DZ

今日失态讲粗口，原因系新调来嘅同事提咗的白痴意见搞到我好唔妥。

人手唔够仲系后面细细声同组长讨论意见，唔妥终于爆发闹咗句。

旁边2个一齐嘅站务叫想开的，我想我终于明白点解的站务平时话自己做嘢嘅态度。

所以我都系做好自己嘢算啦，其他人中意点就点我当睇唔到。

部x光机日日都会漏返的唔同嘢出来，前几日偶然有龙眼花生之类，今日又漏咗1樽水、1把遮、仲有袋女装衫裤。

我见有整套福娃给人塞入去咖，点解唔漏只欢欢来呢。

继续安检，今日给人调咗去少人果边，比较得闲仲多管闲事兼职咗下厅巡教人点搭车买票出站。

点解硬系有人一入站就想出站，将车票摆咗去左手边，想从出站果边入站。。。。

可能奥运关系，有的乘客中意双杠跨栏出闸机，不过站务员哥哥姐姐会喝住话你“犯规”。

今日想几时会对呢个位麻木，其实我地仲好积极甘做嘢咖。

继续安检，今日仲要着制服添。

今日发现咗把好长嘅刀，乘客话挪来切西瓜，但真系长到的大西瓜都可以打长一刀切开，收咗。

点解上班时间无奥运直播呢。。。

星期日，继续上班。

今日终于报仇，追住“要挟”咗一个想唔安检嘅叔叔返去安检。

有凳轮住坐舒服好多，点解早上无奥运直播，比较无聊。

整日见到的闸机给人“虐待”到系到叫。

今日太幸运，排咗早班，不过下午要上多个钟。

今日大日子，所以检得都严的，不过总系有的人唔配合嘅，我会叫阿sir搞掂你。

下午提前一个站给组长叫落班，同的人讲晒话系提前落班，点知原来系去培训学的仪器点用。。。。。

向中班嘅各位安检员致敬，你地今晚要系站到睇奥运啦。。。。

摆班表关系，星期二唔使上班，今日中班。

早上要整爱心便当，星期二晚黑买嘅9只蛋有5只散黄掉咗，以后无乜事唔好甘折磨自己。

中午再请人吃饭，下午2点非常准时甘到咗天客，其他人都到晒。

由于原来嘅分组已经打乱咗，有识到的新同事，大家都一齐安检囖。

见到早上已经见到的没收咗嘅菜刀，其他都系刀。

主要系叫的人埋来安检，或者叫的人自己打开个袋，其他细节就唔方便讲啦。

的X光机检查的图像几得意，不过接近落班嘅时候它居然梗亲，无事无事，千奇唔好钻入去就得啦。

早上有一个培训考试，话系半开卷自己做，实际肯定同人分工做。

最后一题问点由学校到社会角色转换需要写字，好难为唔知几耐无写过作文嘅我，写大道理，可惜大道理都系得几句而已。。。。。

然后一个有个几识吹水嘅书记来讲话，家属票要恢复边有甘容易，继续乞眼瞓。

中午接近吃饭开始同下午联欢会做准备，大家一齐吹咗一大堆粉红色嘅气球铺晒系地下。

吃完饭返来的粉红色气球已经串晒係天花到，开始派零食气氛开始high啦。

由于节日关系，本来我地组排第1个合唱换咗去第7个，无关系啦，我都系唱高潮同摆下手就得。

唱嘅时候特然无咗音乐，好彩唱到果句嘅果2个领唱嘅女生继续唱埋落去，无音乐唱慢咗都无人知仲好，而且人地安慰嘅掌声仲多咗。。。。。

仲有唱歌小品舞蹈，总之大学生乜都想得出啦。

有2个小品都有2个人来扮屏蔽门，他地唯一嘅台词就系——“哧”。

下面的人无聊得济就跟住“哧”埋一份，于是无论的“屏蔽门”有无动作下面都“哧”声一片。。。。

搞到上面的“屏蔽门”要好忍住笑，下面的人就猛甘笑，可能2个小品原来都唔好笑嘅。。。。

最后一个节目最后唱《真心英雄》，大家都企晒起身跟住的培训师系上面做手语，呢个时候基本上全场都最high啦。

整个应届嘅培训算告一段落，不过我下星期仲要继续培训，其实几期待去部门，不过当然无培训甘有趣。

原定今日系最后一日落站，调整之后今日返公司培训，室内培训乞眼瞓不在话下。

早上同晚黑都排练听日下午举行嘅联欢节目，主持人口误“下岗实习”导致全场轰动。

我地组居然有唱歌、para para、小品3个节目入选，唱歌仲排第一个节目，我地组唱得算好咖啦。

最重要嘅事系中午画咗只龟落分合同到，如无意外今后3年都系地铁嘅人啦，其实已经当自己系有3个星期啦。

培训就来结束，就来去部门报到啦。

三元里C1早班返8：00到20：00，要提早半个钟起身等可以提早半个钟上班。

C1就系行值，系控制室对住一大堆设备，我咩都唔使掂非常得闲无聊，最多望下玻璃外面站厅有无靓女。

下午实在太们就出咗去企展厅出闸机，主要任务就系睇的有无用咗咗手边嘅闸机，有问题嘅车票有要去票厅分析，有无逃票，最重要系派发票。

我除咗派发票之外就只能同人讲“进站在那边”，其实派发票都好大学问，因为我就识派发票。

从中午开始就开始企，真系企到脚都痛晒，然后就有的麻木啦。

因为唔输，发票派得好慢，仲经常唔知边个站搭过来会几钱应该会有几多发票，仲会特然死机唔知个16由几多个3同2组成。

当然仲有成10次张发票飘咗落地下要执返在给的乘客，终于一日落来超雷。

今天有趣嘅事就系有车清客有人系到小解，控制室嘅命令系“叫他快的搞掂，再叫保洁人员”。。。。

他肯定唔知上星期有旅客系伦敦地铁小解因此而电瓜咗，他如果再持久的就变世上第二个人。

晚黑时分仲有的饮醉酒嘅系闸门下面钻咗入站，系我地站围捕到走投无路之下果个人上咗地铁，听讲有全线通报搵傻佬。。。。。

结果几分钟之后果位仁兄又翻返来，呢次终于给保安睇到实，出闸都唔使他给钱啦，快的走唔好捣乱大家都高兴啦。

一日上24个钟真系累，写住甘多先

早上几乎搞唔清今日星期几，因为放假以为周末，又见到好多人上班记返起系星期一。

寻晚三元里值夜班，我个位系去睇人第数钱。

原来地铁站晚黑仲有好多嘢做，收站之后要的工人要搞卫生，晚黑会有施工要车站配合。

当然仲有就系数钱，整晚我就见到数不同嘅纸币同1蚊银为主嘅币，仲有车票。

由于我系算实习关系我唔需要也都唔可以掂的钱，人地数我就隔离斋睇，最多睇睇人第点填各种各样嘅清单，帮人配票时候登记下听日会卖果的羊城通个num。

比较有趣系去帮手换车站到的自动售票机（TVM）里面的钱币模块同纸币模块，以后都都会间接打交道嘅。

慢慢长夜仲可以去控制室睇下为咗配合施工点手动调的岔道，当然好多都睇唔明。

仲跟人地去打每日AFC的单，好复杂啊好多数据，我以后就要拥抱呢的嘢。

早上开站之前再同的TVM补银同车票，然后顺便溜落站台睇睇一早嘅情况，见到的站巡哥哥系地铁到两头跑叫的乘客落车。

最后整晚都无瞓，比较遗憾系无撞到检道落去隧道里面逛下，但呢个夜班都几丰富。

8点落班，有的眼瞓。