DZ
-
实习面试
2007-04-20
寻日下午学院组织左实习面试，抱住唔得就当去见识下嘅心情去左（能力唔够就唔可以太care）。。
整个中午学校周边打印嘅地方几乎都系计算机学院等住打简历嘅学生。
我就系其中一个，下午2点开始面试，中午1点半先打完简历，当然仲有好多人打紧。
返到宿舍吃左个包就出门，仲想紧自我介绍内容要点讲，点应付各种各样或者骑呢嘅问题。。
最后都系简单的着左件斯文嘅格仔衫同牛仔裤去，之前有烦过要唔要衬衫西裤正式的，
居然见到有人着住套白色西装着到好似去结婚甘。。。。
由于要加埋计算机嘅大三，去到有成4、5百人争18个公司，到处都排队，好鬼热闹。
兜左个圈先，要java果的唔识唔使去，基本上有C++果的先去，再或者就考虑下的看重能力技术无甘重要果的公司。
面嘅第一间系间东莞公司，1个人登记1个人面试，10米条队排左有1个半钟先到。
“我的名字是DZ，来自华工计算机学院软件工程专业。我对你们的XX职位比较甘兴趣，我熟悉C++，C#，SQL SERVER，“了解”JAVA跟JSF。。。＋2个项目＋两个协会嘅社会工作经验＋自我评价”，
排队嘅时候终于想好自我介绍，同埋面无表情甘背左n次想背熟的。。。
终于到我，面试个哥哥睇来唔大得我几多，做过C＃项目同PM仲有计协似乎都使他对我有兴趣。
自我介绍其实简历都有无点用上，答问题都无点紧张，
他最后系我张简历上面写左“C＃”落去，一边写仲一边话这个方向不错。
睇来都ok喔，不过个个都系甘写个技术方向落去咖啦。。
已经过左4点，时间无多要确定间想去嘅公司，话唔定唔够时间就系最后一间。
于是就去左排京华，阿平都来左一齐排，唔使一个人甘闷，
他话他之前排队面果的公司都唔多问技术问题，呢个真系个好消息。。。
似乎的面试嘅人开始知道时间唔够，条队都快左，轮到我有个面试官走左，得返2件；
自我介绍，然后又系问的项目负责做的咩，呢次有的紧张，个面试官望我居然避他嘅眼光。。
他问我四级几时过我居然诚实甘同他讲考左第二次先过，有的蠢。。。。
他然后问我队软件工程理解，
我话系面向应用，不过要睇好多书，动手能力时间会少的，但动手体现左书的内容。
答得有的乱，居然的甘嘅问题，我依家系觉得答得好差，
唔知系米因为答得差个面试官居然想左阵好似唔知有咩问甘，然后给我提问。
我问他企业文化点，他话可以有好多方面发展，
我问甘系米即系技术唔一定要甘注重，我又觉得自己蠢左，好似话紧给他听唔好注重我技术。。。。
讲完，起身果时简历袋里面的回形针跌左好多落地，想紧执唔执嘅时候。。
可能我有的前倾人第以为我想握手伸手过来，即刻伸手去握有的手忙脚乱。
最后决定扮返正常甘行开当的回形针唔系我跌嘅，有成几十粒要执有排出丑，睇唔到，睇唔到。。。
走都走唔切，连人第有无写野落自己份简历到，简历摆左去边都唔知。。。。
然后排腾信，时间差唔多关系最后变左收简历，的人即刻涌晒上去。
然后在排其他公司基本上都系匆匆问左几句然后收左简历。
一共投左6份简历之后终于收工，排队排到脚都累晒，
比较后悔无面试到友邦投资（AIG啊），无时间又听讲系英文面试惊无去到，
后来先知原来面试一半英文一半中文，而且一个貌似英文都差唔多嘅女同学都可以去笔试。。
比较骑呢就系广东数据中心今次招5到8月项目文档管理，本来住广州几有机会去，
但同面试个人倾知道无得学开发之后罗返份简历无留给人，搞到人第都有的愕然。。。
最后感想梗系要学多的野，英文啦，JAVA啦。。。
仲有就系发现自己原来唔系咩都唔识，其实其他人好多都系甘上下做过来，
连我华工都唔识甘多野甘其他学校的人点算呢（我尽管甘样来自我安慰一下）。。。
-
又考完一科
2006-01-16
今朝考法律基础，一科吾系甘重要也都唔使点复习嘅科目。
做得好快，总之呢得题一系就识做一系就唔识做，一个钟多的就交左卷。
放假嘅进程更进一步，得返19号嘅英语。
有的吾系英语C班嘅人已经唔使考可以今日返屋企啦。
已经系到策划进点样系呢几日将宿舍的也执好，等20号就可以走人。
想紧放假做的乜可以唔无聊，暂时妄想紧可以睇多的编程嘅书。
仲有就系要学煮菜，呢个灵感来源于最近间断睇嘅《恶作剧之吻》，
虽然我好惊去买菜，不过超市就无所谓啦。
-
今天
2005-09-27
今日中午体育选课，没有得选希望的瑜珈，唯有胎拳道还有兴趣。
对这个课程的兴趣源于一直想如何对付腿功夫比较厉害的人，
而且想象在双手都有行李的情况下都是用腿比较厉害。
最后考虑既然开始学了，是否放假继续去进一步学这样东西。
然后下午广工的颉听说我的法律基础是与艺术系一齐上，比较多女生，
也过来一齐上课，也只是看而已。
然后在宿舍CS与他解决个人恩怨，原以为他好厉害，事实上玩awp有几次我手枪解决他。
晚上上完比较有趣的旅游策划学选修继续玩66。
跳4级楼梯因为怕，未在楼梯前起跳，侧面着地，很大的“刷”一声。
结果带了护具，左边PP附近仍然多了块地图，还好牛仔裤没擦穿。
正在考虑明天如何穿裤子“地图”才不擦着不痛。
-
四级421
2005-09-20
四级没怎么复习考了421分。
比较不幸的是这一届开始没有合格分数线，只有分数高低。
标准分最高是710，421比较比较低。
更加郁闷的是，425分就可以考六级了。
又到报考12月四级的时候了，无奈继续报考四级。
还是有人安慰我的，friend祥考了424分。
没错，就如我说的：他是来安慰我的。
-
今日考数分
2005-07-01
寻晚就系睇左少少书，多数时间做
左 老师给果11条题。今朝就3点几先训，主要睇埋的题。
由于眼训，所以不是要上网睇下精神下。
试卷的题目有的可以话系只系改左个符号。
可惜我发现好多都唔多记得太详细，死得。
保守估计得50几分，终于知道好恨及格果时先点想嘅。
睇在我只系无交过一次作业，上课唔听都去训觉嘅份上总评应该及格啦。
下午原来想住训觉，点知打左整个下午机。
晚黑又来，GTA实在太好玩。
发现到左大学我地应付考试嘅手段又犀利左。
以前系临考试前几日先复习，而家就系临考试前果晚先复习。
今晚要早的训觉，星期六日要搞定的物理卷。
-
星期一
2005-06-28
今日考马经，早上先彻底刨完老师复印果3张卷。
提早交卷，反正的题一系就睇过即刻做出来，一系就唔识乱作也。
都应该会几个，听讲话要抓一成忍，我几个唔会系我啦。
仲有她份礼物嘅包裹详情单终于寄到。
今日落雨，要听日先去邮局罗得。
可惜都系要等她考完试先给到她，唔急。
同室嘅明前日借左我把打遮，今日去考试都未还。
同平共担一把浪漫都嫌细嘅遮去考试，湿左半边身。
当我返来要稳明讲罗左我把遮的冲同学算帐的时候，
他居然话寻日漏左系球场。
我把靓遮就甘就无左，接近3位数字嘅蓝色私家大遮。
最特别就系可以按一下开遮个挚遮果到识收返，基本上全校得一把。
虽然冲同学话赔，手机叫妈妈买返把果阵，她叫我唔好甘少气。
妈妈答应左放假买返把给我，我无意见。
唔使我出钱买，我会大方好多。
于是便宜了冲同学，他只系提供返把普通遮来用就得。
反而而家比较担心如果系学校撞返自己把遮点，
如果人地话系他嘅唔给返我点。。。。。
总之唔见左把遮好唔爽。
又话说呢几日宿舍电压唔稳定，整栋宿舍有时有一边突然无电。
前几日我地呢边就试过，对面好似好高兴。
跟住今日晚黑就终于轮到对面突然无电，的人出晒来有暴动趋势。
跟住我地呢边就开始幸灾乐祸，出去走廊拍埋手掌。
的人一路起哄，我去自习路上都听到的声由大到细。
然后，晚黑返来，我地班呢一层宿舍电压就好唔稳定。
我部老爷机尤其敏感，重启左n呢次。
最后索性一排宿舍都停晒电，跟住又有时有返闪下闪下。
结果系有的室烧左水表，有的室烧左厕所风扇、光管、台灯、最犀利连液晶都烧埋。
所以后尾乜都唔敢开，担凳出晒走廊睇书。
然后12点几，维修部的人终于整好返的电线。
重投光明怀抱，有的幸福嘅感觉，我仲第一个唔怕死最早开电脑，无事。
-
考完C++
2005-06-23
今日下午终于考完C++，都系抄为主，“参考”返前边的题目。
我都够犀利，从大前日先正式开始睇书，
今日中午先将呢个学期的5章成半本书C++睇晒。
所以我觉得可以及格已经感觉良好，我的确感觉良好。
总之考完就唔想甘多，睇下点应付下科好过。
呢排个blog都无乜更新，就系懒囖。
要考试，甘就要睇下书，打下电话，玩GTA - San Andreas。。。。
再剩返就系训觉吃饭，总之都过得几充实。
以前系考试前几个星期开始温书，而家就越来越唔知死，到考试前几日先开始温。
下个学期我会勤力的咖啦，我而家系甘想嘅。
虽然上个学期末我又系甘想。
-
四级
2005-06-19
呢个星期觉得唔知点过，星期六考完已经放弃嘅四级。
有的眼训，靠感觉做，居然好耐之前复左果少少单词都系选择题到见到一题温过嘅。
最后打钟刚刚就写完作文，四级就都系不过如是。
只系忍左好耐，一收完卷就冲左去厕所。
-
寻晚通宵做C++
2005-06-09
就中午，C++终于接近完工，居然一晚无训都仲未死出个C++来。
剩返果的下午去办
公室同老师共同研究埋就得。 今朝逃左34节物理，费事去训觉，系宿舍编程训觉都好过课室。
真系无训过，除左今朝23点通89点不支趴系台到算训左下。
照镜发现居然无乜眼袋，扮唔到熊猫。
无训觉嘅感觉好奇怪，2日变左1日，2日感觉系好长嘅1日。
仲有感觉就系有的想死，而家已经唔系好想训了。等多阵中午饭返来吃完再训。
-
人地高考我就逃课
2005-06-07
话说寻晚，应该系今朝果个500行代码同3层类结构嘅C++大作业做到4点。
搞到同室明都训唔着。
12节思想道德考试全部都系论述题，写到手都断，我识写早读左文科啦。
肉体加精神折磨，所以决定逃34节数分课，反正都系去乞眼训或者发呆。
返来宿舍训觉或者编程好过，听日交，今日点都要死出来。
哈哈，人地高考我就逃课，祝重读的人都考得好的。