DZ

版权声明：转载时请以超链接形式标明文章原始出处和作者信息及本声明
http://dz.blogbus.com/logs/25858125.html

早上几乎搞唔清今日星期几，因为放假以为周末，又见到好多人上班记返起系星期一。

寻晚三元里值夜班，我个位系去睇人第数钱。

原来地铁站晚黑仲有好多嘢做，收站之后要的工人要搞卫生，晚黑会有施工要车站配合。

当然仲有就系数钱，整晚我就见到数不同嘅纸币同1蚊银为主嘅币，仲有车票。

由于我系算实习关系我唔需要也都唔可以掂的钱，人地数我就隔离斋睇，最多睇睇人第点填各种各样嘅清单，帮人配票时候登记下听日会卖果的羊城通个num。

比较有趣系去帮手换车站到的自动售票机（TVM）里面的钱币模块同纸币模块，以后都都会间接打交道嘅。

慢慢长夜仲可以去控制室睇下为咗配合施工点手动调的岔道，当然好多都睇唔明。

仲跟人地去打每日AFC的单，好复杂啊好多数据，我以后就要拥抱呢的嘢。

早上开站之前再同的TVM补银同车票，然后顺便溜落站台睇睇一早嘅情况，见到的站巡哥哥系地铁到两头跑叫的乘客落车。

最后整晚都无瞓，比较遗憾系无撞到检道落去隧道里面逛下，但呢个夜班都几丰富。

8点落班，有的眼瞓。