘极端，差的唔记得自己係学电脑嘅，所有嘢都有代价，只会有折中嘅方法。

知道自己已经好难去做好一件需要长期坚持准备嘅事。

为以前嘅堕落痛苦紧，但同时仲係到继续堕落紧。

唔应该再等。

刚刚罗住66同袋六级资料返学校，无返宿舍就直接去图书馆。

貌似好多项目组员晚黑都去，我下午请假就唔好意思晚黑唔去。

今日下午又要请假去面惊华网络，原来人第老总都係师兄来咖，貌似会照顾的。

中午同某领导请假话去面惊华嘅时候，居然比较顺利，他只係话我同同班另一个同学上手比较慢而已。

面试完返屋企上Q就睇到话会推荐的去惊华嘅人，貌似就係某领导嘅善意举动，好嘅开始。

今日小宇宙终于来电话，之前以为细公司都bs埋我，虽然係拒咗，不过起码证明到自己唔係无人要。。。。

仲有今日听返手机里面燕姿全集，觉得会比的其他人的新专辑舒服。 

出咗地铁赶住行返图书馆嘅果段路一直都听住她的歌，望到图书馆想起之前自己想日日去图书馆，仲以为自己已经唔会返学校。

点知依家就变咗要日日去学校图书馆。

原来一切都会有嘅。。。。

今日早上係扎醒，发现蚊帐一个一个角断咗先，好似唔影响瞓觉，想继续瞓。

见到外面天光醒起要去图书馆做项目，估计紧时间係几点，觉得可能係11点严重迟到唔知点算。

不过睇返手机原来先7点几，闹钟都仲未响。

不过到八点多的闹钟开始响我就期唔到床，係床到由张震岳唱咗半个钟。

8点几终于起到身刷牙，有人敲门，有人叫我去图书馆啦。

寻日返学校想住了解下个可以当毕业设计嘅j2ee项目，虽然我几乎唔识java，只係想住撞下运气。

事实上我几好运气，居然系要我跟返我之前有留意嘅电信项目，而且用.NET添。

于是寻日下午开始就即刻开工，本来想住返学校睇睇然后罗的衫裤返屋企，依家变咗要长驻学校搬返的嘢返来啦。

讲返今日，暂时项目处于一期项目收尾，未开始编码做住页面维护debug先。

的java script睇到我晕，我之前一直都係做程序，睇完的代码简直想撞墙。

开始明白点解三猪门户无请我去做ASP.NET，原来係正确嘅。

同班一齐去嘅同学帮我搞咗n耐都貌似唔多掂，而且貌似我仲理解错咗个维护嘅要求。。。。。Orz

下午同某领导请假先去到满糖红笔试，某领导话要就去大公司，细公司就唔好去，唔得推荐都大把。

我寻日开始一直怀疑有无的甘爽嘅事，定他氹我地等我地少请的假保证进度。

他仲话明年仲有大把招人，同师兄讲开初入好大。

唔理，反正他放到我走就得。

下午嘅笔试无咩嘢，技术逻辑仲有英文自我介绍，因为自我介绍之前写过默返出来最多错几个单词而已。

听日又有惊华网络面试，又要请假，我想紧会唔会给果位领导问候，不过已经话咗去。

最近的变化真係好大，霎时间就返咗来学校做项目，然后可以当毕业设计添，话唔定好快就有份好工。

因为要搵返高中英文书借给人，翻箱倒柜甘抄晒啲书出来。

高中嘅，初中嘅，刚刚准备瞓觉，顺手执起一本应该係初一时候嘅“日记”。

里面有啲页上面仲有红勾，好明显有被逼嘅官方色彩，内容肯定比较纯正啦。

果时自己真係一个好乖嘅小朋友，做值日好认真抱怨其他小朋友偷懒，而且因此嬲到自己都走埋。。。。

仲知道自己上课多嘢讲搞到一次语文考试好低分。。。。。

一直觉得自己依家唔够醒目或者讲成熟得迟係从细个开始，包括初中嘅时候虽然有的曳，但都净係识读书。

觉得自己其实受屋企无形嘅束缚无论点曳一直都算好乖，无唸咩其他嘢，也都无法想象自己如果唔係咁样长达会变成点样。

仲有，

印证咗妈妈嘅一句话。。。。。。。。。。。。。。。。。。。。。“你啲字真係好似小学生甘！”

因为发现自己的字真係由细到大都仲係甘丑样。。。。。。Orz

工都搵咗2个月，到到依家一面bs的细公司一面又给的大公司bs。

其实期间无咩准备，最多係面试经验丰富咗的。

12月之后招人嘅公司应该会少好多，高不成低不就，大公司唔要我，细公司我唔要距，自己唔多掂，但又觉得的公司孤寒。

搵得多实在唔想搵的离屋企远嘅公司，唔想将时间浪费係路上面，但又无能力搵到近屋企嘅公司。

我唔想离开广州也都唔想离嘅屋企住，觉得自己会失去好多嘢。

虽然我知道我要职业发展之类得到的嘢也就要失去的嘢，或者就係我甘样读完大学嘅代价。

我甚至认为自己离开广州或者屋企就会浪费好多时间甚至自己会变野人，好多好玩嘅嘢、朋友呢的都会唔见晒。

我对未来嘅投资好孤寒，唔可以怪我眼光短浅，从搵工开始我周围嘅一切只系变得越来越浮躁。

如果头几年罗得少，同自己讲得过去，屋企也都理解，但同学聚会会点呢，人第开睇法唔讲都睇得出来。

我必须面对呢的甘现实嘅嘢，我话过自己过得唔可以差过以前，但我依家只保得住自己过到甘样。

我意志唔够鉴定，唔肯定到自己一定可以成功，有边个可以唔睇到眼前嘅嘢。

见到单位里面一格格嘅屏风知道係自己以后要做嘢嘅地方，我明白点解甘多人唔想做嘢住。

但无得拣，自己都已经拣咗去做嘢，无咩返得转头。

其实仲有一个月，仲有好多机会，听日就会唔记得今晚嘅感觉，给浮躁淹没，或者给理智覆盖。

唔可以再丢甘多假