DZ

今日失态讲粗口，原因系新调来嘅同事提咗的白痴意见搞到我好唔妥。

人手唔够仲系后面细细声同组长讨论意见，唔妥终于爆发闹咗句。

旁边2个一齐嘅站务叫想开的，我想我终于明白点解的站务平时话自己做嘢嘅态度。

所以我都系做好自己嘢算啦，其他人中意点就点我当睇唔到。

部x光机日日都会漏返的唔同嘢出来，前几日偶然有龙眼花生之类，今日又漏咗1樽水、1把遮、仲有袋女装衫裤。

我见有整套福娃给人塞入去咖，点解唔漏只欢欢来呢。

继续安检，今日给人调咗去少人果边，比较得闲仲多管闲事兼职咗下厅巡教人点搭车买票出站。

点解硬系有人一入站就想出站，将车票摆咗去左手边，想从出站果边入站。。。。

可能奥运关系，有的乘客中意双杠跨栏出闸机，不过站务员哥哥姐姐会喝住话你“犯规”。

今日想几时会对呢个位麻木，其实我地仲好积极甘做嘢咖。

一日对住部电脑，但一日都写唔出果篇呢个星期要叫嘅培训总结。

几百字都呕唔出，最近逃避好多嘢，明明摆係面前都拖。

好多嘢都好麻烦，好多嘢唔做都会变麻烦。

继续安检，今日仲要着制服添。

今日发现咗把好长嘅刀，乘客话挪来切西瓜，但真系长到的大西瓜都可以打长一刀切开，收咗。

点解上班时间无奥运直播呢。。。

星期日，继续上班。

今日终于报仇，追住“要挟”咗一个想唔安检嘅叔叔返去安检。

有凳轮住坐舒服好多，点解早上无奥运直播，比较无聊。

整日见到的闸机给人“虐待”到系到叫。

今日太幸运，排咗早班，不过下午要上多个钟。

今日大日子，所以检得都严的，不过总系有的人唔配合嘅，我会叫阿sir搞掂你。

下午提前一个站给组长叫落班，同的人讲晒话系提前落班，点知原来系去培训学的仪器点用。。。。。

向中班嘅各位安检员致敬，你地今晚要系站到睇奥运啦。。。。

好累，貌似仲剩返48日，我嘅青春啊。。。。

摆班表关系，星期二唔使上班，今日中班。

早上要整爱心便当，星期二晚黑买嘅9只蛋有5只散黄掉咗，以后无乜事唔好甘折磨自己。

中午再请人吃饭，下午2点非常准时甘到咗天客，其他人都到晒。

由于原来嘅分组已经打乱咗，有识到的新同事，大家都一齐安检囖。

见到早上已经见到的没收咗嘅菜刀，其他都系刀。

主要系叫的人埋来安检，或者叫的人自己打开个袋，其他细节就唔方便讲啦。

的X光机检查的图像几得意，不过接近落班嘅时候它居然梗亲，无事无事，千奇唔好钻入去就得啦。

今日主要节目系签合同，我上星期就卖咗，所以上星期我部门果的系零售，今日系其他人批发。

无聊之余，听埋的卖身价码计算，其实批发通零售都系一个价嘅。

由于奥运关系，未来至少2星期内要做车站安检员，应该会几有趣，唔知几时先可以去部门。

早上有一个培训考试，话系半开卷自己做，实际肯定同人分工做。

最后一题问点由学校到社会角色转换需要写字，好难为唔知几耐无写过作文嘅我，写大道理，可惜大道理都系得几句而已。。。。。

然后一个有个几识吹水嘅书记来讲话，家属票要恢复边有甘容易，继续乞眼瞓。

中午接近吃饭开始同下午联欢会做准备，大家一齐吹咗一大堆粉红色嘅气球铺晒系地下。

吃完饭返来的粉红色气球已经串晒係天花到，开始派零食气氛开始high啦。

由于节日关系，本来我地组排第1个合唱换咗去第7个，无关系啦，我都系唱高潮同摆下手就得。

唱嘅时候特然无咗音乐，好彩唱到果句嘅果2个领唱嘅女生继续唱埋落去，无音乐唱慢咗都无人知仲好，而且人地安慰嘅掌声仲多咗。。。。。

仲有唱歌小品舞蹈，总之大学生乜都想得出啦。

有2个小品都有2个人来扮屏蔽门，他地唯一嘅台词就系——“哧”。

下面的人无聊得济就跟住“哧”埋一份，于是无论的“屏蔽门”有无动作下面都“哧”声一片。。。。

搞到上面的“屏蔽门”要好忍住笑，下面的人就猛甘笑，可能2个小品原来都唔好笑嘅。。。。

最后一个节目最后唱《真心英雄》，大家都企晒起身跟住的培训师系上面做手语，呢个时候基本上全场都最high啦。

整个应届嘅培训算告一段落，不过我下星期仲要继续培训，其实几期待去部门，不过当然无培训甘有趣。