DZ

原定今日系最后一日落站，调整之后今日返公司培训，室内培训乞眼瞓不在话下。

早上同晚黑都排练听日下午举行嘅联欢节目，主持人口误“下岗实习”导致全场轰动。

我地组居然有唱歌、para para、小品3个节目入选，唱歌仲排第一个节目，我地组唱得算好咖啦。

最重要嘅事系中午画咗只龟落分合同到，如无意外今后3年都系地铁嘅人啦，其实已经当自己系有3个星期啦。

培训就来结束，就来去部门报到啦。

今日同新同事去天后宫玩，听讲仲有离广州最近嘅“海”睇。

早上早咗起身做好功课，边到落搭乜车，网上连相都

地铁四号线唔使钱，公共汽车1人3蚊就几乎包咗车游花园。

仲有个小插曲，去嘅时候车上发现咗一顶竹帽，系半路还返给对面同一路车上面嘅一个婆婆，真系和谐。

唔值得一提就系G5去到影咗几张相就罢工，可以放心玩唔使挂影相，但背住重咗整日。

天后宫之前已经去咗几次，仲记得以前系天后脚下玩过沙炮，今次做咗功课知道原来果到的楼梯全部都系双数嘅。

不过无乜脚骨力，上几层就坐一下，何况我地对拜神都无兴趣，最后上咗最高个塔超好风，系塔顶坐咗好耐，仲折埋纸飞机飞落去。

然后下午去咗天后宫前面嘅有的邋遢嘅沙滩，网上讲系“蓝天白云黄水”，不过今日系灰天黄水。。。。

行远的岸边避开垃圾同石头，的沙会干净的，的珠江水有好过无就系啦。

有的地方的沙好软个人企耐咗会陷落去，我怕死就唔行甘出，不过我唔止一次扯返个同事上来。。。。

最后裤都湿晒，不过我只带咗换嘅衫。。。。一路湿到返屋企，系“包”嘅公共汽车同地铁上超冻。

以后上班唔知几时再有的甘free嘅时间啦。

三元里C1早班返8：00到20：00，要提早半个钟起身等可以提早半个钟上班。

C1就系行值，系控制室对住一大堆设备，我咩都唔使掂非常得闲无聊，最多望下玻璃外面站厅有无靓女。

下午实在太们就出咗去企展厅出闸机，主要任务就系睇的有无用咗咗手边嘅闸机，有问题嘅车票有要去票厅分析，有无逃票，最重要系派发票。

我除咗派发票之外就只能同人讲“进站在那边”，其实派发票都好大学问，因为我就识派发票。

从中午开始就开始企，真系企到脚都痛晒，然后就有的麻木啦。

因为唔输，发票派得好慢，仲经常唔知边个站搭过来会几钱应该会有几多发票，仲会特然死机唔知个16由几多个3同2组成。

当然仲有成10次张发票飘咗落地下要执返在给的乘客，终于一日落来超雷。

今天有趣嘅事就系有车清客有人系到小解，控制室嘅命令系“叫他快的搞掂，再叫保洁人员”。。。。

他肯定唔知上星期有旅客系伦敦地铁小解因此而电瓜咗，他如果再持久的就变世上第二个人。

晚黑时分仲有的饮醉酒嘅系闸门下面钻咗入站，系我地站围捕到走投无路之下果个人上咗地铁，听讲有全线通报搵傻佬。。。。。

结果几分钟之后果位仁兄又翻返来，呢次终于给保安睇到实，出闸都唔使他给钱啦，快的走唔好捣乱大家都高兴啦。

一日上24个钟真系累，写住甘多先

早上几乎搞唔清今日星期几，因为放假以为周末，又见到好多人上班记返起系星期一。

寻晚三元里值夜班，我个位系去睇人第数钱。

原来地铁站晚黑仲有好多嘢做，收站之后要的工人要搞卫生，晚黑会有施工要车站配合。

当然仲有就系数钱，整晚我就见到数不同嘅纸币同1蚊银为主嘅币，仲有车票。

由于我系算实习关系我唔需要也都唔可以掂的钱，人地数我就隔离斋睇，最多睇睇人第点填各种各样嘅清单，帮人配票时候登记下听日会卖果的羊城通个num。

比较有趣系去帮手换车站到的自动售票机（TVM）里面的钱币模块同纸币模块，以后都都会间接打交道嘅。

慢慢长夜仲可以去控制室睇下为咗配合施工点手动调的岔道，当然好多都睇唔明。

仲跟人地去打每日AFC的单，好复杂啊好多数据，我以后就要拥抱呢的嘢。

早上开站之前再同的TVM补银同车票，然后顺便溜落站台睇睇一早嘅情况，见到的站巡哥哥系地铁到两头跑叫的乘客落车。

最后整晚都无瞓，比较遗憾系无撞到检道落去隧道里面逛下，但呢个夜班都几丰富。

8点落班，有的眼瞓。

今日星期日啊，今日唔使上班。

不过无话今晚唔使上班，所以今晚系去三元里值夜班，时间系20：00到8：00。

会有的点有趣嘅事发生呢，传说中个站得1张床，唔使瞓多（理论上系唔给瞓嘅）。。。。

今日星期六，不过我地也今日开始落站实习。

我地同同1个小组嘅3个男生分咗去三元里，他地个个都研究生，仲有个结咗婚嘅添，比较可惜系无女生。

但隔离火车站就仲麻烦3个女生1个男生，火车站实在太出名啦。

早上8点多的就去到三元里地铁站，不过当班站长仲未来，系车站到企咗阵，发觉都系地铁站一个姐。

未上班去车站个厕所，出来踩正块地毯一滑就系厕所门口PK，块地毯飞咗出去唔讲，仲给人睇到。。。。。

由于交班之类关系9点终于见到阿姨级嘅值班站长，她首先带我地去行晒整个车站嘅出口。

三元里站嘅人心隧道好似系全国最长嘅，而且呢边貌似外来人口多也都比较多嘢到。

跟住阿姨站长行的人行隧道有的要转几个弯，好似A出口仲要分A1同A2。

期间见到地下有零星垃圾，“阿姨”即刻要叫保洁过来，至于垃圾桶唔多原因系经常给人偷。。。

要个无所事事坐系隧道嘅人起身，赶咗1个卖唱同2个行乞嘅人，听讲晚黑呢到的生意同节目仲丰富多彩。

同时我地要检查下的的消费设置封条有无损坏，的标志有无给人覆盖其他嘢，出站口10米范围内都算系地铁管辖范围。

然后开始分工，唔知我系咪呢4个人组长关系分咗去票厅，睇人卖票补票，个哥哥砌银仔好快手仲好有礼貌添。

我就坐隔离斋睇，未到中午又给人叫咗去控制室，原来见中心站长，未讲几句就有地铁要空车去鹭江救援，中心站长即刻冲咗去调度啦。

最后好似系有惊无险，我唔知咩事啦，貌似话匝道信号出错。

中心站长又有时间同我地倾下计啦，唔记得讲咗的乜呢，然后又去票厅值班。

中午除咗吃咗饭，好快又返返去坐，个哥哥都讲咗几多嘢我听啦，可能平时无人係旁边同他倾计闷。

下午又换咗另外一个换散纸嘅姐姐，又好多嘢讲。

从早上到下午我一直挺直腰杆坐系后面，呢个个姐姐给机会我同的人补票，我都开始系统同的乘客讲“你好”，“慢慢行/请慢走”，讲得越多就越自然。

不过居然有一次唔记得找给个乘客3毫子，但系票厅到出去唔方便，手舞足蹈想外面的同事帮手叫返个乘客返来，点知外面的同事见唔到，唔少乘客就唔知我系到做乜。。。。。

到晚黑8点落班，真系几长时间咖，不过几得意几充实。

今日上午商务礼仪稍微有兴趣，跟住瞌眼瞓。

然后下午继续瞌眼瞓，比较兴奋系知道自己要落站，三元里，仲要听日开始。。。。。

晚黑排练节目，听完其他组的合唱之后发现我地组合张唔系最烂嘅，仲有更烂嘅，而且唔止一个添。。。。

晚黑同同组嘅几个人去咗饮夜茶，有个同组女仔生日当请人地啦。

唔知点解甘多人争给钱，连生日果个都争住给，最后都系我给咗，不过点得少咗的自己无点吃。。。。。

补返写日志，上午瞌眼瞓就唔讲。

下午去咗海珠广场落隧道睇，由于安全帽数量原因最后一组先落去睇。

听前面的组讲排头先有得入去睇盾构机，其他就行到一半要返出去，于是係摆低书包嘅时候跑返去霸得比较前。

落咗好多段楼梯，有的仲好斜，最后落到地下35米嘅隧道到，未落到底已经开始觉得的空气湿同埋热。

行咗100米到就入盾构机，感觉就好似一个圆形嘅塞塞住隧道嘅尽头，系旁边一个人宽嘅巷道钻如去。

不过无睇视频甘去到盾构刀盘果到，然后就要翻返转头，听讲个盾构机无全速开，如果唔系条隧道会更加湿热而其充满油气味。

绝对要向挖隧道的工人致敬，从个坑到沿住好斜嘅楼梯继续行返上地面，返到上去同组有个女生已经有的想抽筋啦，难为的工人日日行。

时间关系，迟的先上图。。。。待续

今日全日系室内上课好无聊，企业文化瞌眼瞓，然后睇会议方法视频。

中午继续惊喜发现饭堂的菜分量又多咗，貌似公司对我地都算好，起码得我地先有水果。

下午先睇地铁参加春运的视频，仲可以。

跟住人力某经理来讲课，又瞌眼瞓，ppt内容同宣讲会嘅无乜区别，的文字员工手册又有。

但呢为经理明显无好上午果课会议方法，讲得high就开始吹水，猛拖堂到6点半先落课，完全唔觉下面饿声一片。

他返屋企有饭吃，可怜我地仲要排练，饿住返到屋企已经9点。

话说排练今日仲搞到我带埋手提给他地睇点跳para para，结果又无点用到电脑。。。。。

貌似副组长完全唔听人意见嘅，ok大家都无问题，早排练完早的走。

早上总经理终于来见我地，之前睇年报同报纸上的图认为他会着西装出现，原来着一般衫来显得比较平和。

话早我地25年毕业，先40几岁真係比较年轻，讲咗他的经历仲有给咗的建议我地，仲讲咗最关键momey嘅问题。

貌似他把声比较有磁性，居然有的瞌眼瞓，好在仲保持到坐嘅姿势。。。。

然后廉政课，继续无聊，继续有的想瞌眼瞓。

中午，呢个星期由于会议室位置关系系坑口饭堂吃饭，今日中午首次出现菜多过饭，终于唔使搵汤送剩返的饭，貌似饭堂阿姨的菜分量分配比较随机。

下午先系上安全课，gzmtr大事故唔多但零星都来的小事故，唔知点解个老师讲到的事故比较好笑。。。。。“这也说明工人的安全意识不够高，跑得不够快”。

然后又有得去参观西朗车辆段，原来地铁每一列分ABC车，1号线车身旁边5种颜色信号灯都有唔功能。

呢到的1号线车身同车架都拆开晒，总之同66一样复杂，一列1号线有6节车厢，一个车厢有两边一共10道门。

每个车厢有2个车架，每个车架4个车轮组8个轮，即係一个车厢如果系牵引车厢的话有16个牵引电机。。。。。

总之无相机带，今日系一大损失，可以影的拆解咗嘅地铁同车间。

然后去火灾疏散演习，专门系个车棚到搵咗部1线来给我地玩，实在太正啦。

灭火桶系4、5好凳底，要练习拧开凳底个盖，最爽系可以系部1线到随便搵道门拉个紧急停车挚。

只要拉低之后，就可以用手拉开个车门，如果推返上去道门会自动关返。

如果平时系车到无端白事拉一下就罚2000蚊，今日我累计都拉咗成万几蚊啦，超爽啊。

当然仲有介绍咗可以入去同司机叔叔或者阿姨影相嘅果个紧急开驾驶室，仲有从车头打开紧急门果到落车。

解散得，但要排练合唱，真係吃得不讨好嘅事，不过既然无人提出新嘅节目就唯有听组长同副组长讲囖。。。。

5点正，吃饭嘅吃饭，收工嘅收工，寻日返屋企地铁上给副组长炒咗唔使跳舞，其实我几高兴嘅，所以可以返得屋企。