DZ

版权声明：转载时请以超链接形式标明文章原始出处和作者信息及本声明
http://dz.blogbus.com/logs/26780859.html

早上有一个培训考试，话系半开卷自己做，实际肯定同人分工做。

最后一题问点由学校到社会角色转换需要写字，好难为唔知几耐无写过作文嘅我，写大道理，可惜大道理都系得几句而已。。。。。

然后一个有个几识吹水嘅书记来讲话，家属票要恢复边有甘容易，继续乞眼瞓。

中午接近吃饭开始同下午联欢会做准备，大家一齐吹咗一大堆粉红色嘅气球铺晒系地下。

吃完饭返来的粉红色气球已经串晒係天花到，开始派零食气氛开始high啦。

由于节日关系，本来我地组排第1个合唱换咗去第7个，无关系啦，我都系唱高潮同摆下手就得。

唱嘅时候特然无咗音乐，好彩唱到果句嘅果2个领唱嘅女生继续唱埋落去，无音乐唱慢咗都无人知仲好，而且人地安慰嘅掌声仲多咗。。。。。

仲有唱歌小品舞蹈，总之大学生乜都想得出啦。

有2个小品都有2个人来扮屏蔽门，他地唯一嘅台词就系——“哧”。

下面的人无聊得济就跟住“哧”埋一份，于是无论的“屏蔽门”有无动作下面都“哧”声一片。。。。

搞到上面的“屏蔽门”要好忍住笑，下面的人就猛甘笑，可能2个小品原来都唔好笑嘅。。。。

最后一个节目最后唱《真心英雄》，大家都企晒起身跟住的培训师系上面做手语，呢个时候基本上全场都最high啦。

整个应届嘅培训算告一段落，不过我下星期仲要继续培训，其实几期待去部门，不过当然无培训甘有趣。