DZ

按实际时间讲，散学礼同授予仪式系前日嘅事，而前晚4班就去咗唱K，当散伙聚会。

散学礼

散学礼系体育馆开，感觉就系一堆人讲一堆话，后搞得比较隆重，但比较闷。

感觉系做给人睇多，可能4年来班主任都唔多个无乜归属感，如果可以走可能好多人都会走。

授予仪式

晚黑系授予仪式，同样系体育馆开。

虽然觉得系抄中大上年开始嘅握手，但气氛绝对好过散学礼，起码感觉大家会其他上台。

上到去大概就系给校长拨穗，由右面拨到左边，从他手到接证书，然后再摆个pose影相。

听讲之前白天已经开完2场，今场都3个学院都好似成千人，校长毅力真系坚强，不断重复鞠躬、双手送证书、转身影相。

不过开始无耐就觉得校长好机械，至于笑容僵硬都放过你啦，估计我地自己重复做100下都想颠。

不过开始睇完100几个人就开始无聊，于是下面的人开始期待的意外。

有人影完相从校长前面走过，都唔算乜啦。

有人低头果时帽跌咗落地下，校长亲手帮手执返大家都给他掌声。

不过估计跌多几个校长就会腰痛，但真系唔知一个系甘，每次见到有人跌帽下面骚动完都有唔少人再去戴稳自己顶帽。

当然证书一样可以跌落地，校长继续执，我地继续鼓掌。

仲有的得意的就影相表情超怪，有几个摆yeah手势，最恶劣都系挪完证书唔记得影响果的，给校长扯返住。

感觉就难为校长啦，可能体力原因，他只主动同全场唯一嘅2件博士握咗手，其他除非有个别人主动啦，不过都见到有人给他推返只手返来。

仲有难为后面坐足3个钟嘅领导们，你地有得做算好咖啦，难为校长散场果时走路已经明显好似个机械人甘。

散伙活动

授予仪式完都11点，按计划去唱K通宵，要多谢的积极嘅班委组织活动。

唔齐人就肯定，不过有过半数人来就好好啦，开头有的冷场，酒同骰子上来就热闹好多。

居然有人可以系到抓五子棋的甘平静嘅游戏，不过好过旁边闷到瞓咗果的。

后来大部分人都high来，仲有咪霸添。

最后差唔多走，大家好大声甘唱《朋友》，估计大家都比较有feel啦。

再轮流讲下大家感受讲咗成大半个钟，有女仔喊，男生都有讲讲下变声。

我当然唔喊埋一份，反而冷静得有的过甘去想几多嘢系可以信或者以后实现到，事实上并唔会因为今晚的人会更加团结几多。

“以后得闲吃下饭就够”，希望大家可以达到呢个最低嘅条件啦，其实以后大部分人都系省内根本唔远得去边，关键都系睇大家有无心啦。

都应该过去来，要为新嘅开始做准备啦。

话说22号星期日系我影毕业相，除咗屋企人，关小姐也都好给面来捧场。

由于下午先开始影，唔系好够时间，反而同其他班的人影得多。

虽然仲未离校，但其实已经毕业啦。

下午最后一次来图书馆实验室，整理实验室电脑里面的资料。

除咗留低里面的游戏，其他所有都删晒，顺便再get一个最新嘅版本来留念下。

唔知系咪给我折磨得耐咗，硬盘效率好慢的项目备份有排删，甘等我祟去图书馆顶到影下相先。

正门

好似叫流诗湖，最近落雨装满水变得好靓，其他音译自行理解。。。。。

准备影另外一边嘅时候，给物管姐姐撞到话楼顶唔给学生上而且图书馆里面唔给影相喔，乜规定。

我话我影图书馆外面咋嘛。。。。 为咗唔搞甘多事就甘溜咗。

要系图书馆欣赏日落都只可以系的又长又窄嘅窗到“装”啦，反正以后都无乜机会再睇，除非我做领导啦。

同各个研究生讲byebye，同某人道别实在寒暄唔起而且他貌似只关心我部实验室电脑个位可以空出来，算唔应该对他抱幻想。

ok，离开呢个令我又爱又恨嘅地方。

今日终于搞掂埋缩写500字嘅优秀论文，缩写果时居然发现自己篇正式都仲有几多错。。。。

如果优秀论文无乜奖励就真系唔抵，白写多5000字。

补充一下，由于我呢半年系某人面前表现良好（只系背后讲他坏话）甘就有个优秀论文。

blue通道寻日嘢都给个PM话“可以功成身退啦”，搞掂晒呢的甘最近嘅繁忙状态似乎可以结束一下。

听日影毕业相，前日赶过3场知道辛苦，所以唔麻烦甘多人啦。

今晚宿舍执嘢超乱，下个星期明同学就走先去深圳啦，好快大家就会各奔东西。

宿舍台面延伸到周边嘅凳都好乱，书同好多嘢唔知从边到执起，本来想住执下嘢点知堆得更加大规模。

其他同样堆咗好多嘢，邮箱里面堆咗的未睇嘅邮件，重要blogbus漏咗上星期一堆嘢无邪。

想一次过清返晒，但越堆越多。

原来自己买咗2次同一种护发素来洗头，上星期同学借我支“洗头水”来用先发现，怪唔得支嘢平的又稀的。。。。

过去一个星期n多嘢发生，不过先讲咗今晚先。

今晚吃完饭妈妈话去睇下隔离屋个公公，话已经入咗医院几耐下，平时人地过年都会封利市给我，应该去睇下。

出门，由于临时想住去，又揾唔到个婆婆问住边间房，行咗好多层住院部，准备放弃嘅时候，终于系某个照顾过公公嘅护工口中知道咗位置。

上到病房，个公公系到瞓紧觉，本来唔想叫醒他嘅，不过妈妈想住给的钱他，最后都系个护工叫醒咗他。

听讲他头脑仲清醒，只不过身体唔系甘好，一开头仲唔系好认得我系边个，最后知道我系隔离屋。

几乎全程都系妈妈系到讲话点，我就企系旁边睇住他，个护工就因为他刚刚醒喂的水给他。

他讲咗几次嘢，一次问我去咗边到做，一次系话的灯光得济，仲有就话自己老无用。

知道我去咗边做嘢之后，他从被到伸只手出来伸手指公做一个叻嘅手势。

讲到话我下个月正式做嘢要请他去饮茶之类之类，他开始激动开始喊。

甘样比较唔好，于是同妈妈尽快离开啦，临走同他讲话等我做嘢就请他饮茶，好好休息之类之类。

真系要珍惜眼前人。

 

今日应该影毕业相，然后早上起身就开始落雨，唯有通知爸爸妈妈同其他人取消，唯有推迟。

但有的家长同同学之类果的已经来咗，最后的人就开始系宿舍走廊开始颠。

无带相机就开始系各个宿舍之间游走，见到熟人就叫人帮手影，见到新东方识果个女生，原来她同一个同班同学系高中同学，好巧。

最后连“千手观音”都影埋，下星期仲有得颠多次。

// 分割线

寻晚前计机会张返来请吃饭，本来唔想去，但各位“老人家”都出席而且有专登叫埋我就唔好推。

我系想住应该宽容的对呢个人，或者想改变下自己对他同果的唔高兴事嘅睇法，不过结果系令人失望嘅。

饭局气氛比较尴尬，如果同学或者friend之间吃饭会大家客气甘斟茶倒酒甘，但点解呢的都要被命令呢。

果个人要大家讲下大学搵工之类嘅经验，然后自己讲一轮，最后仲讲得好送书，搞抽奖送购物卡添。

貌似大家都听得有的无聊，同某女生偷偷发短信，话想闪。

给人话自己一直好似死人面甘，再扮笑下啦，点知后来知道人第觉得我系係到似笑非笑。。。。。

睇来我都系好难隐藏自己嘅想法，尤其对得完全无好感嘅人。

我仲系好佩服呢位前会长嘅果种居高临下嘅组织力仲有野心。

送的书系电信送给vip客户嘅书，贺卡仲系happy new year，购物卡估计都系公司派嘅姐。

虽然做电信网管，但明显你混得唔够好啦，你返来只不过系想再铺多的人际网络。

我其实来唔来都无咩所谓，只不过他做给人睇他有气量，除非我再引起其他人缺席他先会惊，但我绝对认为无下次再见你嘅必要。

尤其听完对我嘅评价，发现呢个人完全无变，仲系认为他赐予我的乜系甘理所当然。

好在跟住晚黑唱K无去，话赶论文，听讲气氛都比较尴尬，真系恶劣。。。。

// 分割线

Live Mail对space嘅RSS订阅特然间好返，未读订阅源特然间多咗40几个未读。

之前short咗唔得闲或者懒得去睇呢几个人嘅space，依家快速浏览下，唔同人，唔同嘅经历，唔同嘅态度。

思想基础又有的受到动摇，不过好快就忽略，同小力同学讲嘅甘去平视其他人嘅生活态度。

// 分割线

最后好似比较少关心周围嘅人，可能系自己忙，又可能真系忽视咗。

临近毕业实在受到好多思想嘅冲击，有时觉得无所适从，但只能做好自己至少能做好嘅事。

仍然觉得好多时候好多嘢都只可能系一个人经历，其他人只能够鼓励你，但无可能完全体会你嘅感受。

好多时候想挪电话打给人，但人第做紧乜呢，跟住电话又放返低。

// 分割线

听日继续留系学校改论文，大致写好，但结构要调整。

帮手睇论文嘅系blue通道个PM老师，发现他超吹得，叫我将项目无嘅嘢都吹埋上去，怪唔得他要整日派去同电信沟通。。。

顺便讲下blue通道已经4号上咗线，链接如下www.b channel.cn，请自行去除中间空格，但我做嘅系后台show唔到乜给人睇。。。。

9号前又有bug要改，听日又要去加下班。

听讲仲有一笔补贴，但因为下星期去四海吃饭就发少5够水，唔去冇得折现，又要听某boss讲废话。

发少的钱就算啦仲要精神折磨，好似上次甘，你猛讲我就猛吃。

今日貌似过节，不过我仍然系要“加班”。。。。

晚黑从图书馆慢慢行返来，听日个blue通道貌似就交付之类，同时我都可以专心开始写论文啦。

好累，之前去重启果部又short咗嘅数据库服务器嘅时候，等重启果阵就趴系部机前面台面瞓着咗。

已经觉得个项目好似我个仔甘，呢两日狂加班就系为咗生埋他出来，其实已经算难产咗好耐。。。。

无出现幻想中要通宵加班嘅情景，因为就算我想加都无人肯陪我，好似就得我甘赶。

其实我可以唔甘赶，只不过系因为我唔想其他人写乱自己的代码，仲有就系认为自己做得晒唔使人帮手。

当然有的睇唔惯有的人平时就少来，最后就话好多嘢咗要人帮拖，不过我唔可能做得出甘嘅嘢。

所以都系唔好太介意啦，最多就好似呢两日甘大部分都系自己系实验室“加班”。

就挨到头啦，要出力写好论文。

// 分割线

晶晶返咗来啦，等我请她吃饭，仲有个靓女初中同学都放假返咗来，得闲可以去见下，等论文搞掂完就去得啦。