DZ

今日同新同事去天后宫玩，听讲仲有离广州最近嘅“海”睇。

早上早咗起身做好功课，边到落搭乜车，网上连相都

地铁四号线唔使钱，公共汽车1人3蚊就几乎包咗车游花园。

仲有个小插曲，去嘅时候车上发现咗一顶竹帽，系半路还返给对面同一路车上面嘅一个婆婆，真系和谐。

唔值得一提就系G5去到影咗几张相就罢工，可以放心玩唔使挂影相，但背住重咗整日。

天后宫之前已经去咗几次，仲记得以前系天后脚下玩过沙炮，今次做咗功课知道原来果到的楼梯全部都系双数嘅。

不过无乜脚骨力，上几层就坐一下，何况我地对拜神都无兴趣，最后上咗最高个塔超好风，系塔顶坐咗好耐，仲折埋纸飞机飞落去。

然后下午去咗天后宫前面嘅有的邋遢嘅沙滩，网上讲系“蓝天白云黄水”，不过今日系灰天黄水。。。。

行远的岸边避开垃圾同石头，的沙会干净的，的珠江水有好过无就系啦。

有的地方的沙好软个人企耐咗会陷落去，我怕死就唔行甘出，不过我唔止一次扯返个同事上来。。。。

最后裤都湿晒，不过我只带咗换嘅衫。。。。一路湿到返屋企，系“包”嘅公共汽车同地铁上超冻。

以后上班唔知几时再有的甘free嘅时间啦。

下午最后一次来图书馆实验室，整理实验室电脑里面的资料。

除咗留低里面的游戏，其他所有都删晒，顺便再get一个最新嘅版本来留念下。

唔知系咪给我折磨得耐咗，硬盘效率好慢的项目备份有排删，甘等我祟去图书馆顶到影下相先。

正门

好似叫流诗湖，最近落雨装满水变得好靓，其他音译自行理解。。。。。

准备影另外一边嘅时候，给物管姐姐撞到话楼顶唔给学生上而且图书馆里面唔给影相喔，乜规定。

我话我影图书馆外面咋嘛。。。。 为咗唔搞甘多事就甘溜咗。

要系图书馆欣赏日落都只可以系的又长又窄嘅窗到“装”啦，反正以后都无乜机会再睇，除非我做领导啦。

同各个研究生讲byebye，同某人道别实在寒暄唔起而且他貌似只关心我部实验室电脑个位可以空出来，算唔应该对他抱幻想。

ok，离开呢个令我又爱又恨嘅地方。

今日应该影毕业相，然后早上起身就开始落雨，唯有通知爸爸妈妈同其他人取消，唯有推迟。

但有的家长同同学之类果的已经来咗，最后的人就开始系宿舍走廊开始颠。

无带相机就开始系各个宿舍之间游走，见到熟人就叫人帮手影，见到新东方识果个女生，原来她同一个同班同学系高中同学，好巧。

最后连“千手观音”都影埋，下星期仲有得颠多次。

// 分割线

寻晚前计机会张返来请吃饭，本来唔想去，但各位“老人家”都出席而且有专登叫埋我就唔好推。

我系想住应该宽容的对呢个人，或者想改变下自己对他同果的唔高兴事嘅睇法，不过结果系令人失望嘅。

饭局气氛比较尴尬，如果同学或者friend之间吃饭会大家客气甘斟茶倒酒甘，但点解呢的都要被命令呢。

果个人要大家讲下大学搵工之类嘅经验，然后自己讲一轮，最后仲讲得好送书，搞抽奖送购物卡添。

貌似大家都听得有的无聊，同某女生偷偷发短信，话想闪。

给人话自己一直好似死人面甘，再扮笑下啦，点知后来知道人第觉得我系係到似笑非笑。。。。。

睇来我都系好难隐藏自己嘅想法，尤其对得完全无好感嘅人。

我仲系好佩服呢位前会长嘅果种居高临下嘅组织力仲有野心。

送的书系电信送给vip客户嘅书，贺卡仲系happy new year，购物卡估计都系公司派嘅姐。

虽然做电信网管，但明显你混得唔够好啦，你返来只不过系想再铺多的人际网络。

我其实来唔来都无咩所谓，只不过他做给人睇他有气量，除非我再引起其他人缺席他先会惊，但我绝对认为无下次再见你嘅必要。

尤其听完对我嘅评价，发现呢个人完全无变，仲系认为他赐予我的乜系甘理所当然。

好在跟住晚黑唱K无去，话赶论文，听讲气氛都比较尴尬，真系恶劣。。。。

// 分割线

Live Mail对space嘅RSS订阅特然间好返，未读订阅源特然间多咗40几个未读。

之前short咗唔得闲或者懒得去睇呢几个人嘅space，依家快速浏览下，唔同人，唔同嘅经历，唔同嘅态度。

思想基础又有的受到动摇，不过好快就忽略，同小力同学讲嘅甘去平视其他人嘅生活态度。

// 分割线

最后好似比较少关心周围嘅人，可能系自己忙，又可能真系忽视咗。

临近毕业实在受到好多思想嘅冲击，有时觉得无所适从，但只能做好自己至少能做好嘅事。

仍然觉得好多时候好多嘢都只可能系一个人经历，其他人只能够鼓励你，但无可能完全体会你嘅感受。

好多时候想挪电话打给人，但人第做紧乜呢，跟住电话又放返低。

// 分割线

听日继续留系学校改论文，大致写好，但结构要调整。

帮手睇论文嘅系blue通道个PM老师，发现他超吹得，叫我将项目无嘅嘢都吹埋上去，怪唔得他要整日派去同电信沟通。。。

顺便讲下blue通道已经4号上咗线，链接如下www.b channel.cn，请自行去除中间空格，但我做嘅系后台show唔到乜给人睇。。。。

9号前又有bug要改，听日又要去加下班。

听讲仲有一笔补贴，但因为下星期去四海吃饭就发少5够水，唔去冇得折现，又要听某boss讲废话。

发少的钱就算啦仲要精神折磨，好似上次甘，你猛讲我就猛吃。

早上8点起身想住可以搞下论文，点知起咗身好眼瞓，系张凳到又摊咗半个钟。

中午赶改嘢，个老师下午要演示，搞到吃中午饭嘅时饭堂已经得几个人。

睇完的bugList，其实只要现实的就知道旅游无咗行程表呢样嘢，的嘢边做得完，仲要写论文。

而我好想去旅行，预期话我好想去边个地方，其实系我只系想逃离呢到，呢种状态。

又可以成为我点解最近3个星期连续去打《鬼屋4》嘅借口，但毕业设计同论文无样走得甩，唔通唔毕业咩。

今晚小三话美院晚黑有他地系动画毕业展，放低做唔完嘅blue通道，都系一个人去比较好。

去到已经坐满人，要坐楼梯都唔多位，但气氛好好，的人都睇得几有兴致每个作品介绍或者播完都会鼓掌。

有动画，也都有3D，互动、游戏或者其他静态展品嘅录像都有，仲有的学生代表发下言，有带强烈“乡音”嘅家长代表发言全场爆笑（算系另外一个行为艺术节目挂）。

有的作品都几有创意，可能对美院的学生来讲会常见，但对于一个做咗半年工人嘅人来讲就几新鲜。

又令到我觉得大学生活原来应该甘有趣，但之前嘅我可能更加中意留系宿舍。

仲有一个咩动漫合作挂牌签约仪式，一睇就知无排练过，的牌同证书系的领导嘉宾同礼仪小姐之间转来转去。

仲有美院的礼仪小姐套衫好制服feel，开头以为系的来cosplay嘅。。。

然后某校长定院长讲话，虽然无我地学校甘僵化，讲多系自己专业嘅嘢，但最后由开头唔想讲变成长气，终于好似其他美院学生甘唔给面甘走咗去吃宵夜。

係南亭，隔离台系一个广工嘅鬼佬英文老师，居然主动搭讪，甘就一齐吃囖，的三脚猫英文仲算沟通到。

讲下他的经历，吹下USA同呢到嘅差别，仲有他的经历，影下相留咗Email甘。

由于宵夜挂住鬼佬倾计，唯有上美院宿舍继续倾，发现自己其实都无咩规划反而去担心人地以后点。

宿舍7楼好凉爽，听讲美院晚黑的教学楼可以通宵，真系free，最近好需要呢的感觉。

// 分割线

星期日有一对老人系外面来屋企，应该算系亲戚挂，小学嘅时候去过他地屋企玩，但已经无咩印象。

中午吃饭，个公公个样仲有的印象，但个婆婆就。。。。个公公听讲话做咗声带手术唔多讲到嘢。

他地话系专门来睇我嘅，应该客气成分居多，当然餐饭他地吃得更加客气。

的点心他地可能唔中意吃，点咗1个鱼1个鸡爸爸又话够唔使再点，他地如果唔系主动夹餸给他地，他地係唔会自己夹最多倒的鱼汁。

于是后半餐我几乎除咗自己吃就系望住睇下他地有无自己夹过餸，都系无，搞到自己都唔好意思吃。

我有的想发作，果边就好客气甘话唔使点多个菜，然后2个人用鱼汁吃咗2碗饭，屋企呢边就话够唔使再点。

最后2个老人家仲封咗封利是给我，但我宁愿封利係吃饭果时挪来点多个菜算。

我好讨厌呢的“客气”，第日我给钱嘅话，你系就吃饱，系就咪来酒楼吃啦。

一个人係酒店房间对住电脑，另外一个人出咗去买嘢，熄咗电视唔挪手机播歌之前会有的孤独感。

可能只係空调吹住有的冻嘅关系，出差唔系离屋企好远已经觉得唔习惯。

其他人唔知我做紧咩，好似我唔知其他人做紧咩一样，大概以后做嘢之后就误会好似大学甘每日有另外3个人每日知道你做紧咩。

今日早上7点手机响之前已经醒咗几次，张床仲算舒服，有的担心扯埋人地张被过来，不过张被好宽我白担心。

仍然係打的去上班，地铁有的远，公共汽车更加唔知边到有站，所以继续係来出游嘅感觉。

感觉上深圳的的士司机唔多识路之余开车都比较狼，整日强位，可能系呢个竞争激烈城市嘅侧面反映。

但返到公司感觉就会相反，寻日接待嘅人搞错咗我个姓，係公司门口继续有的麻烦先上到去，每日都要将打印嘅访客证贴係心口先给入。

百士通个办公室里面的人几乎过一段时间就係到话又睇到新闻有地震新消息，好得闲甘研究咗点解地震会係7.8级，的地方有几惨。。。。

 而我今日就努力研究点连上实验室不电脑，直通车居然联通游戏优化快过电信。

虽然睇到桌面，但仲系比较晚，最后都係傍晚时候叫人帮手签入的新文件。

下午研究一个方法因为漏咗的嘢搞到内存泄漏咗好多镬，调试一执行到果断代码内存就好快无晒，如果摆上线就过瘾啦。

最后问题好快解决，只要抛开之前考虑嘅内外循环效率问题就好快解决咗，调转内外循环就悭返下午嘅一堆无用工。

同时今日下午都见识咗电信需求果边的脑残，下面係技术部同非技术部对话：

非技术部：MS的页面一直没有做好

技术部：但你们定了（需求）吗？

非技术部：。。。。。（没有），但他答应说做好的

技术部：。。。。 。。

我係旁边做嘢好再无听晒果两位仁兄嘅对话，唔係我想会过去搵果位非技术部“出去商量问题”。

仲有值得庆祝，今日中午吃饭时候我终于好有自信甘同电信嘅人讲咗的我识嘅嘢，页面权限係可以好容易扩展到其他新页面嘅。

之前其实我都一直系係旁边做自己嘅嘢，其他都嘢係另外一个人同电信的人商量。

我觉得自己应该好容易给人睇穿係学生，逢亲讨论都几乎唔使参与（因为好少设计我个管理模块），上班狂嚼益达仲吃M&M唔束衬衫，总之同另外果个从公司来嘅人差好远。

如果我听日在趴係窗台大话的景好靓，再影下相甘添肯定就穿煲，因为甘会仲离谱过实习生，其实都好好像做呢的嘢，可惜我要扮正式开发人员。。。。。

仲有今日发现原来电信饭堂的饭票唔平，要15蚊张，但印住6蚊，大家知咩事啦。

仲有仲有，今日见到传说中嘅靓女，之前个测试讲过，的确靓女，不过又唔係负责我地个项目，如果系话唔定仲脑残。。。。

下星期都仲可以出差，我想紧係咪为咗挪多的补贴，甘之后去旅行就唔使问屋企挪钱而继续来呢。。。。

今日一早起身扑去东站，原来屋企去坐公共汽车方便过地铁，而且早上无咩人。

赶到去7点四，以为迟咗1个字，点知原来寻晚听错人地话45分，人地先刚刚出门，係K到等咗几个字。

终于有机会给人和谐啦，时速最快真係上200公里，1个钟多的就到深圳。

如果唔使日日坐，我会觉得呢的火车靓得来都坐得几舒服，如果中国的火车都係甘几好呢。。。。

由于我拖住箱好似去绝对似去旅行，同通行果个就背1个背包形成强烈，所以先放低咗的嘢。

10点就去到电信果到，出入管得几严，我嘅到来貌似唔係计划中如去就有的麻烦。

终于上咗楼，係一个号码百事通嘅办公室，坐低，可惜窗口位都有人唔甘行埋窗旁边，但离远望到外面可以见到晒周围的景。

到中午终于见识到国企饭堂几甘正，7蚊就n多餸，同一条队嘅餸你可以从头要到落尾，挪多的的话两个人吃够，而且第一餐接待嘅人请添。

貌似连话务果的都係到吃饭，当然有养眼嘅mm啦，听日可以继续发掘。

中午得一张凳，瞓觉果时超想将摆只脚上台，果到的人就有折床睡袋，对比太强了了。。。。

下午其实仍然无嘢做，只係自己慢慢研究下的bug，旁边有人係到倾的需求讲到天花乱坠，就算同我地个项目有关都唔係我果部分。

无人问我都唔多想话自己係负责系统管理开发，费事的人心血来潮特然n多需求变更我就甘啦。

5点半落班，好似周围唔係好多人，但睇到马路对面车站的人就纠正咗我嘅想法。

打的返酒店摆低手提吃饭，然后闲逛咗下赛格广场附近，感觉深圳有的地方靓过广州，有的地方又广州靓的。

普通话係主流，但都听到唔少广州话，但见到外省人多，果然係一个移民城市。

七日连锁虽然得大床，不过有上网之类的嘢几方便。

PS：呢到福利超好，斜对面张台到有袋米，似係分剩嘅，地下有粟米油嘅箱，知咩事啦。。。。

今日虽然感觉唔到地震，听闻广州都有feel，希望果边唔好挂甘多人。。。。

係海报栏“学习打机两不误”果张贴子寻日仲于给人水产咗，总之就唔见咗，仲密谋话贴张广告位招租上去添。

今日来咗3个师弟师妹，上午来2件，下午来1件，就甘介绍咗我整日，讲到喉咙都痛，居然讲到页面权限代码给个师弟问到答唔到。。。。。

反正他地以后都系接我手啦，好似个研究生话斋“他们接手得越快你就可以越早撤”，睇你地啦。

咦，个师妹唔错喔，不过写代码就唔多熟手，我对你写的代码感兴趣的。

然后我下个星期有得去深圳“出差”，做毕业设计做到“出差”啊，我嘅身份係某公司开发人员，最麻烦係要好似实习甘着正装。

当然有n多好处先去“出差”啦，可以去增长下见识睇下电信里面係点样、最紧要係有补贴、可以去深圳睇下玩下、又可以坐“和谐号”。。。。。

不过其实因为无人去啦，其他的本科生已经经常唔来，得闲果的测试又唔係开发人员，的研究生有课，某公司如果派正式员工去可能仲无我甘廉价，得我最听话仲日日“加班”，而且仲改bug超积极。

到时大概就係系电信一个会议室坐下，紧急嘅bug改下，唔紧急可以全部交晒给师弟师妹。

有时间的话可以开始写论文，千奇唔好日日抓我去开会，我瞌眼瞓给你睇。。。

最重要，果到係市中心来咖，深圳中轴线，地铁交汇点，CBD，周围好似好多商场啊。。。。

反正我係准备好去玩啦，哈哈。。。。。

今日有幸圣火经过屋企楼下，寻晚就搞掂的嘢返来来。

唔知点解无电视直播搞到我整个早上都好郁闷，得收音机先有的现状直播。

下午开始准备封路，将寻日係学校买嘅一大面国旗挂咗出窗门外面，甘贵就係为咗挂呢一下。

听讲北京路果的地方人山人海，屋企楼下就无甘多人。

见到楼下有个红底白字嘅牌158喔，莫非第158个火炬手。

估中咗，火炬来之前就摆低咗个挪住火炬嘅火炬手，中年男子啦，个样有的得意。

下面气氛即刻开始高涨，各个方向的人都係到喊，跟住果条友就各个方向行前的再挥下手，摆下pose甘，火炬未来就好high啦。

头上有直升机来啦，果条友都企返定，火炬终于来啦，跑得几甘慢。

楼下的人群猛甘叫加油啦，我都附和下。

157係个女仔来，交接完之后158开始好似行甘嘅速度跑起身啦，当然呢边挥下果边挥下，又再high多次。

1分钟倒就见唔到啦，下面的人好似有的未high够，好在后面来咗的赞助商嘅宣传车。

好多ppmm啊，而且好似因为我地屋企挂咗国旗而且我仲专登着咗件红衫吸引到她地的注意，仲向楼上招手，甘就再扬下手high下啦，哈哈。。。

今次睇圣火真係仲热闹过过年，所有车过晒之后的人仲想去涌过去跟住，当然的police叔叔处于好心挡住的人潮。

都几多人，可以想象其他地方更加嘘撼啦，今次大家都好爱国啊。

本来个PM话五一放我假，点知30号就又从客户果边发咗一个体验buglist过来。

睇落有的问题根本就唔係问题，相当火滚，再睇要求话4号做完，甘咪即係要过“劳动”节。

虽然无咩节目，但未使无聊到要加班甘充实挂，30号晚开始加咗先啦。

打电话问PM唔係话放假嘅咩，他话只要4号前做完就得啦，好似话我挪刀捅你你唔流血咪得囖。。。

加完班有节目啦，同计协班人去唱通宵颠，我真係好精力，虽然有的累不过有得玩就好。

呢次饮得多咗的，想瞓觉一合埋眼就觉得头超晕。

我都係唔识饮酒，玩大话骰无论输赢都自己中意就饮。

1号早上瞓咗半日，下午继续去图书馆加班，虽然图书馆闭馆，不过7楼个“手工作坊”全年无休咖。

为咗唔使3日过晒“劳动”节，唯有早的加班快的做完啦，终于剩返2条bug啦。

收工赶下半场啦，晚黑同蕉去中华打机，我居然之前唔知呢到有得打，而且唔贵添。

打死亡鬼屋4，用咗40只银就打爆机啦，终于打爆机啦。。。。

而且过程相当坎坷，係人第后面企咗个半钟先有得打，仲要打打下整袋银滑晒落地下，我等蕉慢慢打我就猛甘执。。。。。

再次强调我地用咗40只银咋，因为她上次用阿lo打听讲用咗60只仲最后无银爆唔到，哈哈哈。。。。

虽然我知道高手係入一次银就得，不过等我睇多的视频，记多的挪血嘅地方迟的就会变高手啦。

呢家仍然记得最搞笑果幕係我地飞炸鸡想住炸开的野打道具挪分，不过两件粉肠同时飞都时间错浪费咗的炸鸡。。。。Orz

同蕉返屋企顺便挪咗 银魂，貌似几搞笑可以解决我做项目时候嘅郁闷，唔使整日睇MTV甘斋啦。

至于今日就屋企发毛啦，晚黑同实习识嘅女生饮野，又係做外贸嘅，间公司刚刚参加完广交会，可以了解下果其他人做嘅野都係一件得意嘅事。

送人返屋企时候去行到新河浦发现运来环境係甘好，好耐无去过果到变到自己好似乡下出来甘，原来整得甘靓，长见识啦。。。。

听日踢波取消咗，想紧係咪返学校，放假之余都仲想紧4号要做完剩返果2条bug，虽然唔係好多，但要做的完美的需要的时间，真係犯贱。。。

今日第三日终，终于可以走。

其实我会想接到短信要我即刻改嘢，又咩都唔想做；有的想留底几日唔使烦，又想早的返去。

矛盾总係会跟到任何地方，就算乡下都唔係一个简单嘅地方。

今日上午去咗睇一个姑婆，係另外一个村，果个村係山间河边沿岸，起的屋分布得无我住果到果个村甘窄，舒服好多。

顺路仲睇多一个同埋係果个村嘅婆婆，应该都有的亲戚关系。

中午吃完饭仲有的时间，今日无墟，楼下就无咩人，摊係凳到觉得农村就係甘无所事事，的人甘早结婚都有好大关系挂。

临走仲系给的亲戚好热情甘挪咗好多嘢来，总嘅来讲同每次都一样，返去挪嘅嘢仲多过来嘅。

我係有的厌恶，但呢的就係人地嘅热情，人情世故就係甘。

係火车到呆下瞓下再望下外面嘅风景5个钟终于返到广州，仲係庆幸无任何短信唔使打开手提。