DZ

今晚彻底离开华工，宿舍锁匙也都交咗，的士开出华工嘅时候奇怪嘅感觉应该就系唔舍得。

其实我应该再早的离开，留系学校拖住呢几日其实好唔积极。

每日见到书从楼上飞落楼给人一堆堆甘卖，唔同人请唔同嘅饭局或者快餐，周围呢个果个系到转来转去影相。

本来应该第二个走，点知变成最后一个走，清走晒地下要卖嘅书之后我台面同柜仲系甘乱，点都唔想执，结果拖到今日终于有决心执。

原来真系有好多也，一个红白蓝装晒的书结果搬唔起身，仲要带走埋其他人唔要嘅桶席衣架去扶贫。。。。

最后结果系差唔多塞满一部的士，准备走返去同人道别嘅时候特然记返起宝贝66漏咗系宿舍门口，差的就永别。

桶装水同饮水机送咗给小王子——一个要读多年嘅奇怪同学，洗衣机系最后一刻卖咗个隔离班2个男生。

临走宿舍就空空甘好似刚刚来果时甘，只不过地下多咗的废纸垃圾，台底同床边嘅墙邋遢咗。。。。

回忆都打包走埋返屋企啦。

下午最后一次来图书馆实验室，整理实验室电脑里面的资料。

除咗留低里面的游戏，其他所有都删晒，顺便再get一个最新嘅版本来留念下。

唔知系咪给我折磨得耐咗，硬盘效率好慢的项目备份有排删，甘等我祟去图书馆顶到影下相先。

正门

好似叫流诗湖，最近落雨装满水变得好靓，其他音译自行理解。。。。。

准备影另外一边嘅时候，给物管姐姐撞到话楼顶唔给学生上而且图书馆里面唔给影相喔，乜规定。

我话我影图书馆外面咋嘛。。。。 为咗唔搞甘多事就甘溜咗。

要系图书馆欣赏日落都只可以系的又长又窄嘅窗到“装”啦，反正以后都无乜机会再睇，除非我做领导啦。

同各个研究生讲byebye，同某人道别实在寒暄唔起而且他貌似只关心我部实验室电脑个位可以空出来，算唔应该对他抱幻想。

ok，离开呢个令我又爱又恨嘅地方。

宿舍台面延伸到周边嘅凳都好乱，书同好多嘢唔知从边到执起，本来想住执下嘢点知堆得更加大规模。

其他同样堆咗好多嘢，邮箱里面堆咗的未睇嘅邮件，重要blogbus漏咗上星期一堆嘢无邪。

想一次过清返晒，但越堆越多。

原来自己买咗2次同一种护发素来洗头，上星期同学借我支“洗头水”来用先发现，怪唔得支嘢平的又稀的。。。。

今日应该影毕业相，然后早上起身就开始落雨，唯有通知爸爸妈妈同其他人取消，唯有推迟。

但有的家长同同学之类果的已经来咗，最后的人就开始系宿舍走廊开始颠。

无带相机就开始系各个宿舍之间游走，见到熟人就叫人帮手影，见到新东方识果个女生，原来她同一个同班同学系高中同学，好巧。

最后连“千手观音”都影埋，下星期仲有得颠多次。

// 分割线

寻晚前计机会张返来请吃饭，本来唔想去，但各位“老人家”都出席而且有专登叫埋我就唔好推。

我系想住应该宽容的对呢个人，或者想改变下自己对他同果的唔高兴事嘅睇法，不过结果系令人失望嘅。

饭局气氛比较尴尬，如果同学或者friend之间吃饭会大家客气甘斟茶倒酒甘，但点解呢的都要被命令呢。

果个人要大家讲下大学搵工之类嘅经验，然后自己讲一轮，最后仲讲得好送书，搞抽奖送购物卡添。

貌似大家都听得有的无聊，同某女生偷偷发短信，话想闪。

给人话自己一直好似死人面甘，再扮笑下啦，点知后来知道人第觉得我系係到似笑非笑。。。。。

睇来我都系好难隐藏自己嘅想法，尤其对得完全无好感嘅人。

我仲系好佩服呢位前会长嘅果种居高临下嘅组织力仲有野心。

送的书系电信送给vip客户嘅书，贺卡仲系happy new year，购物卡估计都系公司派嘅姐。

虽然做电信网管，但明显你混得唔够好啦，你返来只不过系想再铺多的人际网络。

我其实来唔来都无咩所谓，只不过他做给人睇他有气量，除非我再引起其他人缺席他先会惊，但我绝对认为无下次再见你嘅必要。

尤其听完对我嘅评价，发现呢个人完全无变，仲系认为他赐予我的乜系甘理所当然。

好在跟住晚黑唱K无去，话赶论文，听讲气氛都比较尴尬，真系恶劣。。。。

// 分割线

Live Mail对space嘅RSS订阅特然间好返，未读订阅源特然间多咗40几个未读。

之前short咗唔得闲或者懒得去睇呢几个人嘅space，依家快速浏览下，唔同人，唔同嘅经历，唔同嘅态度。

思想基础又有的受到动摇，不过好快就忽略，同小力同学讲嘅甘去平视其他人嘅生活态度。

// 分割线

最后好似比较少关心周围嘅人，可能系自己忙，又可能真系忽视咗。

临近毕业实在受到好多思想嘅冲击，有时觉得无所适从，但只能做好自己至少能做好嘅事。

仍然觉得好多时候好多嘢都只可能系一个人经历，其他人只能够鼓励你，但无可能完全体会你嘅感受。

好多时候想挪电话打给人，但人第做紧乜呢，跟住电话又放返低。

// 分割线

听日继续留系学校改论文，大致写好，但结构要调整。

帮手睇论文嘅系blue通道个PM老师，发现他超吹得，叫我将项目无嘅嘢都吹埋上去，怪唔得他要整日派去同电信沟通。。。

顺便讲下blue通道已经4号上咗线，链接如下www.b channel.cn，请自行去除中间空格，但我做嘅系后台show唔到乜给人睇。。。。

9号前又有bug要改，听日又要去加下班。

听讲仲有一笔补贴，但因为下星期去四海吃饭就发少5够水，唔去冇得折现，又要听某boss讲废话。

发少的钱就算啦仲要精神折磨，好似上次甘，你猛讲我就猛吃。

早上8点起身想住可以搞下论文，点知起咗身好眼瞓，系张凳到又摊咗半个钟。

中午赶改嘢，个老师下午要演示，搞到吃中午饭嘅时饭堂已经得几个人。

睇完的bugList，其实只要现实的就知道旅游无咗行程表呢样嘢，的嘢边做得完，仲要写论文。

而我好想去旅行，预期话我好想去边个地方，其实系我只系想逃离呢到，呢种状态。

又可以成为我点解最近3个星期连续去打《鬼屋4》嘅借口，但毕业设计同论文无样走得甩，唔通唔毕业咩。

今晚小三话美院晚黑有他地系动画毕业展，放低做唔完嘅blue通道，都系一个人去比较好。

去到已经坐满人，要坐楼梯都唔多位，但气氛好好，的人都睇得几有兴致每个作品介绍或者播完都会鼓掌。

有动画，也都有3D，互动、游戏或者其他静态展品嘅录像都有，仲有的学生代表发下言，有带强烈“乡音”嘅家长代表发言全场爆笑（算系另外一个行为艺术节目挂）。

有的作品都几有创意，可能对美院的学生来讲会常见，但对于一个做咗半年工人嘅人来讲就几新鲜。

又令到我觉得大学生活原来应该甘有趣，但之前嘅我可能更加中意留系宿舍。

仲有一个咩动漫合作挂牌签约仪式，一睇就知无排练过，的牌同证书系的领导嘉宾同礼仪小姐之间转来转去。

仲有美院的礼仪小姐套衫好制服feel，开头以为系的来cosplay嘅。。。

然后某校长定院长讲话，虽然无我地学校甘僵化，讲多系自己专业嘅嘢，但最后由开头唔想讲变成长气，终于好似其他美院学生甘唔给面甘走咗去吃宵夜。

係南亭，隔离台系一个广工嘅鬼佬英文老师，居然主动搭讪，甘就一齐吃囖，的三脚猫英文仲算沟通到。

讲下他的经历，吹下USA同呢到嘅差别，仲有他的经历，影下相留咗Email甘。

由于宵夜挂住鬼佬倾计，唯有上美院宿舍继续倾，发现自己其实都无咩规划反而去担心人地以后点。

宿舍7楼好凉爽，听讲美院晚黑的教学楼可以通宵，真系free，最近好需要呢的感觉。

// 分割线

星期日有一对老人系外面来屋企，应该算系亲戚挂，小学嘅时候去过他地屋企玩，但已经无咩印象。

中午吃饭，个公公个样仲有的印象，但个婆婆就。。。。个公公听讲话做咗声带手术唔多讲到嘢。

他地话系专门来睇我嘅，应该客气成分居多，当然餐饭他地吃得更加客气。

的点心他地可能唔中意吃，点咗1个鱼1个鸡爸爸又话够唔使再点，他地如果唔系主动夹餸给他地，他地係唔会自己夹最多倒的鱼汁。

于是后半餐我几乎除咗自己吃就系望住睇下他地有无自己夹过餸，都系无，搞到自己都唔好意思吃。

我有的想发作，果边就好客气甘话唔使点多个菜，然后2个人用鱼汁吃咗2碗饭，屋企呢边就话够唔使再点。

最后2个老人家仲封咗封利是给我，但我宁愿封利係吃饭果时挪来点多个菜算。

我好讨厌呢的“客气”，第日我给钱嘅话，你系就吃饱，系就咪来酒楼吃啦。

今日早上去拜山，係亲戚屋企嘅硬板床到爬住真係唔想起身。

寻晚係另一个亲戚屋企“加班”到1点，走嘅时候仲差的给人当贼，搞到我今日有的唔好意思再来上网。。。。

因为唔系周末，的细路们个个要读书就无去到，就得几个大人。

呢家拜山已经无人新路去，全部坐车或者摩托车自己到山脚再行几步上去就得。

今次我唔使搞卫生，负责填字，的红漆唔係好均匀，上面果的好稀，搞到有的字“流血”。。。。

基本上係无技术含量嘅体力劳动，搞咗我半个钟有多终于写完，其他修葺都ok啦，开始拜。

今年无请念念有词果的主持仪式嘅先生，所以基本上就摆祭品，烧下纸同香就係甘。

好快就烧炮仗，的炮仗从右面到左边围住个墓，烧嘅时候中间居然停咗2次要再点，有的炮仗会弹出的慢慢变大嘅烟圈好几得意。

係烧炮仗嘅时候各位乡亲父老终于係使唔讲呢样果样，呢个时候大家应该会诚心的挂。

中午係一个亲戚屋企集体吃饭，係墙到有某个过咗身老人嘅相，睇个名原来之前屋企偶然提过嘅係呢个人，係上次或者再上几次返来嘅时候老人仲係到嘅。

中午吃完饭实在忍唔住，一大班亲戚係旁边倾计吹水，我就係旁边凳到瞓咗阵。

下午又去另外一个亲戚屋企，一个叔公告诫话我出到去做嘢要虚心的对待的师傅，呢个叔公比上次返来嘅时候又老咗。

然后睇人係鱼塘网鱼，虽然我好急住要想去加班，而且有人来短信吹啦，但始终都係睇埋先。

感觉自己有的受虐倾向，整日想住要改的代码，但其实每次做完好快有有新问题，甘不如慢慢来。

下午3点几又做到呢家，我真係来做咩咖。。。。。

今晚坚决唔“加班”，煲路路修好过。

今朝闹钟无调到平时上班要起身嘅时间，父母反而紧张叫我起身，今日我算无咩理由就唔上班。

其实都唔算得闲，今晚仲会去爱立信宣讲，虽然几乎就招硕士，但想住去玩下笔面都好。

寻玩其实绷紧，整晚係到填校园招聘嘅英文简历，阿Sa生日唱K无去到，我唔知点要她明白实习落班之后有咩忙。

总之就成12点先训，的项目经验好多唔识表达，呢次想住靠自己搞掂，始终都係要自己讲返。

网易嘅游戏软件工程师无投到，12点截至，借口可能系无时间或者唔适合，但积极的应该想去玩下笔试同面试。

事实证明我唔係可以係压力下做到好多嘢嘅人。

今日同带我嘅人请假他要我同经理讲，可能我请得多咗的。

不过我真系好想听日再请，以后搵到工可能连呢的可以特然请假嘅时间都无。

去左东澳岛同海泉湾温泉，比较懒，贴图讲两句就算。。。

1、2号：东澳岛

具体唔介绍，听讲网上的图片话好靓，我认为如果平时唔多人天气好的话呢个小岛的确系个好地方。

以上假设条件我呢次旅行中都系出现相反状况。。。。

东澳岛从珠海去，跟团原因搭的肥肉——珠海渔女，一句讲晒都系去睇人嘅（留意远处点点都系人）。。。。

有虾有鞋嘅午饭后，九洲码头出发去传说中嘅东澳岛。有雷达嘅大船来，系海面上行，有的少少晕。

落码头第一张

整部船广猪旅包晒，睇下几多团友

传说中嘅广东马尔代夫（其实就果丁海滩）。。。。。

之后系1号下午，除鞋行海边，天气唔系好好无游水。

然后晚黑，文字表述恶梦开始，手提无地方充电唔敢开，手机惊无电唔敢听歌，间唔中落雨咩活动都无。

难怪见到的人好似细胞分裂主角甘带住好似矿工甘嘅电筒係头到。。。。。

晚黑刮大风，时不时落雨，唔出得来，呢到补充由于人多关系，我地只系住帐篷，整晚风雨交加。

帐篷系沙滩上面，可以担心埋海啸，然后手提最后睇到无电，整晚系帐篷里面逐个钟逐个钟甘度日如年。。。

我地算幸福帐篷无吹倒，有人系晚黑最大雨时候帐篷吹倒左，引用原话系：“都唔知出来定唔出来好，出来就淋湿，唔出来帐篷又渗水的嘢湿晒啦”。。。。

第二日早上，一半帐篷倒或者已经唔见左。。。。惨状如下

有更加离谱嘅（唔使惊，唔系连人吹落去嘅）

第二日早上，你睇下个天，就系甘一阵落雨一阵刮风一阵又出太阳。。。。

沙滩的沙系几幼细，踩系上面，波浪会冲走你脚底的沙人会馅落去一的，听讲呢到个海比其他地方算干净

有时会大浪的，听讲海南岛果边有台风，貌似系有的影响，好在返去无停航，唔系帐篷都无得住。。。

岛另外一边又有一个海滩，好多石唔适合玩

最后一张，令人向往，但仲未一望无际嘅大海

2号中午错过左目送提早4分钟开嘅船，不过坐上左传说中嘅飞翼船返珠海，快得离谱，来嘅时候普通船90分钟，返去先30分钟就到。

不过貌似飞翼船系开得快，但上落客超慢。。。。

返去时候浪大左，船又快的浪经常打系床边，摇得唔算太犀利，听讲最大浪会似坐过山车。

晚黑落脚正对拱北关口嘅酒店，珠海同学带路去海鲜街吃左唔错嘅海鲜，逛左拱北关口到个大嘅地下商场，仲顺便打左下机。。。。

3号去左海泉湾浸温泉囖，睇到海边嘅温泉，服务系唔话得啦，个死海池浮起身几得意，不过外面的人工景色就无咩好睇啦。

然后。。。。。然后就返左广州囖。。。

上午继续瞌眼训同刨《人月神话》，然后中午。。。。

公司饭局

     中午公司请吃饭，之前收到风係话只要唔住係广州或无结婚就有得去，不过实际标准係唔住係广州而且无结婚的人先有得去。

本来想住无得去，点知中午时分我地科得1个人去，另外3个无结婚嘅人无返，带我嘅人叫我都去埋，我终于知道原来我地科甘多人已经有家室。。。

于是我就好厚颜无耻甘去埋，反正去吃饭，不过全个科得2个人去自己有的唔好意思，不过无人话实习生唔给去嘅。

可能係果个标准太苛刻嘅关系，去到5围先坐咗4围，貌似的人都唔中意同领导坐，係惊饮酒定讲错嘢呢。

貌似公司的n总m副总都有去，菜色唔错，可惜喉咙痛n多菜只可以吃少少。

由于係实习生关系我最多给人问叫咩名，唔使巴结各位领导，除咗吃饭就係唔停甘干杯，反正对住的领导笑就得，他地会识讲“新来的”之类嘅话唔使我费心。。。

入公司来第二次饭局，发现几乎吃饭唔饮酒係唔得嘅，而且2次都系有红酒，虽然我都算识饮，不过通常係的领导先会给人发现识饮酒，因为n多人要去敬。

隔离台某女领导经常给人敬，面红得有的恐怖，听讲她饮酒好犀利以前吃饭试过罗碗来饮。。。。

最经典係每张台都要去其他台敬酒，去隔离台围住张台转一圈每个人一个个甘碰杯然后再饮，想象下4张台每张轮流都要敬另外3张台，全场起码转咗12圈以上。 

提早落班

     下午训紧觉3点多的听到有人话落4点，唔知点解就训醒咗啦，再问人原来係真嘅，通知得比较迟挂。

荡失路

     係单位交通车上改变主意，决定去同大学同学吃饭，居然妈妈同婆婆都同意，比较难得。

本来想住快的岗顶站落车然后地铁3线去东站，点知坐咗3好线一个站之后先发现原来係去天河客运站嘅分支。

即刻落车，点知对面先居然有车都逼唔上，给人崔啦，于是出站想住打的。

天河北附近明显无空嘅的士，车站得41去东站，等着一阵无车就向中信行，行咗一个站终于有部好满人嘅41来咗。

从后门上车坐咗两个站发现好事线路图个方向係调转嘅。。。而且就到东站应该唔会甘多人挂，问人之后发现真係坐错方向。。。。

趁司机给人从后门上车嘅时候溜咗落车，好在方向无错，望到中信更加近，当我已经发誓肯定唔会行去东站。

再向前行多个站，奇迹终于发生，有去东站嘅车，塞咗两个灯位居然就到咗，突然顺利得出奇咗的。。。

然后电话问人宜家点去，答案係天汇城对面，最死就係地铁隧道到又有天汇城嘅指示。

等我在係地铁到问完人从F出口出来发现点解刚刚落车嘅地方係就係对面嘅。。。。orz，原来落地铁兜咗圈又返返上来。。。。

仲未玩完我，係距离宜家100米处问某酒店保安伯伯宜家係边，貌似他听唔清，“宜家家私啊”“宜家啊”。。。我重复咗n次之后，阿伯有的茫然甘话“‘依家’啊？”然后睇表，冷。。。。。。我都茫然

索性问保安伯伯边到卖家私，终于知道要向前走过路口，终于见到阿伯要睇表嘅“依家”啦。。

好庆幸係侧面睇到2楼餐厅嘅时候无从侧面入而行返正门，唔係我今日又会荡失多次。。。。。

宜家咖啡厅

     兜完有的迷宫嘅宜家，见到员工餐厅又差的以为自己又荡失多次，终于搵到宜家咖啡厅。

汇丰的人查唔多係晒到，除咗2个家属1个同学嘅同学，当然仲有狼藉嘅台面。。。。

装满酱嘅碟，吃剩嘅1粒牛肉丸、1只鸡翼、1片三文鱼、1/2个蛋糕、1/2 n次方嘅薯仔。。。。。

他地全部吃饱晒。。。个个都望住我吃，我话“感动”到吃唔落，他地话“几辛苦几辛苦”先留到呢样果样给我。。。

然后我都好乐意同他地分享保安伯伯“依家”嘅冷笑话，我比较后悔点解唔返婆婆屋企吃呢。。。

他地都有讲汇丰里面的嘢，貌似他地会几认同里面的文化，又问我几时面试，又话我应该唔难入，不过我费事专登话唔多想去啦。

可能比较熟，我居然识讲的嘢，难得甘有些少幽默感。

给人“偶然”翘手

     倾得差唔多大家话走顺便逛宜家，某女生居然上来叫我“靓女”仲翘住我只手，她当我“姊妹”挂，不过我想住如果她唔放手我都一路由她翘嘅。

不过呢个时候有人提示我地唔记得执台，我係最尾吃嘅肯定冲返去执啦，当时就挂住执台甘就甩开咗人地只手啦。。。。

执完台之后就无人翘返我啦，去完洗手间之后，果位女生在内3个女生就“失踪”走先咗。

剩返一行人有的乡下来甘係宜家到大惊小怪甘逛，我真係有的想除鞋爬上床跳，宜家里面的确有的靓女睇，不过背住部nb行得好累。。。

见到人地见到自己

      吃饭果时虽然自己在内个个都差唔多係着到返工甘样，但始终感觉到做紧嘢的人係有的唔同。

虽然自己迟的一样唔知会容易定好艰难甘搵到工，但的确係有的唔想面对呢的事实甘，我会赚到钱可以去物质下但也要面对好多烦恼。

见到吃饭同逛宜家时候果2pair拖住手或者跟住，他地着住工装一齐同学校一齐给我嘅感觉好唔同。我有的迫切甘，係米要搵个一齐行嘅人呢。

我有太多嘅嘢要想，同时我又想得太多嘅嘢。

DZ小朋友嘅想法仲系好幼稚，认为呢个世界上的人唔系好就系坏，虽然他立志做一个坏嘅好人。

原来改他份协议嘅人系他师姐，之前觉得嘅怠慢似乎真系因为人力资源个经理无返。

听日DZ小朋友仲要揾呢位刚刚先知嘅师姐协商协议，而且貌似会受到友好对待。

原来认为嘅坏人似乎又变返好人。

小朋友已经唔似星期五晚黑甘冲动叫嚣要再揾实习啦，因为他依家觉得之前比较似好人嘅学院老师其实系坏人，笑他份协议刺激到他。

经过周末慢慢想之后他知道其实实习都差唔多，间公司松的无实际野做反而可以令他唔使错过10月份嘅各种校园宣讲会。

睇来DZ小朋友都唔蠢得晒，只系想野慢左半拍的，他知道以后无论见到的咩人讲的咩做的咩都唔好即刻反应，要想过度过先。

见到人要先表面上当系好人，实际当系坏人甘想，而且要知道有的人又系好人又系坏人。

今次他仲要知道好多小朋友都叻过他，他要勤力的学习先得，唔系以后就会好容易受其他小朋友或者大人气。

DZ小朋友几时先可以大个呢。。。