DZ

今晚彻底离开华工，宿舍锁匙也都交咗，的士开出华工嘅时候奇怪嘅感觉应该就系唔舍得。

其实我应该再早的离开，留系学校拖住呢几日其实好唔积极。

每日见到书从楼上飞落楼给人一堆堆甘卖，唔同人请唔同嘅饭局或者快餐，周围呢个果个系到转来转去影相。

本来应该第二个走，点知变成最后一个走，清走晒地下要卖嘅书之后我台面同柜仲系甘乱，点都唔想执，结果拖到今日终于有决心执。

原来真系有好多也，一个红白蓝装晒的书结果搬唔起身，仲要带走埋其他人唔要嘅桶席衣架去扶贫。。。。

最后结果系差唔多塞满一部的士，准备走返去同人道别嘅时候特然记返起宝贝66漏咗系宿舍门口，差的就永别。

桶装水同饮水机送咗给小王子——一个要读多年嘅奇怪同学，洗衣机系最后一刻卖咗个隔离班2个男生。

临走宿舍就空空甘好似刚刚来果时甘，只不过地下多咗的废纸垃圾，台底同床边嘅墙邋遢咗。。。。

回忆都打包走埋返屋企啦。

按实际时间讲，散学礼同授予仪式系前日嘅事，而前晚4班就去咗唱K，当散伙聚会。

散学礼

散学礼系体育馆开，感觉就系一堆人讲一堆话，后搞得比较隆重，但比较闷。

感觉系做给人睇多，可能4年来班主任都唔多个无乜归属感，如果可以走可能好多人都会走。

授予仪式

晚黑系授予仪式，同样系体育馆开。

虽然觉得系抄中大上年开始嘅握手，但气氛绝对好过散学礼，起码感觉大家会其他上台。

上到去大概就系给校长拨穗，由右面拨到左边，从他手到接证书，然后再摆个pose影相。

听讲之前白天已经开完2场，今场都3个学院都好似成千人，校长毅力真系坚强，不断重复鞠躬、双手送证书、转身影相。

不过开始无耐就觉得校长好机械，至于笑容僵硬都放过你啦，估计我地自己重复做100下都想颠。

不过开始睇完100几个人就开始无聊，于是下面的人开始期待的意外。

有人影完相从校长前面走过，都唔算乜啦。

有人低头果时帽跌咗落地下，校长亲手帮手执返大家都给他掌声。

不过估计跌多几个校长就会腰痛，但真系唔知一个系甘，每次见到有人跌帽下面骚动完都有唔少人再去戴稳自己顶帽。

当然证书一样可以跌落地，校长继续执，我地继续鼓掌。

仲有的得意的就影相表情超怪，有几个摆yeah手势，最恶劣都系挪完证书唔记得影响果的，给校长扯返住。

感觉就难为校长啦，可能体力原因，他只主动同全场唯一嘅2件博士握咗手，其他除非有个别人主动啦，不过都见到有人给他推返只手返来。

仲有难为后面坐足3个钟嘅领导们，你地有得做算好咖啦，难为校长散场果时走路已经明显好似个机械人甘。

散伙活动

授予仪式完都11点，按计划去唱K通宵，要多谢的积极嘅班委组织活动。

唔齐人就肯定，不过有过半数人来就好好啦，开头有的冷场，酒同骰子上来就热闹好多。

居然有人可以系到抓五子棋的甘平静嘅游戏，不过好过旁边闷到瞓咗果的。

后来大部分人都high来，仲有咪霸添。

最后差唔多走，大家好大声甘唱《朋友》，估计大家都比较有feel啦。

再轮流讲下大家感受讲咗成大半个钟，有女仔喊，男生都有讲讲下变声。

我当然唔喊埋一份，反而冷静得有的过甘去想几多嘢系可以信或者以后实现到，事实上并唔会因为今晚的人会更加团结几多。

“以后得闲吃下饭就够”，希望大家可以达到呢个最低嘅条件啦，其实以后大部分人都系省内根本唔远得去边，关键都系睇大家有无心啦。

都应该过去来，要为新嘅开始做准备啦。

今日有幸圣火经过屋企楼下，寻晚就搞掂的嘢返来来。

唔知点解无电视直播搞到我整个早上都好郁闷，得收音机先有的现状直播。

下午开始准备封路，将寻日係学校买嘅一大面国旗挂咗出窗门外面，甘贵就係为咗挂呢一下。

听讲北京路果的地方人山人海，屋企楼下就无甘多人。

见到楼下有个红底白字嘅牌158喔，莫非第158个火炬手。

估中咗，火炬来之前就摆低咗个挪住火炬嘅火炬手，中年男子啦，个样有的得意。

下面气氛即刻开始高涨，各个方向的人都係到喊，跟住果条友就各个方向行前的再挥下手，摆下pose甘，火炬未来就好high啦。

头上有直升机来啦，果条友都企返定，火炬终于来啦，跑得几甘慢。

楼下的人群猛甘叫加油啦，我都附和下。

157係个女仔来，交接完之后158开始好似行甘嘅速度跑起身啦，当然呢边挥下果边挥下，又再high多次。

1分钟倒就见唔到啦，下面的人好似有的未high够，好在后面来咗的赞助商嘅宣传车。

好多ppmm啊，而且好似因为我地屋企挂咗国旗而且我仲专登着咗件红衫吸引到她地的注意，仲向楼上招手，甘就再扬下手high下啦，哈哈。。。

今次睇圣火真係仲热闹过过年，所有车过晒之后的人仲想去涌过去跟住，当然的police叔叔处于好心挡住的人潮。

都几多人，可以想象其他地方更加嘘撼啦，今次大家都好爱国啊。

一般甘早呢个时候我仲会系床到，

寻晚好图形学好简单嘅大作业居然做到4点，居然依家就醒左真系一个奇迹。。。

今日早上系床上居然听到爸爸叫我个名，系好有条件发射咖。。。。

听到第二声系叫我开门之类，

然后我爬落床开门发现门口摆左的“物资”仲有风扇，当然旁边仲有爸爸and妈妈。

我第一句：“点解你地来左嘅”，我明明叫左妈妈唔使送野来，睇来呢次他地仲要来睇睇我系到搞的咩。

倾左几句，他地又话走啦，而我仲系苏醒状态之中。。。。

他地之前已经打左几次宿舍电话同我手机，居然宿舍“无人”有反应。。

真系早晨啊。。。。。。。

今日我22岁生日，真确讲应该係寻日。

首先特别鸣谢各位无论发短信、打电话又或者送礼物嘅friend。

当然我仲係比较物质，特别鸣谢关小姐嘅mastermind银包同hely嘅H300。。

今日只有同关小姐去咗行街吃饭，目标係买一个nike单背包用来翻学装电脑或者书。

可惜袋拣唔到，反而变咗同关小姐逛街，她收获唔少。。。。

中午係北京路一级棒吃饭嘅时候hely打来嘅电话里面係祝我快高长大，

但我觉得係智力方面更需要“快高长大”，继续我嘅大男生。。。。

星期日妈妈同婆婆过咗来，罗咗好多水果零食，我要求嘅LCD，

唔少得妈妈亲手整嘅饭餸，唔可以漏仲有爸爸要我锻炼同注意学习方法嘅口信。

来到婆婆坚持将个液晶从地铁站罗到饭堂，我想抢来罗都唔得，

老人家系甘坚持，其实应该我去睇她至系，点会连呢的时间都无呢。

妈妈专门带咗汤仲有鸭同兔肶，吃咗中午同玩黑先吃得完。

我唔系好中意屋企罗也来，不过我想除咗罗也来，妈妈同婆婆都系想来睇下我。

所以都系唔可以点拒绝，或者只可以唔好隔甘耐返屋企。

系饭堂，我一边吃饭一边同她地倾计，肯定会问我读书系咪甘忙。

然后话读高三嘅表弟唔多生性，最后又讲我毕业点。

我坚持话出去做也，唔读研究生，

与其勉强出去留学嘅话我宁愿屋企买返套舒服的嘅房好过。

似乎毕业一下子又近咗好多，好多也未到已经摆系面前，

我是在唔可以再系做作业果时发下呆或者浪费时间。。。。

今日早上有计算机网络实验课，系网线制作。

虽然第一次做，但按照实验文档做一次就压ok咗，

有的人就检查果时发现有线调转咗或者过分的就得一半灯着。。。

TIA/EIA 568B标准嘅线对顺序已经背得出：白橙、橙、白绿、蓝、白蓝、绿、白褐、褐。

最后同老师讲话条网线好短下次其他人做唔方便，结果罗咗自己做果条返来留念。

虽然条网线得30厘米到基本无乜用，但系自己亲手做咗出来就少有成就感。

今晚吃饭嘅时候，屋企问返学之前使唔使交学费。

我话唔知，事实上真係唔知，

并唔係我无留意，而係同室嘅班长都唔知。

屋企就係觉得係我无听到或者听漏，

或者另外嘅意思就係我自己的也自己都唔留意就，算其他途径都应该自己去了解。

当时就係想到第一样，有的嬲“我真係唔知啊吗，都无人理我地嘅”。

我地班好似係处于无班主任状态，所谓嘅班主任也唔多理，

或者係大学根本就无咩班唔班主任，总之就无咩人来理你，自己搞掂。

“都无人理我地”讲得无错，但脾气好似就发得有的唔负责任。

就算係问其他班的人收几多学费都应该自己去问，唔通叫屋企问咩。

本来就应该好大嘅危机感又开始有的涌现，

上个学期嘅成绩单，放假睇java已经无再甘勤力，下个学期7课专业课。。。。

而大学的确係同社会有的接近，係“都无人理”你嘅，

甚至有的也本来人地要为你服务，但都係要自己执生，唔係都係得自己吃亏。

体育课老师漏给成绩要自己亲自不断追果个老师先得，

SRP计划的项目要自己有实力或者主动去稳老师，

係课程学到的也唔够要自己睇书。。。。

点先可以多的危机感呢，甘落去唔得嘅喔。。

寻晚又落雨，今晚又落雨，

印象中嘅夏天係会经常突然甘落雨，而唔係偶然甘一两场。

以前係唔会关心天气嘅，但刚刚过去嘅春天冬天同秋天又係会比较清晰。

秋天会一直都无雨落好，大风会吹乱我的头发；

冬天好冻更加大风，偶然会突然热一日，

每日都会觉得自己着得好臃肿，整日会为着来着去得都得几件外套烦。

春天就落左好多，差唔多每日都落，人会中意留係室内，

一落雨校道就一定会水浸，但係仍然唔会好中意着拖鞋。

夏天可能因为过紧而有的理所当然，无咩感觉，就係每日都热囖。

以前开始留意天气果时会订短信，后来会随时上网睇，

不过再后来反而觉得随便的偶然遇到落雨都唔错。

好少会惊着得少，最惊就係好热但着左长袖係一群短袖到好奇怪，

唔确定着几多就要睇其他人，最后都係回归跟返自己感觉。

有时觉得整日睇天气预报就係太保护自己，应该有自己嘅感觉，

偶然落雨无带遮都未必系一件坏事。。。。

寻日坐车去某地，又要迟到，

问题係我转车果个站好似无车去我想去嘅地方。

决定打的，原来除左落雨，天热一样无的打。

终于想到再踏多个站再转车，平过打的好多，同时觉得自己转得好慢。

于是就随便上左部车，然后落车，睇站牌稳去某地嘅车。

呢个时候后面有部公共汽车报站话开往某地，原来就係我刚刚落果部车。

我实在唔好意思再上返刚刚果部无人企车，有人企完一个站落车再上返车实在太奇怪。

终于再等到去某地嘅车，又係同一路车，

应该唔会有人留意你坐同一路车係某个站落左等下一班又上返，真係有的霉。

为左目的忽略左过程，结果走埋弯路。。。

呢个故事仲讲给我地听搭车果时要先睇清除站牌，就算随便上左车都要睇清除部车去边。

特立尼达和多巴哥 同 瑞典 打，瑞典几乎按住特立尼达和多巴哥打。

但系特立尼达和多巴哥真系打得好顽强，下半场给人罚落一个都照打。

仲会进攻射中门框，搞到瑞典士气低落，最后坚持到0：0。

可能唔系好多人睇呢场比赛，但我觉得见证左一支弱队嘅顽强。

中国队就真系唔好提。。。。学下啦