DZ

讲咗好耐好耐之后，DZ小朋友终于去学车啦。

系好好风景嘅二沙岛树荫下面练完手波之后就系唔停甘跟住其他人兜圈。

不过自己都兜咗个圈，除咗开得好慢同停车时候熄火之外基本顺利啦。

扎轪唔可以伸手指公系入面，手唔使太僵硬，再加埋入档呢的都有助提高打机嘅水平。

果然系秋天学唔车使甘热，而且呢到风景实在太好，仲可以望住新电视台（当然系唔开车果时）。

好啦，下星期继续。

部门例会到，入乡随俗甘好似的boss元老们将手机摆系台面，手机下面台面上都系人嘅影子。

有人用se，有人用n，不过呢个电脑相关嘅部门最多都系ht或者系dopod智能机。

对面某人用嘅就系几年前嘅智能砖头，我部2223最多也都只能算智能瓷片啦。

电池可能我仲耐用的，cpu我低的，但基本功能你有我都有啦。

手机总系越出越新越犀利，用嘅人都一样。

寻晚Q收到1条祝福，有人系提醒到发现我今日生日，凌晨时分也都有2位高中friends发来祝福短信。

好在仲有人记得，不过唔需要太隆重，只不过系又1个周期而已。

如果有人想送礼物给但唔知捡咩好，直接来问我挪张清单就得啦，简单的好。

仲系半生不熟一件经济适用男，成熟程度好似悬浮系杯中间唔上唔落嘅一条茶叶。

寻晚收到coffee同学要启程嘅短信，相信意家她已经飞咗去南半球。

她自由甘追求她开自由去了，今后一年半载只能够偶然网上熟络下。

祝她顺利啦。

（可以的话可以关照一下代买那里便宜的水果手机）

我当然唔会好似上次系部门周例会到甘讲“我要去做广播体操”。。。。。

不过呢句“佳话”今日仲係给人笑，下午2个同事中心乒乓球比赛，居然1个系师姐，另外1个系师兄。

我系抱住试下嘅心态去嘅，当然都想打赢多的，结果系我勉强赢咗个师兄之后就输咗。

其实仲有好多强人，不过去咗踢波，甘点击我仲系甘快嘅。。。。。

想住早的给人打赢就可以早的落班，点知就一路同人打落去打到正常落班时间。

上班时间可以锻炼真系一件几爽嘅事。

同事唔得闲，我代替去供货商到参与开发，我本来以为会几得意嘅。

结果上星期去咗2日，就连续做1张极品报表做到今日先做完，寻晚仲屋企研究“加班”到2点。。。。。

的同事都奇怪点解1张水晶报表我可以做甘耐，开始拣报表时候我只系按顺序，做下做下先发现超骑呢。。。。

不过都有收获嘅，再叫我做多张嘅话1日就交到货，大学里面漏咗嘅存储过程执返返来。

的循环游标之类咩都用晒上去，我只系担心到时个数据服务器执行个存储过程时候嘅压力。

要了解的项目所以要参与埋开发，所以甲方都要加班。

今晚同事临走话：你听日1个系到，他地（供货商）问你做完未，你话差唔多就得，唔系又分多的嘢过来咖啦。

怪唔得今日人地来问，明明已经就做完，个同事话。。。。。

DZ同志系部门周例会上嘅即席发言通常会为广大同事带来欢乐。

今周例会当领导讲到中心活动安排时候，就讲咗呢句，当然有加埋幽怨无辜嘅语气。

不过已经唔算新人啦，唔使再汇报上周做咗的咩。

生咗有3个月草之后，上来恢复返啦。

话说从一个新员工变成咗一个冇咁新嘅员工，绝对有的丑事会发生嘅。

1、公司门口坐楼梯事件

刚刚到办公室嘅时候仲系秋天，一日想住唔着波鞋换咗对凉鞋返工。

平时着波鞋嘅时候中意踩楼级边，结果中午出公司门口果几级嘅时候对凉鞋有的松，差的坐咗系的级到。

就算自己唔计较都有损公司形象，走都走唔切。。。。

2、下周安排事件

运动会要做广播体操，中心领导都好重视，新人当然给人叫咗去做。

结果部门周例会boss问新同事有咩工作实践安排，由于日日睇紧的文档以为唔算，于是脱口而出“做广播体操”。。。。

结果整个会议室爆笑，boss话“对，广播体操要做，但是呢。。。。。”。。。。

最后大家欢乐嘅气氛延续到落班，真系多得我。。。。

男厕所水喉事件

某日落班去厕所倒咗白天的菊花，结果个杯将仲开紧嘅水喉嘅水喉把手整甩咗。

而个把手又好好彩甘跌咗落水池个窿倒塞住咗，的水开始慢慢满上来。。。。

个池刚刚洗完空调滤网，试图挪返个把手上来嘅过程有的恶心，仲要系唔成功嘅。

结果最后系办公室工具箱揾到个钳先关返个水喉。

可能个问题太弱智连维修都冇来整，于是个水喉就一直都冇开过啦，搞卫生嘅阿姨唔好怪我。。。。

偶发性电脑黑屏

话说上班乞眼瞓系一个永恒嘅主题，本人上班乞眼瞓技术高超，保持睇电脑或者睇书状合埋眼。

通常系有人行过醒咗先发现刚刚瞓着咗阵，不过厄到人厄唔包自己部电脑，经典嘅window黑屏屏保设咗系5分钟。

所以有时醒返发现自己个屏幕黑咗，冇人睇到，冇人睇到。。。。。

话说寻日练嘅10人11足今天终于派上用场，最终无pk而且以快过训练速度冲线，不过仍然算最慢果组。。。。

听讲有的队好多项目已经练咗一个星期，坐办公室嘅运动会乜都唔够生产岗的人来。

事实证明只要唔出错点都会有人差过你嘅，不过最后都系挪咗倒数第一，安慰奖系每人一够皂同牙刷。

见返好多一齐培训嘅新同事，大家都觉得刚刚上班比较眼瞓。。。。

今日上班真系瞓着咗，系保持睇书姿势合埋眼。

当感觉前面走到有同事行过先发现刚刚果一阵自己系瞓着咗。。。。

对职位认识不断波动，好似又几多嘢要学，好似又无乜要做，心态会慢慢平稳嘅。

下午差唔多落班去坑口练习“10人9足”，准备听日参加唔知乜“趣味运动会”，可能开紧残奥会关系搞错咗个名，应该系10人11足。

不过得9个人训练，有个人休息，练到落班，成果系保证咗听日唔会比赛果时pk，我地中心好知足咖。